മത്സ്യത്തോടൊപ്പം തൈര് കഴിക്കാമോ? കേരളത്തിലെ ഭക്ഷണപ്രിയരുടെ ഇടയിൽ എപ്പോഴെങ്കിലും ഉയര്‍ന്നുവരുന്ന ഒരു പ്രധാന സംശയമാണ് "മീനും തൈരും (അല്ലെങ്കിൽ പാലും) ഒരുമിച്ച് കഴിക്കാമോ?" എന്നത്. പരമ്പരാഗതമായി നമ്മുടെ നാടുകളിൽ മീൻ കറിയും മോരും ഒരേ ഉച്ചഭക്ഷണത്തോടൊപ്പം വിളമ്പാറുണ്ട്. എന്നാൽ ഇത് ആരോഗ്യത്തിന് ഹാനികരമാണെന്ന് ആയുർവേദവും ചില ആരോഗ്യവിദഗ്ധരും മുന്നറിയിപ്പ് നൽകാറുണ്ട്. ഇതിൻറെ സത്യാവസ്ഥ എന്താണ്? ആയുർവേദവും ആധുനിക സയൻസും ഇതിനെക്കുറിച്ച് എന്ത് പറയുന്നു എന്ന് നമുക്ക് വിശദമായി പരിശോധിക്കാം. 1. ആയുർവേദ കാഴ്ചപ്പാട് (Ayurvedic Perspective) മത്സ്യവും തൈരും ഒരുമിച്ച് കഴിക്കുന്നത് ആയുർവേദപ്രകാരം 'വിരുദ്ധാഹാരം' അഥവാ ചേർച്ചയില്ലാത്ത ഭക്ഷണങ്ങളുടെ വിഭാഗത്തിലാണ് ഉൾപ്പെടുത്തിയിരിക്കുന്നത്. ഇതിൻറെ ശാസ്ത്രീയവും ആയുർവേദപരവുമായ വശങ്ങൾ, താഴെ പറയുന്നവയാണ്.ആയുർവേദപ്രകാരം, എല്ലാ ഭക്ഷണങ്ങൾക്കും, അതിൻറേതായ പ്രത്യേക വീര്യവും (Energy/Potency) ദഹന ശേഷമുള്ള ഗുണവുമുണ്ട് മത്സ്യം ശരീരത്തിൽ ഉഷ്ണവീര്യമുള്ളതും (Heating property), തൈര് ശീതവീര്യമുള്ളതുമാണ് (Cooling property). തീർത്തും എതിരായ ഈ രണ്...
മുരിങ്ങയില മുട്ട തോരൻ .
നന്നായി കഴുകിയെടുത്ത മുരിങ്ങയില - 3 കപ്പ്
മുട്ട - 2
തേങ്ങ - അരകപ്പ്
വറ്റൽമുളക് -3
സവാള - 1
പച്ചമുളക് 2
മുളകുപൊടി - അര ടീസ്പൂൺ
മഞ്ഞൾപ്പൊടി - അര
ജീരകം - കാൽ ടീസ്പൂൺ
ഉപ്പ് ആവശ്യത്തിന്.
പാനിൽ വെളിച്ചെണ്ണ ഒഴിച്ച് ചൂടാക്കുക , കടുക്, വേപ്പില, വറ്റൽമുളക് എന്നിവയിട്ട് താളിക്കുക
അതിലേക്ക് അരിഞ്ഞുവെച്ചിരിക്കുന്ന സവാളയും, പച്ചമുളകും, ചേർത്ത് വഴറ്റുക.
 |
| മുരിങ്ങയില മുട്ട തോരൻ റസിപ്പി |
വഴറ്റിയ സവാളയിലേക്ക് മുട്ട പൊട്ടിച്ചൊഴിച്ച് ഇളക്കുക.
സ്റ്റൗവിൻ്റെ ഫ്ലയിം കുറച്ചു വെയ്ക്കുക.
അതിലേക്ക് തേങ്ങ ചിരകിയതും , മുളകുപൊടി, മഞ്ഞൾപ്പൊടി, ജീരകം എന്നിവ ചേർത്തിളക്കിയ ശേഷം , തയ്യാറാക്കി വെച്ചിരിക്കുന്ന മുരിങ്ങയിലയും , ഇട്ട് ഇളക്കി യോജിപ്പിക്കുക.
പതിയെ വാടി ചുരുങ്ങാൻ തുടങ്ങുന്ന മുരിങ്ങയിലേക്ക് ആവശ്യത്തിന് ഉപ്പും ചേർത്ത് നന്നായി ഇളക്കി യോജിപ്പിച്ച് മുരിങ്ങയിലയുടെ പച്ചമണം മാറുമ്പോൾ അടുപ്പിൽ നിന്നും വാങ്ങി ചെറിയ ചൂടിൽത്തന്നെ കഴിക്കാം.
 |
| മുരിങ്ങയില മുട്ട തോരൻ റസിപ്പി |
മഴക്കാലത്ത് മുരിങ്ങയില ഉപയോഗിക്കാതിരിക്കുവാൻ ശ്രദ്ധിക്കുക.
മുരിങ്ങയില മുട്ട തോരന്റെ ആരോഗ്യഗുണങ്ങൾ
മുരിങ്ങയിലയിലെ പ്രകൃതിദത്ത പ്രോട്ടീനും മുട്ടയിലെ ഉയർന്ന ഗുണനിലവാരമുള്ള പ്രോട്ടീനും ചേരുമ്പോൾ ശരീരത്തിന് മികച്ച ഊർജ്ജവും കോശങ്ങളുടെ വളർച്ചയ്ക്ക് ആവശ്യമായ പോഷകങ്ങളും ലഭിക്കുന്നു.
മറ്റൊന്ന്, എല്ലുകളുടെയും പല്ലുകളുടെയുമെല്ലാം ബലത്തിന് ആവശ്യമായ കാൽസ്യവും, കൂടാതെ,വിളർച്ച , തടയാൻ സഹായിക്കുന്ന അയേണിൻ്റേയും സാന്നിദ്ധ്യം .
കൂടാതെ, വിറ്റാമിൻ സി, എ എന്നിവയും ആന്റിഓക്‌സിഡന്റുകളും അടങ്ങിയിരിക്കുന്നതിനാൽ ശരീരത്തിന്റെ രോഗപ്രതിരോധശേഷി കൂട്ടാനും ഈ ഭക്ഷണത്തിലുള്ള പോഷകങ്ങൾ സഹായിക്കുന്നു.
എന്തുകൊണ്ട് മഴക്കാലത്ത് മുരിങ്ങയില ഉപയോഗിക്കുന്നില്ല?
മഴക്കാലത്ത് ഈർപ്പം കൂടുതലായതിനാൽ മുരിങ്ങച്ചെടികളിലും ഇലകളിലും ചെറിയ കീടങ്ങളുടെയും പുഴുക്കളുടെയും മുട്ടയിടലും വളർച്ചയും കൂടുതലായിരിക്കും. ഇത് ശ്രദ്ധിച്ചില്ലെങ്കിൽ ആരോഗ്യത്തിന് ഹാനികരമാകാമെന്നതിനാൽ പലരും ഈ സമയത്ത് മുരിങ്ങയില ഉപയോഗിക്കുന്നത് ഒഴിവാക്കാറുണ്ട്.
മറ്റൊന്ന് , മഴക്കാലത്ത് ശരീരത്തിന്റെ ദഹനശക്തി പൊതുവെ കുറവായിരിക്കുമെന്നതാണ്.
അതിനാൽ ആയുർവേദ വിധികളനുസരിച്ച് മുരിങ്ങയിലയ്ക്ക് അല്പം കഫം വർദ്ധിപ്പിക്കാനുള്ള സ്വഭാവമുള്ളതുകൊണ്ട്, ദഹനം കുറഞ്ഞ ഈ കാലയളവിൽ ഇത് കഴിക്കുന്നത് ദഹനപ്രശ്നങ്ങൾക്ക് കാരണമായേക്കാമെന്നും, കരുതപ്പെടുന്നു.
അഭിപ്രായങ്ങള്‍