നാടൻ ചേമ്പുകറി റസിപ്പി
ചേമ്പുകറി എങ്ങിനെയുണ്ടാക്കാം ?
അനേകം പോഷകഗുണങ്ങൾ അടങ്ങിയിട്ടുള്ള ( Taro, Colocasia, എന്നീ ഇംഗ്ലീഷ് പേരുകളിൽ അറിയപ്പെടുന്ന) ചേമ്പ് ഉപയോഗിച്ച് എങ്ങിനെ ഒരു നാടൻ കറി (cheap curry recipe ) ഉണ്ടാക്കാമെന്നും അതിൻെറ ആരോഗ്യ ഗുണങ്ങളും ,ദോഷങ്ങളും എന്തെല്ലാമാണന്നും നമുക്കൊന്ന് പരിശോധിക്കാം
കറിക്ക് ആവശ്യമുള്ള സാധനങ്ങൾ .
ചേമ്പ് - 1/4 - കിലോഗ്രാം
പച്ചമുളക് -3 - 4
ചുവന്നുള്ളി- 4-5
തേങ്ങ - അര കപ്പ്
ഉപ്പ് , മഞ്ഞൾപ്പൊടി,
കടുക്, വേപ്പില, മഞ്ഞൾപ്പൊടി, ജീരകം.
തൈര് - അര കപ്പ്
തൊലി കളഞ്ഞ് കഷണങ്ങളാക്കി മുറിച്ചെടുത്ത ചേമ്പ് ഒരു കുക്കറിലേക്കിടുക.
.jpg "നാടൻ ചേമ്പുകറി റസിപ്പി") |
| നാടൻ ചേമ്പ്കറി റെസിപ്പി |
അതിലേക്ക് അൽപ്പം മഞ്ഞൾപ്പെടിയും , രണ്ടായി പകുത്ത പച്ചമുളകും ചേർത്ത് പാത്രത്തിലെ ചേമ്പ് മുങ്ങിക്കിടക്കുന്ന വിധം വെള്ളമൊഴിച്ച് കുക്കറിൽ വേവിക്കാൻ വെയ്ക്കുക.
രണ്ട് വിസിലിന് ശേഷം കുക്കർ ഓഫ് ചെയ്യാം.
തേങ്ങ ചിരകിയത് , 4 ചുവന്നുള്ളി , അൽപ്പം ജീരകം , വെളുത്തുള്ളി, മഞ്ഞൾപ്പൊടി ഇവയെല്ലാം ചേർത്ത് മിക്സിയിൽ അരച്ചെടുക്കുക
 |
| നാടൻ ചേമ്പ്കറി റെസിപ്പി |
അരപ്പ് - കുക്കറിൽ വെന്തു കഴിഞ്ഞ ചേമ്പിലേക്ക് ചേർക്കുക. ആവശ്യത്തിന് വെള്ളവും , ഉപ്പും, ഏതാനും കറിവേപ്പിലയും ചേർത്തിളക്കി ഇളക്കി രണ്ടു മിനിട്ട് തിളപ്പിക്കുക.
പിന്നീട്, അധികം പുളിയില്ലാത്ത, തൈര് കട്ടകൾ ഉടച്ച് കറിയിലേക്ക് ചേർക്കാം.
 |
| നാടൻ ചേമ്പ്കറി റെസിപ്പി |
ചെറിയ ഫ്ലയിമിൽ, കറി തിളക്കാൻ അനുവദിക്കാതെ ആവി വരുന്നതുവരെ ഇളക്കിക്കൊടുക്കുക,
ചീനച്ചട്ടിയിൽ വെളിച്ചെണ്ണ ഒഴിച്ച് ചൂടായി വരുമ്പോൾ കടുകും,, രണ്ട് വറ്റൽമുളകും , കറിവേപ്പിലയും , ചേർത്ത് കറിയുടെ മുകളിൽ ഒഴിച്ച് അടച്ചു വെച്ച് അൽപ്പ സമയത്തിനു ശേഷം നന്നായി ഇളക്കി യോജിപ്പിച്ച ശേഷം സ്വാദിഷ്ടമായ നാടൻ ചേമ്പുകറി ഉപയോഗിക്കാം.
പറഞ്ഞു വന്നാൽ, ഇന്നത്തെ പുതുല മുറ ഓൺലൈനിൽ ചേമ്പ് വാങ്ങാൻ ബുക്ക് ചെയ്ത് കാത്തിരുക്കുമ്പോൾ , പണ്ടുകാലത്ത് പറമ്പിലും, വീടിനു ചുറ്റുവട്ടങ്ങളിലെല്ലാമായി കാടുപോലെ വളർന്നു നിൽക്കുന്ന ചേമ്പുകളുടെ ചിത്രമാണ് മനസ്സിലേക്കോടിയെത്തുന്നത്. മാത്രമല്ല - പട്ടിണിയും ദുരിതവും നിറഞ്ഞ ആ കാലഘട്ടത്തിൽ അനേകം മനുഷ്യരുടെ മുഖ്യ ഭക്ഷണ വിഭവവും, ഒരു പരിധി വരെ അവരുടെ ആരോഗ്യ രഹസ്യങ്ങളും, ഇത്തരം പരമ്പരാഗത ഭക്ഷണങ്ങളിൽ അധിഷ്ഠിതമായിരുന്നുവെന്നും പറയാം!
 |
| നാടൻ ചേമ്പ്കറി റെസിപ്പി |
ചേമ്പിൻ്റെ ഗുണങ്ങൾ.
ഇത് അനേകം വിറ്റാമിനുകളാലും , ധാതുക്കളാലും സമ്പുഷ്ടമാണ്. കാർബോഹൈഡ്രേറ്റിൻ്റെ ഉറവിടമായതിനാൽ ശരീരത്തിനാവശ്യമായ ഊർജ്ജം ലഭിക്കുവാനും മികച്ചതാണ്.
ധാരാളം നാരുകളാൽ സമ്പുഷ്ടം. അതിനാൽ മലബന്ധം പോലുള്ളവയെ ചെറുക്കുവാനും, ദഹന പ്രക്രിയ സുഗമമാക്കുവാനും , ഹൃദയാരോഗ്യം സംരക്ഷിക്കുവാനും മികച്ചതാണ്.
 |
| നാടൻ ചേമ്പ് ഗുണവും, ദോഷവും |
കൂടാതെ ഇതിൽ അടങ്ങിയിട്ടുള്ള പൊട്ടാസ്യത്തിൻ്റെ അളവ് രക്തസമ്മർദത്തെ നിയന്ത്രിക്കുവാൻ സഹായകരമാണ്.
ഗ്ലൈസമിക് ഇൻഡക്സ് കുറവാണ് എന്നതിനാൽ ശരീരത്തിലെ ഷുഗർ ലവൽ ഉയരാതിരിക്കുവാനും ഈ ഭക്ഷണം മികച്ചതാണ്.
വിറ്റാമിൻ എ, വിറ്റാമിൻ സി, വിറ്റാമിൻ ഇ, കാൽസ്യം, അയൺ എന്നിവയും ഇതിൽ ധാരാളമായി അടങ്ങിയിട്ടുള്ളതിനാൽ പ്രതിരോധശേഷി വർദ്ധിപ്പിക്കാനും അസ്ഥികളുടെ ആരോഗ്യത്തിനും നല്ലതാണ്.
ചേമ്പിൻ്റെ ദോഷങ്ങൾ
പച്ച ചേമ്പിലുള്ള കാൽസ്യം ഓക്സലേറ്റിൻ്റെ സാന്നിദ്ധ്യം മൂലം ഇത് പാചകം ചെയ്യുമ്പോൾ കൈവിരലുകളിൽ, അലർജിയോ ചൊറിച്ചിലോ ഉണ്ടാകാം. കൂടാതെ വാതരോഗമുള്ളവരും , കിഡ്നി സ്റ്റോൺ പോലെ അസുഖമുള്ളവരും ഇത് ഒഴിവാക്കുന്നത് നല്ലതാണ്.
ചേമ്പ് അമിതമായിക്കഴിക്കുന്നത് ഗ്യാസ്ട്രബിൾ രൂപപ്പെടുന്നതിനോ, വയർ സ്തംഭനത്തിനോ ചിലപ്പോൾ കാരണമായേക്കാം.
ശ്രദ്ധിക്കേണ്ടത്.
ചേമ്പ് പാചകം ചെയ്യുമ്പോൾ നന്നായി വേവിച്ചെടുക്കാനും, അതോടൊപ്പം കഴുകിയെടുക്കുമ്പോഴും , പാചകം ചെയ്യുമ്പോഴും അൽപ്പം മഞ്ഞൾപ്പൊടി ചേർക്കുവാനും മറക്കാതിരിക്കുക.
|
അഭിപ്രായങ്ങള്