Pazham Nurukku Recipe രുചിയേറും പഴം നുറുക്ക് വൈകീട്ട് ചായയോടൊപ്പം കഴിക്കുവാനോ വിശിഷ്ടാതിഥികൾ വീടുകളിൽ വരുന്ന അവസരത്തിലോ എല്ലാം വളരെ പെട്ടെന്ന് ഉണ്ടാക്കുവാൻ കഴിയുന്ന ഒരു പലഹാരമാണ് പഴം നുറുക്ക് ആവശ്യമുള്ള സാധനങ്ങൾ നേന്ത്രപ്പഴം - 3 ( അധികം പഴുക്കാത്തത്.) ശർക്കര - 300 gm - ഉരുക്കിയത്. ഏലയ്ക്കാപ്പൊടി, ചുക്കുപൊടി, ആവശ്യത്തിന് വെള്ളം - അരക്കപ്പ് ഉപ്പ് - ( ഒരു നുള്ള് ) നെയ്യ് - ഒരു ടീസ്പൂൺ തയ്യാറാക്കുന്ന വിധം ; ചിത്രത്തിൽ കാണുന്നതുപോലെ അധികം പഴുത്ത് പാകമാകാത്ത ഏത്തപ്പഴം അൽപ്പം വലിയ കഷണങ്ങളാക്കിത്തന്നെ മുറിച്ച് അരക്കപ്പ് വെള്ളം ഒഴിച്ച ശേഷം പാനിലേക്കിട്ട് വേവിക്കുക. പിന്നീട് വെന്ത് , നല്ല മഞ്ഞ നിറമായ പഴത്തിലേക്ക് അരക്കപ്പ് വെള്ളത്തിൽ ഉരുക്കിയെടുത്ത ശർക്കരപ്പാനി ചേർത്ത് പഴത്തിൻ്റെ എല്ലാ ഭാഗത്തും ശർക്കരപ്പാനി പിടിക്കത്തക്കവിധം ഉടഞ്ഞുപോകാതെ പതിയെ തിരിച്ചും, മറിച്ചും ഇട്ടു കൊടുക്കുക. അതിനു ശേഷം ഒരു ടീസ്പൂൺ നെയ്യുകൂടി ഒഴിച്ചു കൊടുത്ത ശേഷം, കപ്പിൽ തയ്യാറാക്കി വെച്ചിരിക്കുന്ന തേങ്ങാപ്പാൽ കൂടി പാനിലേയ്ക്കൊഴിക്കുക . തയ്യാറാക്കി വെച്ചിരിക്കുന്ന ഏലയ്ക്കാ, ചുക്ക് പൊടി എന്നിവക്കൊപ്പം ഒരു നു...
Pazham Nurukku Recipe
രുചിയേറും പഴം നുറുക്ക്
വൈകീട്ട് ചായയോടൊപ്പം കഴിക്കുവാനോ വിശിഷ്ടാതിഥികൾ വീടുകളിൽ വരുന്ന അവസരത്തിലോ എല്ലാം വളരെ പെട്ടെന്ന് ഉണ്ടാക്കുവാൻ കഴിയുന്ന ഒരു പലഹാരമാണ് പഴം നുറുക്ക്
ആവശ്യമുള്ള സാധനങ്ങൾ
നേന്ത്രപ്പഴം - 3 ( അധികം പഴുക്കാത്തത്.)
ശർക്കര - 300 gm - ഉരുക്കിയത്.
ഏലയ്ക്കാപ്പൊടി,
ചുക്കുപൊടി,
ആവശ്യത്തിന്
വെള്ളം - അരക്കപ്പ്
ഉപ്പ് - ( ഒരു നുള്ള് )
നെയ്യ് - ഒരു ടീസ്പൂൺ
തയ്യാറാക്കുന്ന വിധം ;
ചിത്രത്തിൽ കാണുന്നതുപോലെ അധികം പഴുത്ത് പാകമാകാത്ത ഏത്തപ്പഴം അൽപ്പം വലിയ കഷണങ്ങളാക്കിത്തന്നെ മുറിച്ച് അരക്കപ്പ് വെള്ളം ഒഴിച്ച ശേഷം പാനിലേക്കിട്ട് വേവിക്കുക.
പിന്നീട് വെന്ത് , നല്ല മഞ്ഞ നിറമായ പഴത്തിലേക്ക് അരക്കപ്പ് വെള്ളത്തിൽ ഉരുക്കിയെടുത്ത ശർക്കരപ്പാനി ചേർത്ത് പഴത്തിൻ്റെ എല്ലാ ഭാഗത്തും ശർക്കരപ്പാനി പിടിക്കത്തക്കവിധം ഉടഞ്ഞുപോകാതെ പതിയെ തിരിച്ചും, മറിച്ചും ഇട്ടു കൊടുക്കുക.
അതിനു ശേഷം ഒരു ടീസ്പൂൺ നെയ്യുകൂടി ഒഴിച്ചു കൊടുത്ത ശേഷം, കപ്പിൽ തയ്യാറാക്കി വെച്ചിരിക്കുന്ന തേങ്ങാപ്പാൽ കൂടി പാനിലേയ്ക്കൊഴിക്കുക .
തയ്യാറാക്കി വെച്ചിരിക്കുന്ന ഏലയ്ക്കാ, ചുക്ക് പൊടി എന്നിവക്കൊപ്പം ഒരു നുള്ള് ഉപ്പ് കൂടി ചേർക്കാം
ഇനി പാനിലെ - ശർക്കര - തേങ്ങാപ്പാൽപ്പാനിയിൽ ഉടഞ്ഞുപോകാതെ പഴം പതിയെ ഇളക്കിയെടുക്കുക.
ഇപ്പോൾ പഴം നുറുക്ക് വിളമ്പി നൽകാൻ തയ്യാറായിക്കഴിഞ്ഞു .
ഈ പഴം നുറുക്ക് ഒരു പപ്പടം വറത്തതിനോടൊപ്പം കഴിച്ചു നോക്കൂ മികച്ച കോമ്പിനേഷനാണത്.
 |
| Pazham Nurukku Recipe |
ആരോഗ്യ ഗുണങ്ങൾ (Health Benefits)
പെട്ടെന്ന് ഊർജ്ജം നൽകുന്നു (Instant Energy): നേന്ത്രപ്പഴത്തിലെ സ്വാഭാവിക കാർബോഹൈഡ്രേറ്റുകളും ശർക്കരയിലെ ഗ്ലൂക്കോസും ചേർന്ന് ശരീരത്തിന് ക്ഷീണം അകറ്റി പെട്ടെന്ന് ഊർജ്ജം നൽകാൻ സഹായിക്കുന്നു. കുട്ടികൾക്കും കഠിനാധ്വാനം ചെയ്യുന്നവർക്കും ഇത് വളരെ നല്ലൊരു ലഘുഭക്ഷണമാണ്.
ദഹനം സുഗമമാക്കുന്നു (Good for Digestion): ഏത്തപ്പഴത്തിൽ അടങ്ങിയിരിക്കുന്ന നാരുകളും (Fiber), ഏലക്കാപ്പൊടിയുടെ സാന്നിധ്യവും ദഹനപ്രക്രിയ സുഗമമാക്കാൻ സഹായിക്കും.
പോഷകങ്ങൾ: നേന്ത്രപ്പഴത്തിൽ വൈറ്റമിൻ ബി6, വൈറ്റമിൻ സി, പൊട്ടാസ്യം, മഗ്നീഷ്യം എന്നിവ ധാരാളമുണ്ട്. ഇത് ഹൃദയാരോഗ്യത്തിനും നാഡീവ്യൂഹത്തിന്റെ പ്രവർത്തനത്തിനും നല്ലതാണ്.
നെയ്യും തേങ്ങാപ്പാലും നൽകുന്ന ഗുണങ്ങൾ: ഇതിൽ ചേർക്കുന്ന ശുദ്ധമായ നെയ്യിൽ കൊഴുപ്പിൽ അലിയുന്ന വൈറ്റമിനുകളും (A, D, E, K), ആരോഗ്യകരമായ കൊഴുപ്പുകളും അടങ്ങിയിട്ടുണ്ട്. തേങ്ങാപ്പാൽ കൂടിയാകുമ്പോൾ ശരീരത്തിന് ആവശ്യമായ നല്ല കൊഴുപ്പും (Healthy fats) സോഫ്റ്റ് ടെക്സ്ചറും ലഭിക്കുന്നു.
ശ്രദ്ധിക്കേണ്ട കാര്യങ്ങളും ദോഷവശങ്ങളും (Drawbacks & Precautions)
കൂടിയ കലോറി അളവ് (High Calories): നെയ്യ്, ശർക്കര, തേങ്ങാപ്പാൽ എന്നിവയെല്ലാം ഉയർന്ന അളവിൽ കലോറിയും കൊഴുപ്പും അടങ്ങിയവയാണ്. അതിനാൽ ഇത് അമിതമായി കഴിക്കുന്നത് ശരീരഭാരം വർദ്ധിപ്പിക്കാൻ (Weight Gain) ഇടയാക്കും.
പ്രമേഹ രോഗികൾക്ക് അനുയോജ്യമല്ല (Not for Diabetics): നേന്ത്രപ്പഴത്തിലെ സ്വാഭാവിക മധുരത്തിന് പുറമെ ശർക്കര കൂടി ചേർക്കുന്നതിനാൽ ഇതിന്റെ ഗ്ലൈസെമിക് ഇൻഡക്സ് (GI) വളരെ കൂടുതലാണ്. ഇത് കഴിച്ചാൽ രക്തത്തിലെ പഞ്ചസാരയുടെ അളവ് പെട്ടെന്ന് കുതിച്ചുയരാൻ (Blood Sugar Spike) കാരണമാകും. അതിനാൽ പ്രമേഹ രോഗികൾ ഇത് പൂർണ്ണമായി ഒഴിവാക്കുന്നതാണ് നല്ലത്.
അസിഡിറ്റി അല്ലെങ്കിൽ ദഹനക്കുറവ്: ചിലരിൽ തേങ്ങാപ്പാലും ശർക്കരയും ചേർന്നുള്ള മധുരപലഹാരങ്ങൾ അമിതമായാൽ നെഞ്ചെരിച്ചിലോ ദഹനപ്രശ്നങ്ങളോ ഉണ്ടാക്കാം.
ചുരുക്കത്തിൽ:ശരീരഭാരം കുറയ്ക്കാൻ ശ്രമിക്കുന്നവരും പ്രമേഹമുള്ളവരും ഇത് ഒഴിവാക്കുന്നതാണ് നല്ലത്. എന്നാൽ വളരുന്ന കുട്ടികൾക്കും, ശരീരഭാരം കൂട്ടാൻ ആഗ്രഹിക്കുന്നവർക്കും, കനത്തക്ഷീണം അനുഭവപ്പെടുന്നവർക്കും മിതമായ അളവിൽ ദിവസേനയുള്ള നാലുമണി പലഹാരമായി ഇത് തികച്ചും ആരോഗ്യകരവും സ്വാദിഷ്ടവുമായ ഒരു ചോയ്സ് ആണ്!
അഭിപ്രായങ്ങള്‍