മത്സ്യത്തോടൊപ്പം തൈര് കഴിക്കാമോ? കേരളത്തിലെ ഭക്ഷണപ്രിയരുടെ ഇടയിൽ എപ്പോഴെങ്കിലും ഉയര്‍ന്നുവരുന്ന ഒരു പ്രധാന സംശയമാണ് "മീനും തൈരും (അല്ലെങ്കിൽ പാലും) ഒരുമിച്ച് കഴിക്കാമോ?" എന്നത്. പരമ്പരാഗതമായി നമ്മുടെ നാടുകളിൽ മീൻ കറിയും മോരും ഒരേ ഉച്ചഭക്ഷണത്തോടൊപ്പം വിളമ്പാറുണ്ട്. എന്നാൽ ഇത് ആരോഗ്യത്തിന് ഹാനികരമാണെന്ന് ആയുർവേദവും ചില ആരോഗ്യവിദഗ്ധരും മുന്നറിയിപ്പ് നൽകാറുണ്ട്. ഇതിൻറെ സത്യാവസ്ഥ എന്താണ്? ആയുർവേദവും ആധുനിക സയൻസും ഇതിനെക്കുറിച്ച് എന്ത് പറയുന്നു എന്ന് നമുക്ക് വിശദമായി പരിശോധിക്കാം. 1. ആയുർവേദ കാഴ്ചപ്പാട് (Ayurvedic Perspective) മത്സ്യവും തൈരും ഒരുമിച്ച് കഴിക്കുന്നത് ആയുർവേദപ്രകാരം 'വിരുദ്ധാഹാരം' അഥവാ ചേർച്ചയില്ലാത്ത ഭക്ഷണങ്ങളുടെ വിഭാഗത്തിലാണ് ഉൾപ്പെടുത്തിയിരിക്കുന്നത്. ഇതിൻറെ ശാസ്ത്രീയവും ആയുർവേദപരവുമായ വശങ്ങൾ, താഴെ പറയുന്നവയാണ്.ആയുർവേദപ്രകാരം, എല്ലാ ഭക്ഷണങ്ങൾക്കും, അതിൻറേതായ പ്രത്യേക വീര്യവും (Energy/Potency) ദഹന ശേഷമുള്ള ഗുണവുമുണ്ട് മത്സ്യം ശരീരത്തിൽ ഉഷ്ണവീര്യമുള്ളതും (Heating property), തൈര് ശീതവീര്യമുള്ളതുമാണ് (Cooling property). തീർത്തും എതിരായ ഈ രണ്...
ഡിസ്ക് ബൾജ് വേദനയ്ക്ക് പെട്ടെന്നുള്ള പരിഹാരം
നട്ടെല്ലിലെ ഡിസ്ക് ബൾജ് (Disc Bulge) , അതല്ലങ്കിൽ ഡിസ്ക് ഹെർണിയേഷൻ മൂലം കഠിനമായ നടുവേദനയും, കാലുകളിലേക്ക് പടരുന്ന തരിപ്പും അനുഭവിക്കുന്നവർ ഒട്ടനവധിയാണ്. ഇത്തരം അവസരങ്ങളിൽ സ്വന്തം വീടുകളിൽ വെച്ച് , കഠിനമായ വേദനകൾക്കു പരിഹാരമായി ആശ്വാസം കണ്ടെത്തുന്നതിന് ഏറ്റവും ഫലപ്രദമായ മാർഗ്ഗങ്ങളിൽ ഒന്നാണ്
കോൾഡ് തെറാപ്പിയും ( Ice Bag) ഹീറ്റ് തെറാപ്പിയും ( Heat Bag)
എന്നാൽ ഡിസ്ക് ബൾജ് വേദന വരുമ്പോൾ പലർക്കും എപ്പോഴാണ് ഐസ് ബാഗ് വെയ്ക്കേണ്ടത്, എപ്പോഴാണ് ചൂട് പിടിക്കേണ്ടത് എന്ന കാര്യത്തിൽ കൃത്യമായ ധാരണയില്ല. തെറ്റായ സമയത്ത് ചൂടോ , തണുപ്പോ പിടിക്കുന്നത് വേദനയും, നീർക്കെട്ടും കൂടുവാനും കാരണമായേക്കാം. അതിനാൽ ഇവ രണ്ടും, എപ്പോൾ എങ്ങിനെ ഉപയോഗിക്കണമെന്നത് കൃത്യമായി മനസ്സിലാക്കാം.
ഐസ് ബാഗ് എപ്പോൾ ഉപയോഗിക്കണം? ( Cold Therapy)
തീവ്രമായ വേദനയുള്ളപ്പോൾ .
ഡിസ്ക് പ്രശ്നം മൂലം കഠിനമായ വേദന അനുഭവപ്പെടുമ്പോൾ ആദ്യത്തെ മൂന്നുദിവസം (48 മുതൽ 72 മണിക്കൂർ വരെ )ഐസ് ബാഗ് ഉപയോഗിക്കാം .
അതിൽ കൂടുതൽ ദിവസം ഐസ് ബാഗ് ഉപയോഗിച്ചാൽ ആ ഭാഗത്തേക്കുള്ള രക്തക്കുഴലുകൾ ചുരുങ്ങുകയും തത്ഫല മായി രക്തയോട്ടം കുറഞ്ഞു പോകുവാനുള്ള സാദ്ധ്യതകളുമുണ്ട്. കൂടാതെ തുടർച്ചയായുള്ള ഐസ് ബാഗിൻ്റെ പ്രയോഗം പേശികളെ കൂടുതൽ കടുപ്പമുള്ളതായി (Muscle Stiffness ) മാറ്റുവാൻ സാദ്ധ്യതയുള്ളതിനാൽ അത് ചിലപ്പോൾ ഗുണത്തേക്കാളേറെ ദോഷം വരുത്തി വെച്ചെന്നുമിരിക്കാം.
ഐസ് ബാഗ് എങ്ങിനെ ഉപയോഗിക്കണം?
ഐസ് കട്ടകൾ ഒരിക്കലും ചർമ്മത്തിൽ നേരിട്ട് വെക്കരുത്. ഇത് ' Ice Burn ' ഉണ്ടാക്കുവാൻ കാരണമാകും.
ഒന്നുകിൽ ലിപ് ലോക്ക് പ്ലാസ്റ്റിക് കവറുകളിലോ, ( തണുപ്പു കൂടുതലാണങ്കിൽ അതിനും മുകളിൽ ഒരു ലെയർ തുണി ചുറ്റുകയോ ) അതല്ലെങ്കിൽ ഇവിടെ ചിത്രത്തിൽ കാണിച്ചിരിക്കുന്ന തരം
 |
| കോൾഡ്, ഹീറ്റ് തെറാപ്പി എങ്ങിനെ വീട്ടിൽ ചെയ്യണം? |
ബാഗുകളോ ആണ് ചൂടും , തണുപ്പും മാറി മാറി പിടിക്കുവാൻ ഉത്തമം. ഇത്തരം ബാഗുകൾ ഓൺലൈനിൽ കുറഞ്ഞ നിരക്കുകളിലും ലഭ്യമാണ്.
ഐസ് ബാഗുകൾ വേദനയുള്ള ഭാഗങ്ങളിൽ 15 മുതൽ 20 മിനിട്ടു വരെ പിടിക്കാവുന്നതും ദിവസത്തിൽ മൂന്ന് നാല് മണിക്കൂർ ഇടവിട്ട് ആവശ്യമെങ്കിൽ മൂന്ന് പ്രാവശ്യം വരെ പിടിക്കാവുന്നതുമാണ്.
ഐസ് ബാഗ് ആദ്യ ഘട്ടം ശരീരത്തിൽ വെയ്ക്കുമ്പോൾ ചിലർക്ക് വല്ലാത്ത ഒരു തരം അസ്വസ്ഥത അനുഭവപ്പെട്ടേക്കാം . എങ്കിലും വളരെ പെട്ടെന്ന്, ഐസ് ബാഗ് മാറി, മാറി പിടിക്കുന്നതിലൂടെ ആ ഭാഗത്ത് തണുപ്പ് പടരാൻ തുടങ്ങുകയും, പിന്നീട് അസ്വസ്ഥത മാറുകയും ചെയ്യും.
പിന്നീട് സമയമെടുത്ത് സാവധാനത്തിൽ ഐസ് ബാഗ് പ്രയോഗം തുടരാവുന്നതാണ്.
മറ്റൊന്ന് , കഴിയുന്നതും മുറിയിലെഫാനുകൾ ഓൺ ചെയ്യാതെയും , ഐസ് ബാഗ് വെച്ചതിനു ശേഷം ആ ഭാഗങ്ങളിലുള്ള ജലാംശം തുടച്ചു കളയുന്നതും പിന്നീട് ചിലർക്ക് വരാവുന്ന ശരീരക്ഷീണത്തിനും, മറ്റ് ഏതെങ്കിലും തരത്തിലുള്ള അസ്വസ്ഥതകളേയുമെല്ലാം ഇല്ലാതാക്കുവാനും സഹായിക്കും.
2. ഹീറ്റ് ബാഗുകൾ എപ്പോൾ ഉപയോഗിക്കണം?
പേശികളിലുണ്ടാകുന്ന കഠിനമായ പിടുത്തം മാറ്റുവാനും, ആ ഭാഗത്തേക്കുള്ള രക്തയോട്ടം വർദ്ധിപ്പിക്കുന്നതിനും ചൂട് പിടിക്കുന്നത് സഹായിക്കും. എങ്കിലും ഇത് ഉപയോഗിക്കേണ്ട സമയം വ്യത്യസ്ഥമാണ്.
ഏതെല്ലാം അവസരങ്ങളിൽ ഉപയോഗിക്കാം?
പഴകിയ വേദനയ്ക്ക് ( Chronic Pain ) ഡിസ്ക് ബൾജ് മൂലം ദിവസങ്ങളും, ആഴ്ചകളുമായി മാറാതെ നിൽക്കുന്ന നേരിയ വേദനയ്ക്ക് ഹീറ്റ് ബാഗ് ഉപയോഗിക്കാം.
നെട്ടെല്ലിലെ വേദന മൂലം , കുനിയാനോ നിവരാനോ കഴിയാത്ത സാഹചര്യത്തിലും ഹീറ്റ് ബാഗ് ഉപയോഗിക്കുന്നത് ഗുണകരമാണ്.
പ്രത്യേകിച്ചും ചിലർക്ക് രാവിലെ എഴുന്നേൽക്കുമ്പോൾ നട്ടെല്ലിന് അനുഭവപ്പെടുന്ന ചെറിയ വേദനക്കും 10-15 മിനിട്ട് ചൂട് പിടിക്കുന്നത് നല്ലതാണ്.
ഹീറ്റ് ബാഗ് എങ്ങിനെ ഉപയോഗിക്കണം?
അമിതമായി ചൂട് ഉള്ള വെള്ളം ഉപയോഗിക്കരുത്. സഹിക്കാവുന്ന ചൂട് മാത്രമുള്ള വെള്ളമായിരിക്കണം ഹീറ്റ് ബാഗിൽ ഉണ്ടാകേണ്ടത്.
നട്ടെല്ലിന് താഴെയാണെങ്കിൽ 15 മുതൽ 20 മിനിട്ടു വരെ കുറഞ്ഞ ചൂടുള്ള വാട്ടർ ബാഗ് മാറി മാറി പിടിക്കാം.
 |
| ഡിസ്ക്ബൾജ് വേദനയ്ക് വീടുകളിൽ ചെയ്യാവുന്ന പരിഹാരം |
ഡിസ്ക് ബൾജ് ഉള്ളവർ ശ്രദ്ധിക്കേണ്ട പ്രധാന മുൻകരുതലുകൾ.
തുടക്കത്തിൽ തന്നെ ചൂട് ബാഗ് ഉപയോഗിക്കാതിരിക്കുക - വേദന തുടങ്ങിയ ഉടനെ തന്നെ ആ ഭാഗത്ത് ചൂട് പിടിച്ചാൽ ഉള്ളിലെ നീർക്കെട്ട് (Inflammation) കൂടുകയും, വേദന ചിലപ്പോൾ ഇരട്ടിയാകുവാനും സാദ്ധ്യതയുണ്ട്. അതിനാൽ വേദന ശക്തിയായി ഉള്ളപ്പോൾ കഴിയുന്നതും ചൂട് പിടിക്കുന്നത് ഒഴിവാക്കുക.
തുടർച്ചയായി ഉപയോഗിക്കരുത് - ഹീറ്റ് ബാഗായാലും, ഐസ് ബാഗ് ആയാലും മാക്സിമം 20 മിനിട്ടിൽ കൂടുതൽ ഒരേ സ്ഥലത്ത് ചൂട് പിടിക്കരുത്.
രണ്ടും മാറി മാറി ഉപയോഗിക്കാം ( Contrast Therapy) - 3 ദിവസത്തിന് ശേഷവും, പേശികളുടെ പിടുത്തവും വേദനയും മാറ്റമില്ലാതെ തുടരുന്നുവെങ്കിൽ 15 മിനിട്ട് ഐസ് ബാഗും അതിനു ശേഷം കുറച്ചു കഴിഞ്ഞ് 15 മിനിട്ട് ഹീറ്റ് ബാഗും മാറി മാറി ഉപയോഗിക്കുന്നത് വേദനയ്ക്ക് ശമനം നൽകും.
അതോടൊപ്പം സൈനസ് രോഗമുള്ളവരും, പനി ഉള്ളവരുമെല്ലാം തീർച്ചയായും ഐസ് ബാഗിൻ്റെ ഉപയോഗം ഒഴിവാക്കേണ്ടതുമാണ്.
ബൾജ് വേദന വരുമ്പോൾ ഐസ് ബാഗും, ഹോട്ട് ബാഗും താത്ക്കാലിക ആശ്വാസങ്ങൾ നൽകുമെങ്കിലും , ഇവ രോഗത്തിനുള്ള പൂർണ്ണമായ ചികിത്സയായി കരുതേണ്ടതില്ല. മാത്രല്ല മേൽ വിവരിച്ചത് ഒരു പൊതുവായ കാര്യം മാത്രമാണ് അതിനെ ഒരു വൈദ്യശാസ്ത്രപരമായ വിദഗ്ധോപദേശമായും സ്വീകരിക്കേണ്ടതില്ല. തീർച്ചയായും ഡിസ്ക് ബൾജിൻ്റെ ഭാഗമായി നീണ്ടുനിൽക്കുന്ന വേദനയും, കാലിന് ഭാരവും, തളർച്ചയും അനുഭവപ്പെടുന്നുവെങ്കിൽ അടിയന്തിരമായി ഒരു വിദഗ്ധ ഡോക്ടറുടെ സേവനം തേടേണ്ടതുമാണ്.
ഞാൻ ഡിസ്ക് ബൾജ് മാറ്റിയകഥ. ഒരുസ്ത്രീയുടെ അനുഭവക്കുറിപ്പ്. വായിക്കാൻ ഇവിടെ ക്ളിക്കുചെയ്യുക.
അഭിപ്രായങ്ങള്‍