ശരീരത്തിലെ നീർക്കെട്ടും ഭക്ഷണക്രമവും

ഒഴിവാക്കേണ്ടതും, ശീലിക്കേണ്ടതും

ശരീരത്തിൻ്റെ വിവിധ ഭാഗങ്ങളിൽ ഉണ്ടാകുന്ന നീർക്കെട്ട് ഇന്ന് പലരേയും അലട്ടുന്ന ഒരു മുഖ്യപ്രശ്നമാണ്. അത് ശരീരത്തിലെ ഡിസ്ക്ക് ബൾജ് ( Disc Bulge )  മൂലമുള്ള വേദനയാകാം, സന്ധിവേദനയാകാം, അല്ലങ്കിൽ തലയിലോ, വയറ്റിലോ ഉണ്ടാകുന്ന അസ്വസ്ഥതകളാകാം. എന്തു തന്നെയായാലും നാം കഴിക്കുന്ന ഭക്ഷണത്തിന് ഈ നീർക്കെട്ടിനെ നിയന്ത്രിക്കുവാനോ, വർദ്ധിപ്പിക്കുവാനോ ഉള്ള കഴിവുണ്ട്.

അതിനാൽ ശരീരത്തിലെ നീർക്കെട്ട് കുറയ്ക്കുവാൻ സഹായിക്കുന്ന Anti -inflammatory Diet രീതികളെക്കുറിച്ചും, ഒഴിവാക്കേണ്ട ഭക്ഷണങ്ങളെക്കുറിച്ചും താഴെ വായിക്കാം.

എന്താണ് നീർക്കെട്ട്? ( Inflammation)

ശരീരത്തിലെ കോശങ്ങൾക്ക് എന്തെങ്കിലും പരിക്കോ, അണുബാധയോ ഉണ്ടാകുമ്പോൾ ശരീരം സ്വയം സ്വീകരിക്കുന്ന ഒരു പ്രതിരോധമാണ് നീർക്കെട്ട്. എന്നാൽ ഇത് ദീർഘകാലം നിലനിൽക്കുമ്പോഴാകട്ടെ അത് വീട്ടുമാറാത്ത വേദനയ്ക്കും, മറ്റു രോഗങ്ങൾക്കും കാരണമാകുന്നു.

നീർക്കെട്ടുള്ളവർ ഒഴിവാക്കേണ്ട മുഖ്യ ഭക്ഷണങ്ങൾ.

ശരീരവീക്കം വർദ്ധിപ്പിക്കുന്ന    ഭക്ഷണങ്ങൾ പരമാവധി ഒഴിവാക്കുക എന്നതാണ് ആദ്യപടി. അതിനായി അത് ഏതൊക്കെയാണെന്ന് ആദ്യം പരിശോധിക്കാം

പഞ്ചസാരയും , മധുരപലഹാരങ്ങളും

രക്തത്തിലെ ഇൻസുലിൻ വർദ്ധിപ്പിക്കുന്നതോടൊപ്പം നീർക്കെട്ടിന് കാരണമാകുന്ന സൈറ്റോകെെനുകൾ പുറപ്പെടുവിക്കുകയും ചെയ്യുന്നു. 

മൈദ ഉത്പ്പന്നങ്ങൾ

പൊറോട്ട, വെള്ള ബ്രഡ്ഡുകൾ , കേക്കുകൾ, എന്നിവ ദഹനത്തെ മന്ദീഭവിപ്പിക്കുകയും, ശരീരത്തിൽ അമ്ലത വർദ്ധിപ്പിക്കുകയും ചെയ്യും. 

വറുത്ത ഭക്ഷണങ്ങൾ

ട്രാൻസ് ഫാറ്റ് അടങ്ങിയ ചിപ്സ്, ഫാസ്റ്റ് ഫുഡ്, എന്നിവ കോശങ്ങളിലെ നീർക്കെട്ട് ഇരട്ടിയാക്കും. 

അമിതമായ ഉപ്പ്.

ഉപ്പ് ശരീരത്തിൽ ജലാംശം ( Water retention ) കെട്ടിനിൽക്കാൻ കാരണമാകുന്നു. ഇത് സന്ധികളിലെ വീക്കം വർദ്ധിപ്പിക്കുന്നു. 

പാക്കറ്റ് ഭക്ഷണങ്ങൾ

പ്രിസർവേറ്റീവുകളും, കൃത്രിമ നിറങ്ങളും ചേർത്ത ഭക്ഷണങ്ങൾ ഒഴിവാക്കുക.

വിവിധ ശരീരഭാഗങ്ങളിലെ നീർക്കെട്ടിന് ഒഴിവാക്കേണ്ടവ.

സന്ധികളിലും , നട്ടെല്ലിലും .  (Spine and Joints)

ഇവിടെ വാതം വർദ്ധിപ്പിക്കുന്ന തരത്തിലുള്ള കിഴങ്ങ് വർഗ്ഗങ്ങളും , പുളിയുള്ള ഭക്ഷണങ്ങളും നിയന്ത്രിക്കണം.

തലയിലെ ഭാരവും, നീർക്കെട്ടും  (Head and Sinus)

തണുത്ത പാനീയങ്ങൾ ഐസ്ക്രീം, അമിതമായ പാൽ ഉത്പന്നങ്ങൾ എന്നിവ കുറയ്ക്കുന്നത് ഗുണകരമാണ്.

വയറ്റിലെ നീർക്കെട്ട്

(Gut inflammation)

ഗ്യാസ് ഉണ്ടാക്കുന്ന പരിപ്പ് വർഗ്ഗങ്ങൾ ഒഴിവാക്കി നാരുകൾ അടങ്ങിയ ഭക്ഷണം കഴിക്കുക.

ശരീരത്തിലെ നീർക്കെട്ടിനെ തടുക്കും മഞ്ഞൾ

മത്സ്യം കഴിക്കുമ്പോൾ ശ്രദ്ധിക്കുക. വായിക്കാൻ ഇവിടെ ക്ലിക്ക് ചെയ്യുക.

നീർക്കെട്ട് കുറയ്ക്കാനുള്ള ഭക്ഷണങ്ങൾ

സാധാരണ രീതിയിൽ നീർവീക്കം കുറയ്ക്കുന്നതിന് താഴെ പറയുന്ന ഭക്ഷണങ്ങൾ ശീലമാക്കാം.

1. മഞ്ഞൾ

മഞ്ഞളിലെ ' കുർക്കുമിൻ ' ഒരു മികച്ച പ്രകൃതിദത്ത വേദനസംഹാരിയാണ്. 

2. ഇഞ്ചിയും വെളുത്തുള്ളിയും - ഇത് ശരീരത്തിലെ രക്തയോട്ടം വർദ്ധിപ്പിക്കുവാനും, നീർക്കെട്ട് കുറയ്ക്കുവാനും സഹായിക്കുന്നു.

3. നെല്ലിക്കയും , പഴവർഗ്ഗങ്ങളും - ആൻ്റി ഓക്സിഡൻ്റുകൾ ധാരാളം അടങ്ങിയ പഴങ്ങൾ കോശങ്ങളുടെ ആരോഗ്യം സംരക്ഷിക്കും.

4. ദിവസവും  ധാരാളമായി വെള്ളം കുടിയ്ക്കുന്നത് ശരീരത്തിലെ വിഷാംശം പുറന്തള്ളുവാൻ സഹായിക്കും. 

ശരീരത്തിലെ നീർക്കെട്ടിനെ തടുക്കാം

ജീവിതശൈലിയിൽ വരുത്തേണ്ട മാറ്റങ്ങൾ

ഭക്ഷണത്തോടൊപ്പം ശരിയായ ഉറക്കം, ലഘുവായ വ്യായാമം, മലബന്ധത്തിന് ഇടവരാത്ത ഭക്ഷണരീതികൾ, എന്നിവ കൃത്യമായി പാലിക്കുക.

സന്ധികളിലും , നട്ടെല്ലിലും വരാവുന്ന നീർക്കെട്ടിന്  ശരിയായ ചികിത്സാ മാർഗ്ഗം തേടുന്നതിനോടൊപ്പം ഇത്തരം കാര്യങ്ങൾ കൂടി ശീലിച്ചാൽ രോഗാവസ്ഥകൾ പെട്ടെന്ന് ഭേദമാവുകയും, സമീപഭാവിയിൽ രോഗം വരാതിരിക്കുന്നതിന് സഹായകരമായി തീരുകയും ചെയ്യും.

ഇതെല്ലാം സാധാരണപൊതുവായുള്ള കാര്യങ്ങളാണ്. എങ്കിൽപ്പോലും ഏതൊരസുഖത്തിനും, വിദഗ്ധരായവരുടെ അഭിപ്രായങ്ങൾ തേടിമാത്രം ചികിത്സ നടത്തുക.

എത്രവലിയനീർക്കെട്ടിനേയും അകറ്റാൻ മികച്ച നാട്ടുവൈദ്യം... വായിക്കാൻ ക്ലിക്ക്ചെയ്യുക.