സാധാരണ പപ്പടത്തിന് ഒരു അടിപൊളി പകരക്കാരൻ ചക്കക്കാലമായാൽ മലയാളികളുടെ വീടുകളിൽ ചക്കപ്പലഹാരങ്ങൾ കൊണ്ടുള്ള മേളമാണ്. ചക്കപ്പുഴുക്കും, ചക്ക അടയും, ചക്ക വറുത്തതുമെല്ലാം നമുക്ക് പ്രിയങ്കരവുമാണ് എന്നാൽ നാടൻചക്ക ( Pure Kerala Jackfruit ) കൊണ്ടുള്ള ചക്കപപ്പടം ( Chakka Pappadam ) കഴിച്ചിട്ടുണ്ടോ? രുചിയിൽ മുന്നിൽ നിൽക്കുന്ന ഈ ചക്ക പപ്പടം, വെറുതെ ഒരു രസത്തിന് കഴിക്കാൻ വേണ്ടി മാത്രമുള്ളതല്ല. അതിലുപരി നിരവധി ആരോഗ്യഗുണങ്ങൾ ചേർന്ന ഒരു ഇനം കൂടിയാണ്. ചക്കയുടെ തനിമ ചോരാതെ തയ്യാറാക്കുന്ന ഈ നാടൻ പപ്പടം ( Traditional Papad Recipe) എങ്ങിനെയാണ് സാധാരണ പപ്പടങ്ങളിൽ നിന്ന് വ്യത്യസ്ഥമാകുന്നതെന്നും, ഇതിൻ്റെ ഗുണങ്ങളെന്തെല്ലാമാണന്നും നോക്കാം. സാധാരണ പപ്പടം കഴിക്കുമ്പോഴുണ്ടാകുന്ന ചില ആരോഗ്യപ്രശ്നങ്ങൾ ( പ്രത്യേകിച്ച് പ്രഷർ രോഗമുള്ളവർക്ക്) ഏതു മലയാളിക്കും ഊണുകഴിക്കുമ്പോൾ ഒന്നോ രണ്ടോ പപ്പടം കൂടിയുണ്ടങ്കിലേ ഭക്ഷണത്തിൽ ഒരു സംതൃപ്തിയുണ്ടാകൂ. എന്നാൽ പലപ്പോഴും വളരെ സ്വാദോടെ കഴിക്കുന്ന ഈ പപ്പടത്തിൻ്റെ ആരോഗ്യപ്രശ്നങ്ങളെക്കുറിച്ച് ചിന്തിച്ചിട്ടുണ്ടോ? ഒന്നാമതായി അമിതമായ ഉപ്പ് ( High Sodium Content) ഇത് രക്തസമ്മർദ്ദമുള്ളവരെ സം...
സാധാരണ പപ്പടത്തിന് ഒരു അടിപൊളി പകരക്കാരൻ
ചക്കക്കാലമായാൽ മലയാളികളുടെ വീടുകളിൽ ചക്കപ്പലഹാരങ്ങൾ കൊണ്ടുള്ള മേളമാണ്. ചക്കപ്പുഴുക്കും, ചക്ക അടയും, ചക്ക വറുത്തതുമെല്ലാം നമുക്ക് പ്രിയങ്കരവുമാണ് എന്നാൽ നാടൻചക്ക ( Pure Kerala Jackfruit ) കൊണ്ടുള്ള ചക്കപപ്പടം ( Chakka Pappadam ) കഴിച്ചിട്ടുണ്ടോ? രുചിയിൽ മുന്നിൽ നിൽക്കുന്ന ഈ ചക്ക പപ്പടം, വെറുതെ ഒരു രസത്തിന് കഴിക്കാൻ വേണ്ടി മാത്രമുള്ളതല്ല. അതിലുപരി നിരവധി ആരോഗ്യഗുണങ്ങൾ ചേർന്ന ഒരു ഇനം കൂടിയാണ്.
ചക്കയുടെ തനിമ ചോരാതെ തയ്യാറാക്കുന്ന ഈ നാടൻ പപ്പടം ( Traditional Papad Recipe) എങ്ങിനെയാണ് സാധാരണ പപ്പടങ്ങളിൽ നിന്ന് വ്യത്യസ്ഥമാകുന്നതെന്നും, ഇതിൻ്റെ ഗുണങ്ങളെന്തെല്ലാമാണന്നും നോക്കാം.
സാധാരണ പപ്പടം കഴിക്കുമ്പോഴുണ്ടാകുന്ന ചില ആരോഗ്യപ്രശ്നങ്ങൾ ( പ്രത്യേകിച്ച് പ്രഷർ രോഗമുള്ളവർക്ക്)
ഏതു മലയാളിക്കും ഊണുകഴിക്കുമ്പോൾ ഒന്നോ രണ്ടോ പപ്പടം കൂടിയുണ്ടങ്കിലേ ഭക്ഷണത്തിൽ ഒരു സംതൃപ്തിയുണ്ടാകൂ. എന്നാൽ പലപ്പോഴും വളരെ സ്വാദോടെ കഴിക്കുന്ന ഈ പപ്പടത്തിൻ്റെ ആരോഗ്യപ്രശ്നങ്ങളെക്കുറിച്ച് ചിന്തിച്ചിട്ടുണ്ടോ?
ഒന്നാമതായി അമിതമായ ഉപ്പ് ( High Sodium Content) ഇത് രക്തസമ്മർദ്ദമുള്ളവരെ സംബന്ധിച്ച് അപകടകരവും അതിനാൽ തന്നെഹൃദയാരോഗ്യത്തേയും. സാരമായി ബാധിക്കും.
മറ്റൊന്ന് ഉഴുന്നുകൊണ്ടു നിർമ്മിക്കുന്ന ഈ പപ്പടത്തിലെ സോഡാക്കാരമാണ് . (Baking Soda ) പപ്പടം വറുത്തെടുക്കുമ്പോൾ നല്ലപോലെ പൊങ്ങിവരാനും, ക്രിസ്പി ആകാനും ചേർക്കുന്ന ഈ സോഡാക്കാരം, വയറ്റിൽ ഗ്യാസ്, അസിഡിറ്റി എന്നിവയുണ്ടാക്കാൻ കാരണമാകുന്നു.
കൂടാതെ കടകളിൽ നിന്നും വാങ്ങുന്ന പപ്പടങ്ങളിൽ അനേകദിവസം കേടുകൂടാതെയിരിക്കുവാൻ ആവശ്യമായ കെമിക്കലുകളും ചേർക്കുവാനുള്ള സാദ്ധ്യതകളുമുണ്ട്.
എല്ലാത്തിലുമുപരി എണ്ണയിൽ വറുത്തെടുത്ത പപ്പടം ശരീരത്തിലെ കൊളസ്ട്രോളും, ശരീരഭാരം കൂടുന്നതിനും ഇടയാക്കും.
ഇവിടെയാണ് നമ്മുടെ നാടൻ ചക്ക ഉപയോഗിച്ചുള്ള പപ്പടം പ്രസക്തമാകുന്നത്.
നാടൻ ചക്ക പപ്പടത്തിൻറെ ഗുണങ്ങൾ.
വീട്ടിൽത്തന്നെ വളരെ പ്രകൃതിദത്തമായരീതിയിൽ നിർമ്മിക്കുന്ന ഈ ചക്ക പപ്പടത്തിൽ സോഡാക്കാരമോ, മറ്റുകെമിക്കലുകളോ ഒന്നും തന്നെഇല്ലന്നുള്ളതാണ് മുഖ്യ പ്രത്യേകത. പച്ചച്ചക്ക പുഴുങ്ങി അരച്ചെടുത്താണ് ഇത് ഉണ്ടാക്കുന്നത് എന്നതിനാൽ വയറുസംബന്ധമായ യാതൊരു പ്രശ്നങ്ങൾക്കും ഇത് ഇടയാകുന്നില്ല.
കുടാതെ, നമ്മൾ സ്വയം ഉണ്ടാക്കുന്നതായതുകൊണ്ട് ഉപ്പ് ആവശ്യത്തിന് മാത്രം ചേർത്താൽ മതി. അതിനാൽ പ്രഷർരോഗമുള്ളവർക്കും ഇത് മിതമായതോതിൽ കഴിക്കാം.
മറ്റൊന്ന്, പപ്പടത്തിൻറെ രൂപത്തിലാണങ്കിൽപോലും ഇതിൽ ധാരാളം നാരുകൾ (High Fiber)അടങ്ങിയിട്ടുണ്ട്. അത് ദഹനം സുഗമമാക്കാനും,മലബന്ധം തടയുവാനും സഹായിക്കും.
ഗ്ളൈസെമിക് ഇൻഡക്സ് കുറവ്. അതിനാൽ പ്രമേഹരോഗികൾകഴിക്കുന്നതും സുരക്ഷിതമാണ്.
ഇത് നാടൻ രീതിയിൽ വെയിലത്തുവെച്ചുതന്നെ ഉണക്കിതയ്യാറാക്കുന്നതിനാൽ പ്രിസർവേറ്റീവുകൾ ഇല്ലാതെതന്നെ ദീർഘകാലം കേടുകൂടാതെയിരിക്കും.
മറ്റൊന്ന് എണ്ണയിൽ വറുത്തെടുക്കാൻ താത്പ്പര്യമില്ലാത്തവർക്ക് ചുട്ടെടുത്തും ഉപയോഗിക്കാം.
ചുരുക്കിപ്പറഞ്ഞാൽ മികച്ച ആരോഗ്യ ഗുണങ്ങളും , രുചിയുമുള്ള മികച്ച ഒരു ഭക്ഷ്യവസ്തുവാണ് ചക്കയും , അതുകൊണ്ടു നിർമ്മിക്കുന്ന ചക്കപപ്പടവും. അതിനാൽ വിപണിയിൽ കിട്ടുന്ന ആരോഗ്യത്തിന് ഹാനികരമായ പപ്പടങ്ങൾക്ക് പകരമായി ഈ ചക്കക്കാലത്ത് വീടുകളിൽ സുലഭമായി ഉണ്ടാകുന്ന ചക്കകൾ ഉപയോഗിച്ച് കുറച്ച് ചക്ക പപ്പടങ്ങൾ ഉണ്ടാക്കി സൂക്ഷിക്കുന്നത് തീർച്ചയായും ആരോഗ്യകരമായ ഒരു ഭക്ഷണ ശീലത്തിലേയ്ക്ക് ചുവടുവെയ്ക്കുവാൻ ഏവരേയും സഹായിക്കും.
ചക്ക പപ്പടം എങ്ങിനെയുണ്ടാക്കാം?
നല്ല നാടൻ പച്ച ചക്ക - പകുതി മുറിച്ച് ക്ലീൻ ചെയ്തത്.
മഞ്ഞൾപ്പൊടി - ഒരു ടീസ്പൂൺ
മുളകുപൊടി - ഒരു ടീസ്പൂൺ
ഉപ്പ് - ആവശ്യത്തിന്
എള്ള് - രണ്ട് ടീസ്പൂൺ
ക്ലീൻ ചെയ്ത് വെച്ചിരിക്കുന്ന ചക്ക ചെറിയ കഷണങ്ങളായി മുറിക്കുക.
അതിലേക്ക്, അൽപ്പം
വെള്ളത്തിൽ കലർത്തിയ മഞ്ഞൾപ്പൊടിയും , ആവശ്യത്തിന് ഉപ്പും ചേർത്ത് മിക്സ് ചെയ്ത് , കഷണങ്ങളാക്കി വെച്ചിരിക്കുന്ന ചക്കയിൽ തളിക്കുക.
പിന്നീട് മിക്സിയിൽ ചക്ക നല്ല കുഴമ്പു പരുവത്തിൽ അടിച്ചെക്കുക.
മിക്സിയിൽ അടിച്ചെടുത്ത ചക്ക മറ്റൊരു പാത്രത്തിലേക്ക് മാറ്റിയ ശേഷം , മുളകുപൊടി, എള്ള്, (ആവശ്യമെങ്കിൽ ഒരു നുള്ള് കുരുമുളക് പൊടിയും ചേർക്കാം ) എന്നിവ ചേർത്ത് നന്നായി കുഴയ്ക്കുക.
മറ്റൊരു പാത്രത്തിൽ അൽപ്പം വെളിച്ചെണ്ണയും , വെള്ളവും മാറ്റിവെച്ച ശേഷം ചക്ക പപ്പടം പരത്താൻ ആവശ്യമായ വാഴയില മുറിച്ചെടുക്കുക.
പപ്പടം പരത്താൻ കഴിയുന്ന പ്രസർ ഉള്ളവർ പ്രസറിൽ വെച്ചോ അല്ലാത്തവർ കൈ കൊണ്ട് ഇലകളിൽ കനം കുറച്ച് വൃത്താകൃതിയിൽ പരത്തിയോ പപ്പടം ഉണ്ടാക്കാം.
ഇലയിൽ പരത്തുമ്പോൾ പാത്രത്തിൽ മാറ്റിവെച്ചിരിക്കുന്ന വെളിച്ചെണ്ണ കൈകൊണ്ട് അൽപ്പം ഇലയിൽ തുടച്ച ശേഷം ചക്ക പരത്തുന്നത് ഇലയിൽ നിന്ന് ഉണങ്ങിക്കഴിയുമ്പോൾ ചക്കപപ്പടം പെട്ടെന്ന് വിട്ടുപോരാൻ സഹായിക്കും.
കൂടാതെ മറ്റൊരു പാത്രത്തിൽ നേരത്തേ എടുത്തു വെച്ച വെള്ളത്തിൽ, ഇടയ്ക്കിടെ കൈമുക്കി പപ്പടം പരത്തുന്നത് പപ്പടം തീരെ കനം കുറച്ച് പരത്തുന്നതിനും , അധികമായി കൈവിരലുകളിൽ ചക്ക പറ്റിപ്പിടിച്ചിരിക്കുന്നത് ഒഴിവാക്കുന്നതിനും സഹായകരമാണ്.
ഇങ്ങിനെ പരത്തിയെടുത്ത പപ്പടം ഏകദേശം ഒരു ദിവസം ഉണക്കിയെടുക്കുന്നതിന് വേണ്ടി നല്ല വെയിലത്തു വെയ്ക്കുക. ഇലയിൽ പരത്തി വെച്ചിരിക്കുന്ന പപ്പടം ഒരു വശം ഉണങ്ങിക്കഴിഞ്ഞാൽ അടർത്തിയെടുത്ത് മറുവശവും ഉണക്കിയെടുക്കുക.
പിന്നീട് ഇലകൾ നീക്കി നന്നായി ഉണക്കിയെടുത്ത ചക്ക പപ്പടം വായു കടക്കാത്ത പാത്രങ്ങളിൽ അടച്ച് സൂക്ഷിക്കുകയോ വറുത്തെടുത്ത് കഴിക്കാവുന്നതോ ആണ്.
അഭിപ്രായങ്ങള്