പ്രമേഹ രോഗികൾ നിത്യവും കഴിക്കേണ്ട ഭക്ഷണങ്ങൾ പ്രമേഹ രോഗികൾ (Diabetes) രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താനും (Blood Sugar Control), ഇൻസുലിൻ സെൻസിറ്റിവിറ്റി വർദ്ധിപ്പിക്കാനും, മൊത്തത്തിലുള്ള ആരോഗ്യം സംരക്ഷിക്കാനും നിത്യവും ഡയറ്റിൽ ഉൾപ്പെടുത്തേണ്ട ഏറ്റവും മികച്ച ചില ഭക്ഷണങ്ങൾ . 1. നാരുകൾ അടങ്ങിയ പച്ചക്കറികളും ഇലക്കറികളും (Fiber-Rich Vegetables & Greens) ചീര, മുരിങ്ങയില, മത്തൻ ഇലകൾ . ഇലക്കറികളിൽ കാർബോഹൈഡ്രേറ്റ് വളരെ കുറവും, നാരുകളും ആൻറി ഓ ക്‌സിഡൻറുകൾ വളരെ കൂടുതലുമാണ്. ആയതിനാൽ ഇവ രക്തത്തിലേക്ക് ഗ്ലൂക്കോസ് കലരുന്നതിൻ്റെ വേഗത മന്ദീഭവിപ്പിക്കും. പാവയ്ക്ക, വെണ്ടയ്ക്ക, വെള്ളരിക്ക, തക്കാളി. ഇവയും ഡയറ്റിൽ ഉൾപ്പെടുത്തുന്നത് പ്രമേഹ നിയന്ത്രണത്തിന് ഏറെ സഹായകരമാണ്. 2. ധാന്യങ്ങൾ . (Millets & Whole Grains) വെള്ള അരി ചോറിന് പകരം ചാമ, തിന, , റാഗി തുടങ്ങിയ ചെറുധാന്യങ്ങളും (Millets) തവിടോടുകൂടിയ മട്ട അരിയും ഉപയോഗിക്കുന്നത് പ്രമേഹ രോഗികൾക്ക് ഏറ്റവും മികച്ചതാണ്. ഇവയിൽ അടങ്ങിയിരിക്കുന്ന കാർബോഹൈഡ്രേറ്റുകൾ ഷുഗർ പെട്ടെന്ന് ഉയരുന്നത് തടയുന്നു. 3. പരിപ...
മത്തിക്കറി. ( Mathi Curry)
ഹൃദയാരോഗ്യത്തിനും, നാഡീവ്യവസ്ഥകളുടെ പ്രവർത്തനങ്ങൾക്കുമെല്ലാം വളരെയേറെ ഗുണപ്രദമായ മത്തി കൊണ്ട് എങ്ങിനെ മികച്ച നാടൻ രുചിയിൽ ഒരു മീൻ കറിയുണ്ടാക്കാമെന്ന് നോക്കാം.
മത്തി പൊള്ളിച്ചത്. ( Mathi Pollichathu )
മത്തി കഴുകി വൃത്തിയാക്കി വരഞ്ഞത് - 10
വെളിച്ചെണ്ണ - ആവശ്യത്തിന്
ചെറിയ ഉള്ളി ചതച്ചത് - 6
ഇഞ്ചി , വെളുത്തുള്ളി പേസ്റ്റ് -1 ടീസ്പൂൺ
വേപ്പില - 3 തണ്ട്
പുളി പിഴിഞ്ഞത്.ചെറുനാരങ്ങ വലിപ്പത്തിൽ
വറ്റൽമുളക് -4
ഉപ്പ് - ആവശ്യത്തിന്
മഞ്ഞൾപ്പൊടി -കാൽ ടീസ്പൂൺ
മുളകുപൊടി - 2 ടേബിൾ സ്പൂൺ
വേപ്പില -
മൺചട്ടിയിൽ ആവശ്യത്തിന് വെളിച്ചെണ്ണ ഒഴിക്കുക. വെളിച്ചെണ്ണ ചൂടായിക്കഴിയുമ്പോൾ ചട്ടി അടുപ്പിൽ നിന്നും ഇറക്കി വെച്ച ശേഷം അതിലേക്ക് രണ്ട് ടേബിൾ സ്പൂൺ മുളകുപൊടി, കാൽ ടീ സ്പൂൺ മഞ്ഞൾപ്പൊടി എന്നിവ നന്നായി ഇളക്കി യോജിപ്പിക്കുക.
കുറഞ്ഞ ഫ്ലെയിമിൽ സ്റ്റൗ സെറ്റ് ചെയ്ത ശേഷം ചേരുവകൾ മൂത്ത് കഴിയുമ്പോൾ ഇഞ്ചി - വെളുത്തുള്ളി - ചതച്ചത് എന്നിവ ചേർത്ത് ഇളക്കുക.
 |
| ചാള പൊള്ളിച്ചത്. |
പിന്നീട് ചെറിയ ഉള്ളി ചതച്ചത് , വറ്റൽമുളക് , കറിവേപ്പില എന്നിവ ചേർക്കുക . ഇതെല്ലാം നന്നായി മിക്സായി നല്ല മണം വന്നു തുടങ്ങുമ്പോൾ, ആവശ്യത്തിന് വെള്ളം ചേർത്ത് പിഴിഞ്ഞു വെച്ചിരിക്കുന്ന പുളിവെള്ളം ചേർക്കുക. പുളിവെള്ളം തിളച്ചു വരുമ്പോൾ ആവശ്യത്തിന് ഉപ്പും ചേർത്ത് കുറുകാൻ തുടങ്ങുന്ന മസാലക്കൂട്ടിലേക്ക് ക്ലീൻ ചെയ്ത് വരഞ്ഞെടുത്ത, മത്തി ഓരോന്നായി നിരത്താം.മത്തിയുടെ ഇരുവശവും നന്നായി മസാല പിടിക്കത്തക്ക വിധമാകണം മത്സ്യം ഇടേണ്ടത്.
ഏകദേശം പത്ത് - പന്ത്രണ്ട് മിനിട്ട് നേരം മത്സ്യം പതിയെ ചട്ടിയിൽ തിരിച്ചും, മറിച്ചുമിട്ട് വേവിച്ചെടുക്കുക .
പിന്നീട് മസാല നന്നായി പിടിച്ച് മത്സ്യം വെന്തു കഴിയുമ്പോൾ ഒരൽപ്പം പച്ചവെളിച്ചെണ്ണ കൂടി മത്സ്യത്തിൻ്റെ മുകളിലേക്കൊഴിച്ച് ഏതാനും വേപ്പിലകൾ കൂടി വിതറി നല്ല വാഴയില വെച്ച് അൽപ്പ സമയം മൂടിവെയ്ക്കുക.
അൽപ്പ സമയത്തിന് ശേഷം ചട്ടിയിൽ പാചകം ചെയ്ത നല്ല നാടൻ മത്തിക്കറി രുചിച്ചു നോക്കൂ !
 |
| മത്തിപൊള്ളിച്ചത് |
അറിയാം മത്തിയുടെ ഗുണങ്ങൾ.
ഒമേഗ-3 ഫാറ്റി ആസിഡുകൾ, ഇത് ഹൃദയാരോഗ്യം സംരക്ഷിക്കുന്നതിനും,രക്തത്തിലെ ട്രൈഗ്ലിസറൈഡിന്റെ അളവ് കുറയ്ക്കാനും സഹായകരമാണ്.
കാൽസ്യവും വിറ്റാമിൻ ഡിയും . എല്ലിൻ്റേയും, പല്ലിൻ്റേയും ബലത്തിനും ആരോഗ്യത്തിനും ആവശ്യമായ കാൽസ്യം, വിറ്റാമിൻ ഡി എന്നിവ മത്തിയിൽ ധാരാളമായുണ്ട്. കൂടാതെ പ്രോട്ടീൻ സമ്പുഷ്ടം . ശരീരത്തിനും, കോശങ്ങളുടെ വളർച്ചക്കും,ആവശ്യമായ ഉയർന്ന ഗുണനിലവാരമുള്ള പ്രോട്ടീൻ ഇതിൽ അടങ്ങിയിരിക്കുന്നു.
നാഡീവ്യവസ്ഥയുടെ ആരോഗ്യത്തിനും ചുവന്ന രക്തകോശങ്ങളുടെ ഉത്പാദനത്തിനും സഹായിക്കുന്ന വിറ്റാമിൻ ബി12-ന്റെ മികച്ചൊരു ഉറവിടവും കൂടിയാണ് മത്തി.
അഭിപ്രായങ്ങള്‍