പ്രമേഹ രോഗികൾ നിത്യവും കഴിക്കേണ്ട മികച്ച 7 ഭക്ഷണങ്ങൾ | Essential Foods Diabetics Must Eat Daily for Blood Sugar Control

പ്രമേഹ രോഗികൾ നിത്യവും കഴിക്കേണ്ട  ഭക്ഷണങ്ങൾ

 പ്രമേഹ രോഗികൾ (Diabetes) രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താനും (Blood Sugar Control), ഇൻസുലിൻ സെൻസിറ്റിവിറ്റി വർദ്ധിപ്പിക്കാനും, മൊത്തത്തിലുള്ള ആരോഗ്യം സംരക്ഷിക്കാനും നിത്യവും  ഡയറ്റിൽ ഉൾപ്പെടുത്തേണ്ട ഏറ്റവും മികച്ച ചില ഭക്ഷണങ്ങൾ .

1. നാരുകൾ അടങ്ങിയ പച്ചക്കറികളും ഇലക്കറികളും (Fiber-Rich Vegetables & Greens)

ചീര, മുരിങ്ങയില, മത്തൻ ഇലകൾ .

ഇലക്കറികളിൽ കാർബോഹൈഡ്രേറ്റ് വളരെ കുറവും,  നാരുകളും ആൻറി ഓ ക്‌സിഡൻറുകൾ വളരെ കൂടുതലുമാണ്. ആയതിനാൽ ഇവ രക്തത്തിലേക്ക് ഗ്ലൂക്കോസ് കലരുന്നതിൻ്റെ വേഗത മന്ദീഭവിപ്പിക്കും.

പാവയ്ക്ക, വെണ്ടയ്ക്ക, വെള്ളരിക്ക, തക്കാളി. 

ഇവയും ഡയറ്റിൽ ഉൾപ്പെടുത്തുന്നത് പ്രമേഹ നിയന്ത്രണത്തിന് ഏറെ സഹായകരമാണ്.

2. ധാന്യങ്ങൾ .  (Millets & Whole Grains)

വെള്ള അരി ചോറിന് പകരം ചാമ, തിന, , റാഗി തുടങ്ങിയ ചെറുധാന്യങ്ങളും (Millets) തവിടോടുകൂടിയ മട്ട അരിയും ഉപയോഗിക്കുന്നത് പ്രമേഹ രോഗികൾക്ക് ഏറ്റവും മികച്ചതാണ്. ഇവയിൽ അടങ്ങിയിരിക്കുന്ന കാർബോഹൈഡ്രേറ്റുകൾ ഷുഗർ പെട്ടെന്ന് ഉയരുന്നത് തടയുന്നു.

3. പരിപ്പുവർഗ്ഗങ്ങളും പയറു വർഗ്ഗങ്ങളും (Legumes & Lentils)

ചെറുപയർ, കടല, ഇവയിൽ  ഉയർന്ന അളവിൽ പ്രോട്ടീനും , നാരുകളും (Soluble Fiber) അടങ്ങിയിട്ടുള്ളതിനാൽ ഇവ ദഹനം സാവധാനത്തിലാക്കുകയും വയർ നിറഞ്ഞതുപോലെയുള്ള അനുഭൂതി നൽകുകയും ചെയ്യുന്നു. അതിനാൽ പ്രമേഹ രോഗികൾക്കു മാത്രമല്ല - ഭക്ഷണം കുറച്ച് ശരീരഭാരം കുറയ്ക്കാൻ ശ്രമിക്കുന്നവർക്കും ഇത്തരം ഭക്ഷണങ്ങൾ ശീലിക്കാവുന്നതാണ്.

4. ബെറി പഴങ്ങളും കുറഞ്ഞ ഗ്ലൈസെമിക് സൂചികയുള്ള പഴങ്ങളും (Low-GI Fruits)

ഞാവൽപ്പഴം (Black Plum/Jamun):

ഞാവൽ, നെല്ലിക്ക, പേരയ്ക്ക, ആപ്പിൾ, സ്ട്രോബെറി, എന്നിവ മിതമായ അളവിൽ ദിവസേന കഴിക്കാവുന്ന കുറഞ്ഞ ജി.ഐ (Low-GI) ഉള്ള പഴങ്ങളാണിവ.

5. ആരോഗ്യകരമായ കൊഴുപ്പുകൾ (Healthy Fats / Omega-3 & Nuts)

ബദാം, വാൾനട്ട് .

 ഏതാനും കുതിർത്ത ബദാമോ, വാൾനട്ടോ ദിവസേന കഴിക്കുന്നത് ഇൻസുലിൻ പ്രവർത്തനം മെച്ചപ്പെടുത്താനും ഹൃദയാരോഗ്യം സംരക്ഷിക്കാനും സഹായിക്കും.

ചിയാ സീഡ്സ് (Chia Seeds) & ഫ്ലാക്സ് സീഡ്സ് (Flax Seeds): വെള്ളത്തിലോ മോരിലോ കലർത്തി കുടിക്കുന്നത് ഫൈബർ ലഭിക്കാൻ നല്ലതാണ്.

Foods for Diabetics Malayalam,

6. മഞ്ഞളും കറുവാപ്പട്ടയും (Turmeric & Cinnamon)

ഭക്ഷണത്തിൽ മഞ്ഞൾ ഉൾപ്പെടുത്തുന്നത് ശരീരത്തിലെ വീക്കം (Inflammation) കുറയ്ക്കാൻ സഹായിക്കും. കൂടാതെ കറുവാപ്പട്ട (Cinnamon) പൊടി അല്പം ചായയിലോ വെള്ളത്തിലോ ചേർക്കുന്നത് ഇൻസുലിൻ സെൻസിറ്റിവിറ്റി വർദ്ധിപ്പിക്കാനും വളരെ നല്ലതാണ്.

7. മോര് (Buttermilk)

ഉച്ചഭക്ഷണത്തോടൊപ്പം അല്പം മോര് കുടിക്കുന്നത് കുടലിന്റെ ആരോഗ്യത്തിന് (Gut Health) നല്ലതാണ്. ഇത് ദഹനം സുഗമമാക്കുകയും ശരീരത്തിന് ജലാംശം നൽകുകയും ചെയ്യും.

പ്രമേഹരോഗികൾ മുഖ്യമായും ഓർത്തിരിക്കേണ്ട കാര്യം. മരുന്നു കഴിക്കുമ്പോൾതന്നെ,  നാം കഴിക്കുന്ന ഭക്ഷണം തന്നെയാണ് മരുന്ന് എന്നതാണ്.

 അതിനാൽ എന്തുകഴിക്കണം, എന്തുകഴിക്കണ്ട, എന്നതിരഞ്ഞെടുപ്പ് തന്നെയാണ് മുഖ്യം.