സൈനസൈറ്റിസ് തല വേദന മാറാൻ

ഒഴിവാക്കാം, ചില ഭക്ഷണ ശീലങ്ങളും, സാഹചര്യങ്ങളും

ഇന്ന് പല വിധ  ജീവിത സാഹചര്യങ്ങളാലും നിരവധിയാളുകൾ നേരിടുന്ന കനത്ത ഒരു ആരോഗ്യപ്രശ്നമാണ് സൈനസ് . എന്നാൽ സൈനസ് രോഗത്തിൽ നിന്നും മുക്തി നേടുവാൻ മരുന്നുകൾ കൊണ്ട് മാത്രം സാദ്ധ്യമല്ല. മറിച്ച് ഈ രോഗത്തിന് ഹാനികരമായി ഭവിക്കുന്ന ചില സവിശേഷ  സാഹചര്യങ്ങളും ഭക്ഷണങ്ങളുമെല്ലാം ഒഴിവാക്കിക്കൊണ്ട് നമുക്കിതിനെ ശരിയായ രീതിയിൽ പ്രതിരോധിക്കുവാനും, നിശ്ശേഷം ഇല്ലാതാക്കുവാനും സാധിക്കുമെന്നതാണ് വാസ്ഥവം . അതിനാൽ അത് എന്തെല്ലാമാണന്ന് നമുക്ക് പരിശോധിക്കാം. 

സൈനസൈറ്റിസ് (Sinusitis) രോഗത്തിൻ്റെ പ്രധാന പ്രശ്നം. രോഗശമനത്തിനായി  കഴിക്കുന്ന  മരുന്നുകളുടെ ഫലമായി രോഗം ഒരു പക്ഷേ കുറച്ചു കാലങ്ങളിലേക്ക് മാറി നിന്നേക്കാമെങ്കിലും,  ചിലപ്പോൾ തീരെ അപ്രതീക്ഷിതമായ  ഒരു നിമിഷത്തിലാകും അത് വീണ്ടും മൂർച്ഛിക്കുന്നതും, ശരീരത്തിൻ്റെ പൊതുവായ ആരോഗ്യാവസ്ഥയെ പ്രതികൂലമായി ബാധിക്കുന്നതും

രൂക്ഷമായ തലവേദന , തലകറക്കം , മൂക്കടപ്പ്, ശ്വാസംമുട്ട് ഇങ്ങിനെയുള്ള രീതിയിലാകും രോഗം പലപ്പോഴും വീണ്ടും ശക്തമായി തിരിച്ചു വരുന്നത്. അതാകട്ടെ, വളരെയേറെ അസ്വസ്ഥവും, വേദനാജനകവുമായ സാഹചര്യവുമാണ് സൃഷ്ടിക്കുന്നത്.

എന്നാൽ നമ്മൾ വളരെ ബോധപൂർവ്വം തന്നെ കുറച്ചധികം കരുതലുകൾ കൈക്കൊണ്ടാൽ മരുന്നിനോടൊപ്പം തീർച്ചയായും പൂർണ്ണമായും ഭേദമാക്കാവുന്ന ഒരു രോഗം കൂടിയാണ് സൈനസൈറ്റിസ്.

ഒഴിവാക്കേണ്ട ഭക്ഷണങ്ങൾ

അതിനാൽ, രോഗ നിയന്ത്രണത്തിൻറെ ആദ്യ ഘട്ടമെന്ന നിലയിൽ,  ശരീരത്തിൽ കൂടുതലായി കഫവും, നീർക്കെട്ടുമെല്ലാം ഉണ്ടാക്കുന്ന ഭക്ഷണപദാർഥങ്ങൾ പൂർണ്ണമായും വർജ്ജിക്കുക എന്നതാണ് ചെ

യ്യേണ്ടത്.

അതിൽ ഏറ്റവും പ്രധാനമായി തന്നെ പറയാവുന്ന ചില ഇനങ്ങളിൽ മുഖ്യമായവയാണ്,  പാൽ, പാലുത്പ്പന്നങ്ങൾ, ചായ, ക്രീം കലർന്ന ഭക്ഷണവസ്തുക്കൾ , ഐസ് ക്രീം , തൈര്, കേക്ക് തുടങ്ങിയവ. 

ഈ പറഞ്ഞ പല  ഭക്ഷണ പദാർഥങ്ങളും സൈനസൈറ്റിസിൻ്റെ ഭാഗമായി മൂക്കിലെ ദ്രാവകം (Mucus) കൂടുതൽ കട്ടിയുള്ളതാക്കാൻ കാരണമാകാറുണ്ട് . അതിനാൽ അത്തരം ഭക്ഷണങ്ങൾ   പൂർണ്ണമായും ഒഴിവാക്കുവാൻ ആദ്യം ശ്രദ്ധിക്കണം 

ശരീരത്തിൽ നീർക്കെട്ടുണ്ടോ? ഒഴിവാക്കാം ചില ഭക്ഷണവസ്തുക്കൾ. വായിക്കുവാൻ ഇവിടെ ക്ലിക്കുചെയ്യുക.

തണുത്തവെള്ളം, സോഫ്റ്റ് ഡ്രിംഗ്സുകൾ.

മറ്റൊന്ന് തൊണ്ടയിലും, മൂക്കിലും നീർക്കെട്ടുണ്ടാക്കുവാൻ സഹായിക്കുന്ന തണുത്ത വെള്ളം, സോഫ്റ്റ് ഡ്രിംഗ്സുകൾ, ഐസ് കലർത്തിയ ജ്യൂസുകൾ പോലുള്ളവയേയും അടിയന്തിരമായി  ഒഴിവാക്കുക .

അതുപോലെതന്നെയാണ്, നീർക്കെട്ടിന് (Inflammation) കാരണമാകുന്ന അമിതമായി മധുരമുള്ള ഭക്ഷണപദാർഥങ്ങൾ . പ്രത്യേകിച്ച് ക്രീം ചേർത്ത പലഹാരങ്ങൾ, നിറങ്ങൾ ചേർത്ത  ഭക്ഷണവസ്തുക്കൾ, ഇതല്ലാം സൈനസ് അറകളിലെ നീർക്കെട്ടിന് കാരണമാവുന്നതും,  തുടർന്ന് ചർമ്മത്തിന് വീക്കം സംഭവിക്കുവാൻ ഇടവരുത്തുകയും ചെയ്യും. അതിനാൽ ഇത്തരം ഭക്ഷ്യവസ്തുക്കളോടും സൈനസ് രോഗികൾ തീർച്ചയായും കൃത്യമായ അകലം പാലിക്കുക തന്നെ വേണം.

സൈനസ് രോഗിയാണോ? ഒഴിവാക്കാം ചിലഭക്ഷണശീലങ്ങൾ.

മറ്റൊന്ന് മൈദ കലർന്ന ഭക്ഷണങ്ങളാണ്, കൂടാതെ,  പ്രോസസ്സ് ചെയ്ത പാക്കറ്റ് ഫുഡുകൾ, ഫാസ്റ്റ് ഫുഡുകളിൽ  ചേർക്കുന്ന അജിനാമോട്ടോ (MSM) എന്നിവയെല്ലാം അലർജി കൂട്ടുവാൻ തക്ക സാധ്യതയുള്ള ഭക്ഷ്യവസ്തുക്കളാണ്.

ഭക്ഷണകാര്യങ്ങളിൽ ഇങ്ങിനെ ആരോഗ്യകരമായ ഒരു ശ്രദ്ധ പതിപ്പിക്കുമ്പോൾ തന്നെ,    നിത്യജീവിതത്തിലും, നിരന്തരം ഇടപ്പെടുന്ന  പരിസരങ്ങളെക്കുറിച്ചും ഒരു അവബോധമുണ്ടാകേണ്ടതുണ്ട്.

അതിൽ മുഖ്യമായും, പുക, പൊടി പടലങ്ങൾ എന്നിവയെല്ലാമുള്ള അന്തരീക്ഷങ്ങൾ ഈ രോഗത്തെ മൂർച്ഛിപ്പിക്കുവാൻ ഇടയാകുമ്പോൾ തന്നെ കാലാവസ്ഥയിൽ വരുന്ന   

അധിക ചൂടും , മഴയും, തണുപ്പുമെല്ലാം ഈ രോഗത്തിൻ്റെ ശക്തി കൂട്ടുവാൻ  പ്രാപ്തമായ കാര്യങ്ങളാണ്.

എയർകണ്ടീഷണറുകളുടെ ഉപയോഗം .

പലരെ സംബന്ധിച്ചും , പ്രത്യേകിച്ച് ജോലിക്കാരായവരെ സംബന്ധിച്ച് ദീർഘനേരം  കടുത്ത തണുപ്പുള്ള എസി മുറികളിൽ ഇരിക്കുന്നത് മൂലം മൂക്കിലെ വായു വരണ്ടുപോകുവാനും ദ്രാവകം കെട്ടിക്കിടക്കാനുമെല്ലാം കാരണമാകാറുണ്ട്. കൂടാതെ  എസി യുടെ കാറ്റ് നേരിട്ട് മുഖത്തേക്ക് അടിക്കുന്ന രീതിയിൽ ഇരിക്കുന്നത് ഒഴിവാക്കുകയും, വീടുകളിലാണെങ്കിൽ ഉറങ്ങുമ്പോൾ എസി ടൈമർ വെക്കുകയോ അല്ലെങ്കിൽ നേരിയ തണുപ്പിൽ (24°C - 26°C) ക്രമീകരിക്കുകയോ ചെയ്യുക.

കടുത്ത സുഗന്ധദ്രവ്യങ്ങൾ (Strong Perfumes)

മറ്റൊന്ന്, വസ്ത്രങ്ങളിൽ സ്പ്രേ ചെയ്യുന്ന തീവ്രമായ മണമുള്ള പെർഫ്യൂമുകൾ, റൂം ഫ്രെഷ്‌നറുകൾ, അഗർബത്തികൾ, കൊതുകു നിവാരിണികൾ എന്നിവയുടെയെല്ലാം ഗന്ധം അലർജിക്ക് കാരണമാകാറുണ്ട്. അതിനാൽ ഇത്തരം അന്തരീക്ഷങ്ങളിൽ നിന്ന് മാറിനിന്നില്ലെങ്കിൽ പിന്നീട് പെട്ടെന്ന് കടുത്ത തുമ്മലും തലവേദനയുമെല്ലാം ഉണ്ടാകുവാനുള്ള സാദ്ധ്യതകളോടൊപ്പം സൈനസ് രോഗം മൂർച്ഛിപ്പിക്കുകയും ചെയ്യും.

നനഞ്ഞ തലമുടിയോടെ ഇരിക്കുന്നത്

മറ്റൊന്ന് കുളി കഴിഞ്ഞ് ദീർഘനേരം നനഞ്ഞ തലമുടിയോടെ ഇരിക്കരുത്.

കുളി കഴിഞ്ഞ ഉടനെ തന്നെ തലമുടി നന്നായി ഉണക്കിയെടുക്കാൻ ശ്രദ്ധിക്കുകയും, അതോടൊപ്പം വൈകുന്നേരമുള്ള കുളിയിൽ കഴിയുന്നതും തലയിൽ വെള്ളമൊഴിക്കാതിരിക്കുവാൻ ശ്രദ്ധിക്കുന്നതും നന്നായിരിക്കും. കാരണം തലയിലേക്ക് തണുപ്പ് പടരുന്നത് സൈനസ് രോഗമുള്ളവരെ സംബന്ധിച്ച് തലയ്ക്ക് പെട്ടെന്ന് ഭാരമുണ്ടാക്കും

തണുത്ത വെള്ളം കുടിക്കുന്നത് ഒഴിവാക്കാം.

പലരും, ഇത്തരം രോഗത്തിൻ്റെ ഗൗരവാവസ്ഥകളെ വേണ്ട വിധം പരിഗണിക്കാതെ വളരെ നിസ്സാര കാര്യങ്ങൾ ചെയ്തു കൂട്ടുന്നതിലൂടെയും രോഗം ഗുരുതരമാക്കുവാനുള്ള സാഹചര്യങ്ങൾ ഒരുക്കാറുണ്ട്. അതിൽ ഒരു പ്രധാന കാര്യമാണ്, കനത്ത ഉച്ചവെയിലിൽ നിന്ന് കയറി വന്നയുടനെ തണുത്ത വെ

ള്ളം കുടിക്കുന്ന ശീലം. എന്നാൽ ഏതു സമയത്ത് തന്നെയായാലും തണുത്ത വെള്ളവും, ഭക്ഷണവുമെല്ലാം കഴിക്കുന്നത് സൈനസ് രോഗത്തിൻ്റെ അവസ്ഥ വളരെയേറെ  മോശമാക്കുന്നതിന് കാരണമാകും.

മുകളിൽ വിവരിച്ച ഇത്രയും കാര്യങ്ങൾ മരുന്നു കഴിക്കുന്നതോടൊപ്പം ശ്രദ്ധിക്കുമ്പോൾ തന്നെ. പുറത്തിറങ്ങുമ്പോൾ മാസ്ക് ധരിക്കുന്നതും, കൃത്യസമയത്തുള്ള ഭക്ഷണവും, ഉറക്കവുമെല്ലാം ശീലിച്ചു കൊണ്ട്. ഈ അസുഖത്തെ വളരെ പെട്ടെന്ന് നിയന്ത്രണ വിധേയമാക്കുവാനും തുടർന്ന് അതിൽ നിന്ന് മോചനം നേടുവാനും സഹായിക്കും.