മത്സ്യത്തോടൊപ്പം തൈര് കഴിക്കാമോ? കേരളത്തിലെ ഭക്ഷണപ്രിയരുടെ ഇടയിൽ എപ്പോഴെങ്കിലും ഉയര്‍ന്നുവരുന്ന ഒരു പ്രധാന സംശയമാണ് "മീനും തൈരും (അല്ലെങ്കിൽ പാലും) ഒരുമിച്ച് കഴിക്കാമോ?" എന്നത്. പരമ്പരാഗതമായി നമ്മുടെ നാടുകളിൽ മീൻ കറിയും മോരും ഒരേ ഉച്ചഭക്ഷണത്തോടൊപ്പം വിളമ്പാറുണ്ട്. എന്നാൽ ഇത് ആരോഗ്യത്തിന് ഹാനികരമാണെന്ന് ആയുർവേദവും ചില ആരോഗ്യവിദഗ്ധരും മുന്നറിയിപ്പ് നൽകാറുണ്ട്. ഇതിൻറെ സത്യാവസ്ഥ എന്താണ്? ആയുർവേദവും ആധുനിക സയൻസും ഇതിനെക്കുറിച്ച് എന്ത് പറയുന്നു എന്ന് നമുക്ക് വിശദമായി പരിശോധിക്കാം. 1. ആയുർവേദ കാഴ്ചപ്പാട് (Ayurvedic Perspective) മത്സ്യവും തൈരും ഒരുമിച്ച് കഴിക്കുന്നത് ആയുർവേദപ്രകാരം 'വിരുദ്ധാഹാരം' അഥവാ ചേർച്ചയില്ലാത്ത ഭക്ഷണങ്ങളുടെ വിഭാഗത്തിലാണ് ഉൾപ്പെടുത്തിയിരിക്കുന്നത്. ഇതിൻറെ ശാസ്ത്രീയവും ആയുർവേദപരവുമായ വശങ്ങൾ, താഴെ പറയുന്നവയാണ്.ആയുർവേദപ്രകാരം, എല്ലാ ഭക്ഷണങ്ങൾക്കും, അതിൻറേതായ പ്രത്യേക വീര്യവും (Energy/Potency) ദഹന ശേഷമുള്ള ഗുണവുമുണ്ട് മത്സ്യം ശരീരത്തിൽ ഉഷ്ണവീര്യമുള്ളതും (Heating property), തൈര് ശീതവീര്യമുള്ളതുമാണ് (Cooling property). തീർത്തും എതിരായ ഈ രണ്...
ചീരയുടെ ഗുണങ്ങൾ
വളരെയേറെ ഉയർന്നപോഷകമൂല്യമുള്ള ഒരു നാടൻ വിഭവമാണ് ചീര.
വിറ്റാമിൻ എ, സി, കെ, ഫോളിക് ആസിഡ്, അയൺ, കാൽസ്യം എന്നിവയാൽ സമ്പുഷ്ടം.
രക്തപ്രവാഹം വർദ്ധിപ്പിക്കുന്നതോടൊപ്പം,: ഇതിൽ അടങ്ങിയിരിക്കുന്ന അയേൺ ,വിളർച്ച (Anemia) തടയുവാനും ഹീമോഗ്ലോബിന്റെ അളവ് കൂട്ടാനും സഹായിക്കുന്നു.
ചീരയിലെ , വിറ്റാമിൻ എ-യും ഇതിൽ അടങ്ങിയിട്ടുള്ള ആൻ്റി ഓക്സിഡൻ്റുകളും കണ്ണിൻറെ കാഴ്ചശക്തി സംരക്ഷിക്കാൻ മികച്ചതാണ്.
അതുപോലെതന്നെ, ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കുവാനും ഇതിലെ ആന്റിഓക്‌സിഡന്റുകൾ സഹായിക്കുന്നു
ചീര,ഏതെല്ലാം ശാരീരിക അവസ്ഥകൾക്ക് അനുകൂലമാണ്?
ഹൃദയാരോഗ്യം: നാരുകളും നൈട്രേറ്റുകളുംഅടങ്ങിയിരിക്കുന്നതിനാൽ ഇത് രക്തസമ്മർദ്ദം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു
.ദഹനം: ഇതിലെ ഡയറ്ററി ഫൈബർ ദഹനം സുഗമമാക്കാനും മലബന്ധം തടയാനും സഹായിക്കുന്നു
എല്ലുകളുടെ ബലം: വിറ്റാമിൻ കെ ധാരാളം ഉള്ളതിനാൽ എല്ലുകളുടെ ആരോഗ്യത്തിനും ബലത്തിനും ഇത് അനുകൂലമാണ്.
ചീര പ്രതികൂലമായി ബാധിക്കുന്ന ശാരീരികാവസ്ഥകൾ
വൃക്കയിലെ കല്ലുകൾ (Kidney Stones): ചീരയിൽ ഓക്‌സലേറ്റുകൾ ധാരാളമായി അടങ്ങിയിട്ടുണ്ട്. ഇത് കിഡ്നി സ്റ്റോൺ പ്രശ്നങ്ങളുള്ളവരിൽ കല്ലുകൾ രൂപപ്പെടാൻ കാരണമായേക്കാം.
സന്ധിവാതം (Gout / Arthritis): ഓക്‌സലേറ്റുകളുടെ സാന്നിധ്യം സന്ധികളിൽ യൂറിക് ആസിഡ് വർദ്ധിപ്പിക്കാൻ ഇടയാക്കുമെന്നതിനാൽ വാതം സംബന്ധമായപ്രശ്നങ്ങളുള്ളവർ അമിതമായി കഴിക്കുന്നത് ദോഷം ചെയ്യും.
രക്തം കട്ടപിടിക്കുന്ന മരുന്നുകൾ കഴിക്കുന്നവർ: വിറ്റാമിൻ കെ ഉയർന്ന അളവിൽ അടങ്ങിയിരിക്കുന്നതിനാൽ, രക്തം കട്ടപിടിക്കുന്നത് തടയാനുള്ള (Blood thinners) മരുന്നുകൾ കഴിക്കുന്നവർ ഇത് കഴിക്കുമ്പോൾ ഡോക്ടറുടെ നിർദ്ദേശം തേടേണ്ടതാണ്.
ചീരയും, പച്ചമാങ്ങയും ചേർന്ന ഒരു നൊസ്റ്റാൾജിക് റെസിപ്പി
പണ്ട് രാവിലെയുള്ള ചായ കുടിയെല്ലാം കഴിഞ്ഞ് അരി, അടുപ്പത്തിട്ട് തിളച്ചു കഴിയുമ്പോഴാകും , അക്കാലത്തെ അമ്മമാർ കറി എന്താണ് എന്നതിനെക്കുറിച്ച് ചിന്തിക്കാൻ തുടങ്ങുക.
കാരണം അതിനു മുൻപ് സൈക്കിളിൽ മീൻകാരൻ ആ വഴി വന്നാൽ അന്നത്തെ കറി മീൻ തന്നെ.
അതല്ലങ്കിൽ തൊട്ടപ്പുറത്തെ വല്യമ്മമാരോ, അയൽപക്കക്കാരോ കൊണ്ടുവരുന്ന ചക്കയോ, ചീരയോ , മാങ്ങയോ , അതല്ലങ്കിൽ ഓരോ വീട്ടിലും കൂടുതലായി ഉണ്ടാകുന്നതോ പറിക്കുന്നതോ ആയ വിഭവങ്ങളാകും അക്കാലത്ത് മിക്കവാറും അടുത്ത വീടുകളിൽ കറിയുടെ രൂപത്തിൽ പ്രത്യക്ഷപ്പെടുക.
 |
| ആരോഗ്യസംരക്ഷണത്തിന് നാടൻ വിഭവങ്ങൾ |
അതിനാൽ അക്കാലത്തെ വീട്ടമ്മമാരൊന്നും പ്രാരാബ്ദങ്ങളും പട്ടിണിയെല്ലാം ഏറെയുണ്ടായിരുന്നെങ്കിലും, പല വ്യഞ്ജനം, പച്ചക്കറി ഇത്യാദി കാര്യങ്ങളിലൊന്നും പലപ്പോഴും, അത്രയേറെ വ്യാകുലപ്പെട്ട് കണ്ടിട്ടുമില്ല .
എന്തായാലും റേഷനരി ഉള്ളിടത്തോളം മിക്കവാറും തോട്ടുവക്കിലോ , പറമ്പിലോ നിൽക്കുന്ന താളും, മുരിങ്ങയിലയും , മുരിങ്ങാക്കായും , മാങ്ങയും ചീരയുമെല്ലാമാകും പലിയിടത്തുമുള്ള ' അമ്മുമ്മക്കറികൾ '
ചിലപ്പോഴൊക്കെ അമ്മിക്കല്ലിൽ ചമ്മന്തി അരച്ചു കൊണ്ടിരിക്കുമ്പോൾ ഞങ്ങൾ കുട്ടികൾ തേങ്ങ വാരിത്തിന്നാൻ വേണ്ടി അടുത്തു കൂടും. എന്നാൽ ചമ്മന്തിയെല്ലാം അരച്ചു കഴിഞ്ഞതിനുശേഷം അൽപ്പം ചോറു കൂടി അതേ അമ്മിക്കല്ലിൽ പറ്റിപ്പിടിച്ചിരിക്കുന്ന ചമ്മന്തിയിലിട്ട് അരച്ചിടുക്കും. എന്നിട്ട് അത് ഓരോ ചെറിയ ഉരുളകളാക്കി വായയിലേക്ക് ഇട്ടു തരും !
' ഹോ! അതിനെല്ലാം പറഞ്ഞറിയിക്കാൻ കഴിയാത്ത അസാദ്ധ്യ സ്വാദു തന്നെ ! ' അതല്ലായിരുന്നെങ്കിൽ ഇപ്പോൾ ഈ കുറിപ്പെഴുതുമ്പോൾ അതൊന്നും ഓർമ്മയിൽ പോലും വരേണ്ടതില്ലായിരുന്നു.
നമ്മൾ പറഞ്ഞുവന്നത്, അമ്മുമ്മക്കറികളെക്കുറിച്ചാണ്. അതായത് അമ്മുമ്മയെന്ന നാടൻ പദപ്രയോഗഭംഗിപോലെ, നാട്ടിൻപുറത്തും തൊടിയിലുമെല്ലാം എന്താണോകിട്ടുന്നത്... അതെല്ലാം ചേർത്ത് ഒരു ' കിടു ' ക്കറി.
 |
| നാടൻ ചീരക്കറി റസിപ്പി |
അതിൽ പ്രധാനപ്പെട്ടതാണ് പലരും സ്ഥിരമായി കഴിച്ചിരുന്ന മാങ്ങയും - ചീരയും ചേർന്ന ഈ നാടൻ കറി . പ്രത്യേകിച്ചും വേനൽക്കാലത്ത് ധാരാളമായി ഉണ്ടാകുന്ന നാടൻ ചീരയ്ക്കാകട്ടെ അസാദ്ധ്യ രുചിയുമായിരിക്കും.
മാങ്ങ - ചീര നാടൻ കറി.
ആവശ്യമുള്ള സാധനങ്ങൾ
അധികം മൂക്കാത്ത ചീര - ഇലയും തണ്ടും വെവ്വേറെ നുറുക്കിയത്.
മാങ്ങ - ഒരു പീസ് എടുത്ത് കഷണങ്ങളാക്കിയത്.
മഞ്ഞൾപ്പൊടി - അര ടീസ്പൂൺ
മുളകു പൊടി - അര ടീസ്പൂൺ
ഉപ്പ് - ആവശ്യത്തിന്
തേങ്ങ - പകുതി മുറി ചിരണ്ടിയത്
ചുവന്ന ഉള്ളി - 8 - 10
ഉലുവ, കടുക്, വെളിച്ചെണ്ണ
ആവശ്യത്തിന്.
ചിരകിയ തേങ്ങയും, കാൽ ടീസ്പൂൺ മഞ്ഞൾപ്പൊടിയും, നാലോ, അഞ്ചോ ചുവന്നുള്ളിയും ചേർത്ത് അരച്ചു വെച്ചത്.
തയ്യാറാക്കുന്ന വിധം
ആദ്യം നീളത്തിൽ കഷണങ്ങളാക്കിയ ചീരതണ്ടു മാത്രം നല്ല ഒരു മൺചട്ടിയിൽ അൽപ്പം വെള്ളമൊഴിച്ച് അടുപ്പിൽ വെയ്ക്കുക
പിന്നീട് അതിലേക്ക് ആവശ്യത്തിനുള്ള ഉപ്പും , കാൽ ടീസ്പൂൺ മഞ്ഞൾപ്പൊടിയും, മുളകുപൊടിയും ചേർത്ത് വേവിക്കുക.
ചീരത്തണ്ട്, ആവശ്യത്തിന് വെന്തു കഴിയുമ്പോൾ അതിലേയ്ക്ക് നേരത്തേ തയ്യാറാക്കിയ മാങ്ങയുടെ കഷണങ്ങളും ചീരയിലയും ചേർത്ത് ഇളക്കി യോജിപ്പിച്ച് അതും വെന്തു വരുന്നതുവരെ അടച്ചു വെയ്ക്കുക.
 |
| അമ്മുമ്മ പാചകവിധികൾ |
( ആദ്യഘട്ടത്തിൽ പുളിരസമുള്ള മാങ്ങ പോലുള്ളവ ചേർത്ത് വേവിയ്ക്കാൻ ശ്രമിച്ചാൽ ചീരതണ്ട് വെന്തു കിട്ടുകയില്ല എന്നതുകൊണ്ടാണ് നന്നായി വെന്ത ശേഷം മാത്രം മാങ്ങ ചേർക്കുന്നത് )
പിന്നീട് ചീരയിലയും , മാങ്ങയും വെന്ത് പാകമായി വരുമ്പോൾ അതിലേയ്ക്ക് ആദ്യം തയ്യാറാക്കി വെച്ചിരിക്കുന്ന തേങ്ങ അരച്ചതും ചേർത്ത് ഇളക്കുക.
 |
| നാടൻചീരക്കറി |
 |
| ചീരക്കറി റസിപ്പി |
 |
| ചീരക്കറി |
ഈ അമ്മുമ്മക്കറിക്കുണ്ട് ഏറെ ആരോഗ്യ ഗുണങ്ങൾ.
ഒന്നാമതായി മാങ്ങയിലും , ചീരയിലുമുള്ള വൈറ്റമിൻ സി, മികച്ച പ്രതിരോധശക്തി ( Immunity )നൽകുന്നതിനും പുറമേ പകർച്ചവ്യാധികളെ തടയുവാനും പര്യാപ്തമാണ്.
മറ്റൊന്ന് ചീരയിൽ അടങ്ങിയിട്ടുള്ള അയേ ണാണ്. ( Iron ) അത് ശരീരവിളർച്ചയെ തടയാൻ സഹായിക്കുമ്പോൾ ഈ കറിയിൽ അടങ്ങിയിട്ടുള്ള മാങ്ങ അയേൺ വളരെ പെട്ടെന്ന് ശരീരത്തിലേക്ക് ആഗിരണം ചെയ്യുവാനും സഹായിക്കുന്നു. അതുപോലെ തന്നെ ഹിമോഗ്ലോബിൻ്റെ അളവ് വർദ്ധിപ്പിക്കുന്നതിനും ചീര മികച്ച വിഭവമാണ്.
മറ്റൊന്ന് തേങ്ങയിലും, ചീരയിലും അടങ്ങിയിരിക്കുന്ന നാരുകളാണ്. ഇത് ദഹനം സുഗമമാക്കുന്നു. കൂടാതെ പച്ചമാങ്ങ ശരീരത്തിലെ നിർജ്ജലീകരണം തടയുവാനും ശരീരത്തിന് കുളിർമ്മ നൽകുവാനും സഹായിക്കും.
അതുപോലെ തന്നെ തേങ്ങയിൽ അടങ്ങിയിട്ടുള്ള മീഡിയം ചെയിൻ ഫാറ്റി ആസിഡ്ഡുകൾ ( MCFAs) ശരീരത്തിന് ഊർജ്ജം നൽകുന്നതോടൊപ്പം ഹൃദയാരോഗ്യത്തിനും മികച്ചതാണ്.
കണ്ണിൻ്റെ കാഴ്ചശക്തി മെച്ചപ്പെടുത്തുന്നതിനും, ചൂടുകാലത്ത് കണ്ണിനുണ്ടാകാവുന്ന അസ്വസ്ഥതകൾ പരിഹരിക്കുന്നതിനും ചീരയിൽ അടങ്ങിയിട്ടുള്ള വെെറ്റമിൻ A, ലൂട്ടീൻ എന്നിവ സഹായകരമാണ്.
അഭിപ്രായങ്ങള്‍