കൂവരക് (രാഗി ) ചിരട്ട പുട്ട് പ്രമേഹ രോഗം ഉള്ളവർക്കും, ഇല്ലാത്തവർക്കും, കഴിക്കാവുന്നതും, വളരെയേറെ പോഷകസമ്പുഷ്ടവും അതോടൊപ്പം അൽപ്പം പോലും എണ്ണമയവുമില്ലാത്തതുമായ ഒരു മികച്ച ഭക്ഷണമാണ് കൂവരക് ചിരട്ട പുട്ട് . പ്രമേഹ രോഗ ഓർഗാനിക്ക് ചിരട്ട പുട്ട് പലപ്പോഴും വിവിധ തരം ജീവിതശൈലീ രോഗങ്ങളാൽ കഷ്ടപ്പെടുന്നവർ, തങ്ങൾ ഏതുതരം ഭക്ഷണങ്ങൾ കഴിക്കണമെന്ന ആശയക്കുഴപ്പങ്ങളിൽപ്പെടാറുണ്ട്. പ്രത്യേകിച്ചും പ്രമേഹരോഗം ബാധിച്ചവർ. അത്തരക്കാർക്ക് തികച്ചും ധൈര്യമായികഴിക്കാവുന്ന ഒന്നാണ് ഈഓർഗാനിക്ചിരട്ടപുട്ട് . കാൽസ്യവും, ഇരുമ്പും ധാരാളമായി ഇതിൽ അടങ്ങിയിട്ടുള്ളതിനാൽ, ഇത് വിളർച്ച തടയുവാനും, പല്ലുകളുടെ ആരോഗ്യത്തിനും , കുട്ടികൾക്ക് നൽകാവുന്നതുമായ ഒരു നല്ല ഭക്ഷണം കൂടിയാണ്. കുട്ടികൾക്കായി തയ്യാറാക്കുമ്പോൾ അവർക്ക് താത്പര്യമുള്ള പച്ചക്കറികളോ മധുരമോ അങ്ങിനെ എന്തെങ്കിലും ആവശ്യമാണെങ്കിൽ അതുകൂടി ഈ പുട്ടിനൊപ്പം ചേർത്ത് വേവിക്കാവുന്നതുമാണ്. പുട്ട് ഉണ്ടാക്കുന്ന വിധം ഇത്, കൂവരക് ഉപയോഗിച്ചുള്ള ഓർഗാനിക്ക് പുട്ട് ആയതിനാൽ, ആദ്യം മാർക്കറ്റിൽ നിന്നും ധാന്യങ്ങളുടെ രൂപത്തിലുള്ള കൂവരക് ലഭ്യമാണെങ്കിൽ അത് ആവശ്യമുള്ളത്രയും രാവിലെ വെള്ളത...
കൂവരക് (രാഗി ) ചിരട്ട പുട്ട്
പ്രമേഹ രോഗം ഉള്ളവർക്കും, ഇല്ലാത്തവർക്കും, കഴിക്കാവുന്നതും, വളരെയേറെ പോഷകസമ്പുഷ്ടവും അതോടൊപ്പം അൽപ്പം പോലും എണ്ണമയവുമില്ലാത്തതുമായ ഒരു മികച്ച ഭക്ഷണമാണ് കൂവരക് ചിരട്ട പുട്ട് .
 |
| പ്രമേഹ രോഗ ഓർഗാനിക്ക് ചിരട്ട പുട്ട് |
പലപ്പോഴും വിവിധ തരം ജീവിതശൈലീ രോഗങ്ങളാൽ കഷ്ടപ്പെടുന്നവർ, തങ്ങൾ ഏതുതരം ഭക്ഷണങ്ങൾ കഴിക്കണമെന്ന ആശയക്കുഴപ്പങ്ങളിൽപ്പെടാറുണ്ട്. പ്രത്യേകിച്ചും പ്രമേഹരോഗം ബാധിച്ചവർ. അത്തരക്കാർക്ക് തികച്ചും ധൈര്യമായികഴിക്കാവുന്ന ഒന്നാണ് ഈഓർഗാനിക്ചിരട്ടപുട്ട്.
കാൽസ്യവും, ഇരുമ്പും ധാരാളമായി ഇതിൽ അടങ്ങിയിട്ടുള്ളതിനാൽ, ഇത് വിളർച്ച തടയുവാനും, പല്ലുകളുടെ ആരോഗ്യത്തിനും , കുട്ടികൾക്ക് നൽകാവുന്നതുമായ ഒരു നല്ല ഭക്ഷണം കൂടിയാണ്.
കുട്ടികൾക്കായി തയ്യാറാക്കുമ്പോൾ അവർക്ക് താത്പര്യമുള്ള പച്ചക്കറികളോ മധുരമോ അങ്ങിനെ എന്തെങ്കിലും ആവശ്യമാണെങ്കിൽ അതുകൂടി ഈ പുട്ടിനൊപ്പം ചേർത്ത് വേവിക്കാവുന്നതുമാണ്.
പുട്ട് ഉണ്ടാക്കുന്ന വിധം
ഇത്, കൂവരക് ഉപയോഗിച്ചുള്ള ഓർഗാനിക്ക് പുട്ട് ആയതിനാൽ, ആദ്യം മാർക്കറ്റിൽ നിന്നും ധാന്യങ്ങളുടെ രൂപത്തിലുള്ള കൂവരക് ലഭ്യമാണെങ്കിൽ അത് ആവശ്യമുള്ളത്രയും രാവിലെ വെള്ളത്തിലിട്ടുവെയ്ക്കുക.
പിന്നീട് വൈകുന്നേരമാകുമ്പോഴേക്കും വെള്ളത്തിന് മുകളിൽ പൊങ്ങിക്കിടക്കുന്ന ധാന്യമണികളെല്ലാം പെറുക്കിക്കളഞ്ഞ ശേഷം, വെള്ളം ഊറ്റിക്കളഞ്ഞ്, വൃത്തിയായ തുണിയിൽ കെട്ടി മുളയ്ക്കാൻ അനുവദിക്കുക .
അതിന് ശേഷം നല്ല വെയിലത്തിട്ട് ഉണക്കിപ്പൊടിച്ചെടുക്കുകയാണങ്കിൽ ഏറെ പോഷകസമ്പുഷ്ടമായ റാഗിപ്പൊടി ഉണ്ടാക്കിയെടുക്കാം.
എന്നാൽ അതിന് കഴിയാത്തവർക്ക്, മാർക്കറ്റിൽ നിന്നും നേരിട്ട് തന്നെ കൂവരക് പൊടി വാങ്ങി ഉപയോഗിക്കാവുന്നതാണ് .
ആവശ്യമായ സാധനങ്ങൾ
കൂവരക് പൊടി ഒരു ഗ്ലാസ്,
ക്യാരറ്റ് ഗ്രേറ്റ് ചെയ്തതത് - 1 എണ്ണം
ക്യാബേജ് ചിരകിയത് അരഗ്ലാസ് .
തേങ്ങ ചിരകിയത് - ആവശ്യത്തിന്.
ഇത്രയും സാധനങ്ങൾ
സാധാരണ രീതിയിൽ പുട്ടിൽ കുഴയ്ക്കുന്ന രീതിയിൽ ആവശ്യത്തിന് ഉപ്പ് ചേർത്ത് , അതിൽ ചിരകിയ ക്യാരറ്റും, ക്യാബേജും ചേർത്ത് നന്നായി ഇളക്കി യോജിപ്പിക്കുക.
പ്രത്യേകം ശ്രദ്ധിക്കേണ്ടത്, ചിരകിയിട്ടിരിക്കുന്ന പച്ചക്കറികൾ നല്ല രീതിയിൽ പുട്ടുപൊട്ടിയുമായി ചേർത്ത് കുഴച്ചതിന് ശേഷം മാത്രമേ ആവശ്യമെങ്കിൽ വെള്ളം തളിച്ച് കൊടുക്കേണ്ടതൊള്ളൂ.
അല്ലാത്ത പക്ഷം അതിൽ ചേർത്തിരിക്കുന്ന പച്ചക്കറിയിലെ വെള്ളം പൊടിയിലേക്ക് ലയിച്ച് വെള്ളം കൂടിപ്പോകുവാനുള്ള സാദ്ധ്യതയുണ്ട്.
പിന്നീട് നല്ല വൃത്തിയുള്ള ചിരട്ട കഴുകി തുടച്ചെടുത്ത ശേഷം ആവശ്യമെങ്കിൽ അൽപ്പം നെയ്യ് ചിരട്ടക്ക് ചുറ്റും പുരട്ടിക്കൊടുക്കുന്നത് പുട്ടിന് ഒരു പ്രത്യേക രുചിയും, ഗന്ധവും നൽകും. കൂടാതെ, പുട്ട് ചിരട്ടയിൽ പറ്റിപ്പിടിച്ചിരിക്കാതെ നല്ല കൃത്യമായ ഷെയ്പ്പിൽ തന്നെ ചിരട്ടയിൽ നിന്ന് അടർത്തി എടുക്കുവാനും ഇത് സഹായകരമാകും.
ആദ്യമായി, പുട്ട് ഉണ്ടാക്കാൻ ഉപയോഗിക്കുന്ന ചിരട്ടക്ക് അടിയിൽ ആവികയറാൻ പാകത്തിൽ വളരെ ചെറുതായി ഒരു ഹോൾ ഇട്ട് നൽകുക .
പിന്നീട് പുട്ടു കണയുടെ ഉള്ളിൽ സാധാരണയായി ഉപയോഗിക്കുന്ന വൃത്താകൃതിയിലുള്ള ചില്ലുകൾ തന്നെ, ഇതിനായും, ഉപയോഗിക്കാം.
പിന്നീട് ചിരട്ടയ്ക്ക് അടിയിൽ അൽപ്പം തേങ്ങ ചിരകിയത് വിതറുക.പിന്നീട് അതിന് ശേഷം മുകളിൽ പുട്ടുപൊടി നിറക്കുക. തുടർന്ന് വീണ്ടുംഅതിന് മുകളിൽ തേങ്ങ ഇട്ട ശേഷം, സാധാരണ പുട്ട് ഉണ്ടാക്കുന്നപോലെതന്നെ അടച്ചു വെച്ച് ആവി കയറുവാൻ അനുവദിക്കുക.
ഏകദേശം അഞ്ചു മുതൽ പത്തുമിനിട്ടാകുമ്പോഴേക്കും ആവി കയറാൻ തുടങ്ങുന്ന ചിരട്ട പുട്ട്. അൽപ്പ സമയം കൂടി വേകാൻ അനുവദിച്ച ശേഷം ചിരട്ട കമിഴ്ത്തി പുട്ട് പാത്രത്തിലേക്കിടുക.
സാധാരണഗതിയിൽ ഓർഗാനിക് രീതിയിൽ തയ്യാറാക്കുന്ന ഈ ഭക്ഷണം മറ്റ് കറികളൊന്നും കൂടാതെ തന്നെ കഴിക്കുന്നതാണ് ആരോഗ്യത്തിന് ഏറ്റവും മികച്ചത്.
കൂടാതെ ആവിയിൽ നന്നായി വെന്തു കഴിഞ്ഞ പച്ചക്കറിയുടെ തനത് രുചിയും, അതിലുള്ള ജലാംശവുമെല്ലാം ചേർന്ന്, മറ്റ് കറികളൊന്നും ആവശ്യമല്ലാതെ തന്നെ, പുട്ട് കഴിക്കുവാൻ രുചികരവുമാണ്.
.jpg "Organic Ragi Chiratta Puttu Recipe for Diabetes | Traditional Kerala Breakfast") |
| പ്രമേഹ രോഗ ഓർഗാനിക്ക് ചിരട്ട പുട്ട് |
എന്താണ് ഈ ഓർഗാനിക്ക് പുട്ടിൻ്റെ ഗുണവശങ്ങൾ?
ഗോതമ്പ് ഭക്ഷണം കഴിക്കാൻ ബുദ്ധിമുട്ടുള്ളവർക്കും, അലർജിയുള്ളവർക്കും മികച്ച ഓപ്ഷനാണ് ഈ റാഗി പുട്ട് .
കൂടാതെ, കാൽസ്യം, ഇരുമ്പ് എന്നിവയുടെ കലവറയാണ്.
ക്യാരറ്റ് - ക്യാരറ്റിലുള്ള വൈറ്റമിൻ എ കണ്ണുകളുടെ ആരോഗ്യത്തിനും, കാഴ്ചശക്തി വർദ്ധിപ്പിക്കുന്നതിനും, ചർമ്മത്തിൻ്റെ തിളക്കത്തിനും ഗുണപ്രദമാണ്.
ക്യാബേജ് - ഇത് വൈറ്റമിൻ കെ, സി , എന്നിവയാൽ സമ്പന്നമായതുകൊണ്ട് രോഗ പ്രതിരോധ ശേഷി നൽകുവാൻ പര്യാപ്തമാണ്.
കൂവരകിൽ - ഗ്ലൈസെമിക് ഇൻഡക്സ് കുറവായതിനാൽ രക്തത്തിലെ പഞ്ചസാരയുടെ അളവ് പെട്ടെന്ന് വർദ്ധിക്കില്ല, ഇതിൽ നാരുകളടങ്ങിയ പച്ചക്കറികളും അടങ്ങിയിട്ടുള്ളതിനാൽ ഇത് പ്രമേഹ രോഗികൾക്കും ധൈര്യപൂർവ്വം കഴിക്കാവുന്നതാണ്.
എല്ലാത്തിലുമുപരി, ദഹനപ്രക്രിയ സുഗമമാക്കുന്നു.
കൂവരകിലും , പച്ചക്കറികളിലും ധാരാളം നാരിൻ്റെ അംശമുള്ളതിനാൽ ഇത് ദഹനം എളുപ്പമാക്കാനും, മലബന്ധം പോലുള്ള പ്രശ്നങ്ങൾ ഒഴിവാക്കാനും സഹായിക്കും.
ചിരട്ടയിൽ ആവിയിൽ വേവിച്ചെടുക്കുന്നതിനാൽ അൽപ്പം പോലും എണ്ണമയമില്ലാത്തതും, കൂടാതെ പച്ചക്കറികളുടെ പോഷക ഗുണങ്ങൾ അൽപ്പം പോലും ചോർന്നുപോകാതെയും ഉണ്ടാക്കിയെടുക്കാൻ കഴിയുമെന്നതും ഈ ഓർഗാനിക് പുട്ടിൻറെ മികച്ച സവിശേഷതയാണ്.
അഭിപ്രായങ്ങള്