ഇൻറർ ലോക്ക് ഇഷ്ടിക വീടുകൾ.!

ഇൻ്റർലോക്ക് ഇഷ്ടിക വീട്.

 പ്രശ്നം വീടു നിർമ്മാണം തന്നെ...! കാലങ്ങളായുള്ള ഒരു മോഹം സാക്ഷാത്കരിക്കാൻ പോകുന്നുവെന്നുള്ള ഒരു വലിയ സന്തോഷം. ഒപ്പം നിരവധി ആശങ്കകളും, ചോദ്യങ്ങളും, പ്രധാനം ബജറ്റുതന്നെ...!

പലവിധത്തിലായി സ്വരൂപിച്ച പണം കൃത്യമല്ല ചിലവഴിക്കപ്പെടുന്നതെങ്കിലുള്ള കുഴപ്പങ്ങൾ ഒരുവശത്ത്, ഇനി ഒരണ തുട്ടുപോലും കടം വാങ്ങുവാനോ, മാറ്റിവെയ്ക്കുവാനോ കഴിയില്ല എന്നുള്ള യാഥാർത്ഥ്യം മറുവശത്ത്. അതോടൊപ്പം വീടു നിർമ്മാണമല്ലാതെ, മുന്നോട്ടുള്ള ജീവിതയാത്രക്ക് മറ്റൊരു മാർഗ്ഗവുമില്ലന്നതും മറ്റൊരു വസ്തുത.!

ദിനംതോറും ഏറി വരുന്ന ജീവിതച്ചിലവുകളുടേയും, കുറഞ്ഞുവരുന്ന തൊഴിൽ ദിനങ്ങളുടേയും. എല്ലാത്തിനും മേലെ ഏറിവരുന്ന ബാദ്ധ്യതകളും, ഇതിനിടയിലാണ് സ്വന്തമായി ഒരുകിടപ്പാടം എന്ന സ്വപ്നം

ഇൻറർലോക് ഇഷ്ടിക വീട്

അങ്ങിനെ ഇരിക്കുമ്പോഴാണ്. പലപ്പോഴായി കണ്ടതും, കേട്ടതുമായ ഒരാശയം മനസ്സിലേക്ക് കടന്നു വന്നത്.! - - -ഇൻറർ ലോക്ക് ഇഷ്ടിക വീടുകൾ.!

എന്തിന് ഇൻ്റർലോക്ക് ഇഷ്ടിക വീട്?

സംഗതി കൊള്ളാം. ചിലവ് കുറവ്... പ്രകൃതിയോട് ചേർന്നത്.... ചൂടിനെ പ്രതിരോധിക്കാൻ കഴിയുന്നത്...! എന്ത് കൊണ്ട് അതൊന്ന് പരീക്ഷിച്ചു കൂടാ..?!

 പക്ഷെ ഇതിനെക്കുറിച്ചുള്ള വിവരങ്ങൾ അറിയാവുന്നവർ ചുരുക്കം.... പെട്ടെന്നാണ് എൻറെ അകന്ന ഒരു ബന്ധു വർഷങ്ങൾക്ക് മുൻപ് പണി കഴിപ്പിച്ച ഒരു ഇൻറർലോക്ക് വീടിനെക്കുറിച്ച് ഓർമ്മ വന്നത്..! ഏതായാലും അധികം വൈകാതെ തന്നെ അവൻ്റെ വീട് ഒന്ന് കണ്ടു കളയാമെന്നു കരുതി.

പ്രകൃതി സൗഹൃദം.
 

ഏകദേശം പത്ത് വർഷത്തിലധികമായി പണി കഴിപ്പിച്ച ആ വീട് ഇപ്പോഴും അവർ മനോഹരമായി സൂക്ഷിച്ചിരിക്കുന്നു.

മുറ്റത്ത് വിവിധ നിറത്തിലുള്ള ചെടികളാലും വൃക്ഷങ്ങളാലും കുളിർമയേകുന്ന അന്തരീക്ഷം.
 ചെറുതെങ്കിലും മൂന്ന് മുറികളും . അടുക്കളയും. ചെറിയ സിറ്റൗട്ടും. ഡൈനിംഗ് ഹാളും. എല്ലാം കൂടി വളരെ നന്നായി തന്നെ ഡിസൈൻ ചെയ്തിട്ടുണ്ട്. 

പുറത്ത് നിന്ന് കയറി വരുമ്പോൾ തന്നെ വീടിനകത്ത് നിറഞ്ഞു നിൽക്കുന്ന കുളിർമ്മ ഒരു പ്രത്യേകതരം പോസിറ്റീവ് എനർജി തന്നെ നൽകുന്നതായി തോന്നി.
 വീടിനകം വളരെ മിതമായ രീതിയിൽ ഫർണീഷ് ചെയ്തിരിക്കുന്നു. അധികം വിലപിടിപ്പില്ലാത്ത മരങ്ങളും. ടൈലുകളുമാണ് ഉപയോഗിച്ചിരിക്കുന്നതെങ്കിൽ പോലും മൊത്തത്തിൽ വളരെ രസകരമായ ഒരു വീട്.
 അടുക്കള ഭാഗത്ത് ജൈവ മാലിന്യ പ്ലാൻറും .അതിൽ നിന്ന് ഉപയോഗിക്കുന്ന ബയോഗ്യാസും .!
 ചെറുതും . ആരെയും മോഹിപ്പിക്കുന്ന ഒരു അടുക്കളത്തോട്ടം.! ചെറിയ ടാങ്കിൽ മീനുകൾ ചാടുന്നു.
ഈയിടെയായി. അത്യാവശ്യ സാധനങ്ങളല്ലാതെ പുറത്ത് നിന്ന് ഒന്നും വാങ്ങാറില്ല. ഗൃഹനാഥൻ പറഞ്ഞു. മീൻ വളർത്തലും കൃഷിയുമൊക്കെ പിള്ളേരുടെ പണിയാണ്. മീൻ വളർത്തലിൽ നിന്ന് അവർക്ക് അത്യാവശ്യ കാര്യങ്ങൾക്കുള്ള പണവും ലഭിക്കുന്നുണ്ട്. പിന്നെ വിഭവ സമൃദ്ധമായ സദ്യയൊന്നുമല്ലങ്കിലും . ദിവസേന ഇവിടെ നിന്ന് പറിക്കുന്ന പച്ചക്കറി ഉപയോഗിച്ചു തന്നെയുള്ള പാചകം....!

എന്തായാലും നമ്മൾ തന്നെ കൃഷി ചെയ്തെടുക്കുന്ന പച്ചക്കറിയുടെ രുചി ഒന്ന് വേറെ തന്നെ.....!
 വീടിന് മുകളിലായി സ്ഥാപിച്ചിട്ടുള്ള ചെറിയ സോളാർ ഹീറ്റർ . അതിൽ നിന്നുള്ള വെള്ളമാണ് പാചകത്തിന് ഉപയോഗിക്കുന്നത്. അതുകൊണ്ട് തന്നെ പാചക ആവശ്യത്തിനായുള്ള ഗ്യാസും വളരെക്കുറച്ചു മതി. സത്യത്തിൽ ഇത്രയേറെ ലളിതവും .ശുദ്ധവായു നിറഞ്ഞതുമായ ... പച്ചപിടിച്ച ഒരു വീട് അന്ന് ഞാൻ ആദ്യമായി കാണുകയായിരുന്നു.!

ആലോചിച്ചാൽ ഇഷ്ടിക ഉപയോഗിച്ച് പണിയുമ്പോൾ പലരും പറഞ്ഞ് പേടിപ്പിച്ചിരുന്ന വലിയ നുണകളാണ്, ആ വീട്ടിൽ കുറച്ചു സമയം ചിലവഴിച്ചപ്പോൾ തകർന്നു വീണത്....!

കാരണം ,സിമൻറു തേക്കാതെ ഇൻറർലോക്ക് ഇഷ്ടിക ഉപയോഗിച്ചു പണിത ആ വീട് ഇപ്പോഴും യാതൊരു കുഴപ്പങ്ങളുമില്ലാതെ നിലനിൽക്കുന്നു. 
" ചേട്ടാ... ഇത്ര കാലമായിട്ടും...ഈ വീടിന് കുഴപ്പങ്ങളെന്തെങ്കിലും...?"
- ഞാൻ അത്ഭുതത്തോടെ ചോദിച്ചു-
- ഒരു കുഴപ്പവുമില്ല...വർഷം പതിനഞ്ച് കഴിഞ്ഞു.

ചിലവ് കുറഞ്ഞ വീട് 

 ....പണിയാൻ നേരം പലരും പലതും പറഞ്ഞു... ഞാൻ കൂട്ടാക്കിയില്ല...കാരണം കയ്യിൽ കാശില്ല അത്രതന്നെ..!... ഇനിയിപ്പോ ഇടിഞ്ഞു വീണാലും കുഴപ്പമില്ല.കാരണം പിള്ളേരൊക്കെ വലുതായി സ്വന്തം കാലിൽ നിൽക്കാറുമായി.. .ഇനി അവർഎന്താണന്നുവെച്ചാൽ ചെയ്യട്ടെ...!

ഏതായാലും അന്ന് അങ്ങിനെ ഒരു ബുദ്ധി തോന്നിയതുകൊണ്ട്, ഒരു കിടപ്പാടമായി...!

മാത്രമല്ല...കടം, ഒന്നും ഇല്ലാത്തതിനാൽ ...സ്വസ്ഥമായി മനഃസമാധാനത്തോടെ ഇപ്പോഴും കഴിഞ്ഞുപോകുന്നു..." - അദ്ദേഹം പറഞ്ഞുനിർത്തി - - ശരിയാണ് ഞാൻ ആലോചിച്ചു -
മനുഷൃൻ കടവും, ആധിയില്ലാതെ ജീവിക്കാൻ കഴിഞ്ഞാൽ അതുതന്നെ വലിയ ഭാഗ്യം -
" സതൃം പറയാല്ലോ... ഞാൻ വീടുപണീന്നൊക്കെപ്പറഞ്ഞ്... ആരുടേം കയ്യും, കാലുമൊന്നും പിടിക്കാൻ പോയില്ല.. കയ്യിലൊള്ള കാശുകൊണ്ട് ആദ്യം തറ കെട്ടി...അതിങ്ങിനെ കുറച്ചുനാൾ കിടന്നപ്പോൾ കൊറച്ചു കാശൂടെ വന്നു...അപ്പോഴാണ് മേലേക്കുള്ള പണിയെപ്പറ്റി ചിന്തിച്ചത്...! "

 " പിന്നീട്ആലോചിച്ചപ്പോൾ, എങ്ങുമെങ്ങുമെത്താത്ത സ്ഥിതി.വാർക്കപ്പൊക്കമെങ്കിലും ആയില്ലങ്കിൽ, കെട്ടിപ്പൊക്കിയിട്ടും കാര്യമില്ല. എന്തുചെയ്യുമെന്ന് അങ്ങിനെ ആലോചിച്ചിരിക്കുമ്പോഴാണ് അപ്പുറത്തെ വറീതിൻറെ മോളെ കല്യാണം കഴിച്ചിരിക്കുന്ന ആ പയ്യൻ കയറി വന്നത്.. " അദ്ദേഹം പറഞ്ഞു തുടങ്ങി....

നിർമ്മാണത്തിൽ ശ്രദ്ധിക്കേണ്ടത്.

മികച്ച ഇൻറർലോക്ക് ഇഷ്ടികകൾ എങ്ങിനെ തിരഞ്ഞെടുക്കാം ?വായിക്കുവാൻ ഇവിടെ ക്ലിക്കുചെയ്യുക.

 "അവൻ വർഷങ്ങളായി ഇതുപോലുള്ള വീടുകൾ വളരെ അധികം ചെയ്യുന്ന ഒരു പയ്യനാണ്. പിന്നീട് അവൻ്റെ തീരുമാനങ്ങൾക്കനുസരിച്ചായിരുന്നു മുഴുവൻ പണികളും. എങ്കിലും രണ്ട് മൂന്ന് കാര്യങ്ങൾ ശ്രദ്ധിച്ചാൽ ഒരു പ്രശ്നമുണ്ടാകില്ല..! 

ഒന്നാമതായി, മേൽത്തരം ഉയർന്ന ഗുണ നിലവാരമുള്ളവയാണ് ഇഷ്ടികകളെന്ന് ബോദ്ധ്യപ്പെട്ട ശേഷം മാത്രം വാങ്ങുക. അതിനായി നമുക്ക് ഇന്ന് അനേകം മാർഗ്ഗങ്ങളുണ്ട്.

രണ്ടാമതായി ഇത്തരം നിർമ്മാണങ്ങൾ ചെയ്തു പരിചയമുള്ളജോലിക്കാരെ ഉപയോഗിച്ചു മാത്രം വീടു നിർമ്മാണം നടത്തുക. 

  മൂന്നാമതായി പണിതീർന്ന ശേഷം ഇഷ്ടികയുടെ മുഴുവൻ വിടവുകളും അടച്ച് , ( സാധാരണ രീതിയിൽ പോയൻ്റ് ചെയ്യുക എന്ന് പറയും. )... അതിന് ശേഷം ഇഷ്ടികക്ക് പുറത്ത് ക്ലിയർ എന്ന പേരിൽ അറിയപ്പെടുന്ന വാർണിഷോ പെയിൻറോ ചെയ്ത് വീടിനെ ഭംഗിയായി സംരക്ഷിക്കുക അത്  വളരെ പ്രധാനപ്പെട്ട ഒരു കാര്യവുമാണ്..! ഇല്ലയെങ്കിൽ പലരും പറയുന്ന പോലെ എത്ര നല്ല ഇഷ്ടിക യായാലും അതിനിടയിൽ എറുമ്പുകളൊക്കെ കടന്നു കൂടും . "

 

 " ഇത്രയും, കാര്യങ്ങളൊക്കെ ശ്രദ്ധിച്ച് മുന്നോട്ടുപോവുകയാണങ്കിൽ, ഒരു പ്രശ്നവുമില്ലാതെ എത്ര കാലം വേണമെങ്കിലും , വീട് വളരെ ഭംഗിയായും, പുതുമയോടെ തന്നെയും നിലനിർത്തുവാൻ സാധിയ്ക്കും.! എന്നതുന്നെയാണ് ഇതിനെക്കുറിച്ചുള്ള ഉറപ്പും.! "

 " അല്ലാത്തപക്ഷം പലരും പറയുന്ന പോലെ തന്നെ, ഇഷ്ടികകൾ കേടുപാടുകൾ സംഭവിച്ച്, കുതിർന്നുപോവുക, തുടങ്ങി പലവിധ പ്രശ്നങ്ങളും,  കൂടാതെ, നിർമ്മാണം തകരാറിലാകുവാനും, അതുവഴി വൻ ധന നഷ്ടം സംഭവിക്കുവാനുമെല്ലാം സാധ്യതകളും കൂടുതലാണ്.! "

കോൺക്രീറ്റ് ചെയ്യുമ്പോൾ.

" പിന്നീട് , അശ്രദ്ധ കൊണ്ട് സംഭവിക്കാവുന്ന മുഖ്യ പ്രശ്നം, കോൺക്രീറ്റിങ്ങിൻറെ സമയങ്ങളിൽ ഇഷ്ടികകളിലേയ്ക്കിറങ്ങുന്ന സിമൻ്റ്, മിശ്രിതമാണ്. അത്  അൽപ്പം പോലും താഴേയ്ക്ക് ഒലിച്ചിറങ്ങാതെ കോൺക്രീറ്റിംഗ് നടത്തിയില്ലങ്കിൽ പിന്നീട് ഒന്നും ചെയ്യാൻ കഴിയാത്തവിധം ഇഷ്ടികകളിൽ പറ്റിപിടിച്ചിരിക്കുകയും, ഭിത്തി മുഴുവനായി പ്ളാസ്റ്റർ ചെയ്യേണ്ട അവസ്ഥയിലേക്കെത്തിച്ചേരുകയും ചെയ്യും."

"ഏതായാലും ഇതിൽ കയറിക്കൂടിയതിന് ശേഷം ആകെക്കൂടി മനസ്സിനും ... ശരീരത്തിനും വലിയ സന്തോഷം .!  അത് തന്നെ വലിയ കാര്യം...! " - അദ്ദേഹം പറഞ്ഞു നിർത്തി. !"

 ഏതായാലും, വീടിനെക്കുറിച്ചുള്ള കുറേയേറെക്കാലത്തെ അന്വേഷണങ്ങൾക്കൊടുവിൽ, വീടു പണിയുന്നെങ്കിൽ ഇത്തരം ചെറുതും, ലളിതവുമായ ഒരുവീടുതന്നെയെന്ന് മനസ്സിലുറപ്പിച്ചു തന്നെ , അവിടെ നിന്നും പടിയിറങ്ങി!