ചക്ക കാൻസറിനെ തടയുമോ ?

ചക്ക കഴിച്ചാൽ കാൻസറിനെ പ്രതിരോധിക്കാൻ കഴിയുമോ?

മലയാളികളുടെ വളരെ പ്രിയപ്പെട്ട ഒരു നാടൻ ഭക്ഷണമാണ് ചക്ക. പണ്ട് വറുതിക്കാലത്ത് വിശപ്പു മാറ്റാൻ കഴിച്ചിരുന്ന ഒരു ഭക്ഷണമാണ് ചക്കയെങ്കിൽ കൂടിയും, ഇന്ന് അതിൻ്റെ സവിശേഷ രുചിയും ഗുണങ്ങളും തിരിച്ചറിഞ്ഞ് ലോകത്തിന് മുഴുവൻ പ്രിയങ്കരമായിത്തീരുന്ന മികച്ച ഭക്ഷ്യവിഭവമായി ചക്ക മാറി കഴിഞ്ഞു. അതിനാൽത്തന്നെ ചക്കയെ ക്കുറിച്ചു പറയുമ്പോൾ എല്ലാവരും സാധാരണ ചോദിക്കുന്ന ഒരു ചോദ്യമുണ്ട്. ചക്ക ക്യാൻസർ മാറ്റുമോ? (Can Jackfruit prevent cancer ?) അതിനാൽ സമൂഹ മാദ്ധ്യമങ്ങളിൽ ഇതിനെക്കുറിച്ച് പലതരം പ്രചരണങ്ങൾ നടക്കുന്നുണ്ടെങ്കിലും, വസ്തുതകൾ എന്താണന്ന് പരിശോധിക്കാം. 

ചക്ക അനേകം പോഷകങ്ങളുടെ കലവറ. ( Jackfruit ; Nutrition Profile )

ചക്ക വെറുമൊരു വയർ നിറയ്ക്കുവാനുള്ള ഭക്ഷണമല്ല. അനേകം വിറ്റാമിനുകളും, മിനറലുകളും അടങ്ങിയ ഒരു ഭക്ഷണമാണ് പ്രത്യേകിച്ചും കാൻസർ പ്രതിരോധത്തിന് ആവശ്യമായ താഴെ പറയുന്ന ഘടകങ്ങൾ ചക്കയിൽ സുലഭമാണ്. ( പ്രത്യേകിച്ച് പച്ച ചക്കയിൽ) 

* ധാരാളം നാരുകൾ ( Dietary Fiber)

*ശക്തിയേറിയ ആൻ്റി ഓക്സിഡൻ്റുകൾ (Antioxidants - Vitamin C,A )

* ഫൈറ്റോകെമിക്കലുകൾ -  (Phytochemicals / Phytonutritents ) 

ചക്ക കാൻസർ പ്രതിരോധിക്കുമോ?                                                                                (Jackfruit and Cancer Prevention; The Seience )

ശാസ്ത്രീയ പഠനങ്ങളിൽ, ചക്ക ഒരിക്കലും കാൻസറിന് എതിരെയുള്ള ഒരു മരുന്നായി പ്രവർത്തിക്കില്ല. എന്നാൽ കാൻസർ വരാനുള്ള സാദ്ധ്യത കുറയ്ക്കാൻ സഹായിക്കുന്ന ചില സവിശേഷതകൾ ഇതിനുണ്ട്. അത് എന്താണന്ന് നോക്കാം

വൻ കുടലിലെ കാൻസർ തടയും . നാരുകൾ . (Fiber against colorectal cancer)

പച്ച ചക്കയിൽ ധാരാളമായി അടങ്ങിയിട്ടുള്ള നാരുകൾ ദഹനത്തോടൊപ്പം മലബന്ധവും സുഗമമാക്കുന്നു.

*പ്രവർത്തനരീതി

ദഹനനാളത്തിലെ മാലിന്യങ്ങളെ പുറന്തള്ളുവാൻ നാരുകൾ സഹായിക്കുന്നു.  ഇതിലൂടെ കാൻസറിന് കാരണമായേക്കാവുന്ന ദോഷകരമായ പദാർഥങ്ങൾ കുടലിലെ കോശങ്ങളുമായി സമ്പർക്കത്തിൽ വരുന്നത് കുറയുന്നു. ഇത് വൻകുടലിൽ വരാവുന്ന കാൻസർ (Colorectal cancer) സാദ്ധ്യത ഗണ്യമായി കുറയ്ക്കുന്നു.

കോശങ്ങളെ സംരക്ഷിക്കുന്ന ആൻ്റി ഓക്സിഡൻ്റുകൾ . (Antioxidants for Cell Protection) 

ചക്കയിൽ വിറ്റാമിൻ സി, വിറ്റാമിൻ സി, ഫ്ലേവനോയിഡുകൾ ധാരാളമായുണ്ട്. ഇവ മികച്ച ആൻ്റി ഓക്സിഡൻ്റുകളാണ്. 

*ഇവ എങ്ങിനെ പ്രവർത്തിക്കും?

നമ്മുടെ ശരീരത്തിലെ കോശങ്ങൾക്ക് കേടുപാടുകൾ സംഭവിപ്പിക്കുന്ന ഫ്രീ റാഡിക്കലുകളെ നശിപ്പിക്കുവാൻ ആൻ്റി ഓക്സിഡൻ്റുകൾ സഹായിക്കുന്നു. ഫ്രീ റാഡിക്കലുകൾ മൂലമുണ്ടാകുന്ന ഓക്സിഡേറ്റീവ് സ്ട്രെസ്സ് ആണ് കോശങ്ങളെ പലപ്പോഴും കാൻസർ കോശങ്ങളാക്കി മാറ്റുന്നത്. ഈ പ്രക്രിയയെ തടയുകയാണ് ചക്കയിൽ അടങ്ങിയിട്ടുള്ള ആൻ്റി ഓക്സിഡൻ്റുകൾ ചെയ്യുന്നത്.

ചക്ക കാൻസറിനെ തടയുമോ ?

ഫൈറ്റോകെമിക്കലുകൾ (Phytochemicals )

ലിഗ്നാനുകൾ ( lignans )

ഐസോഫ്ലേവോണുകൾ ( isoflovanes) സോപ്പോണിനുകൾ ( saponins ) തുടങ്ങിയ ഫൈറ്റോ കെമിക്കലുകൾ ചക്കയിലുണ്ട്. 

ഈ സസ്യ ഘടകങ്ങൾക്ക് കാൻസർ കോശങ്ങളുടെ വളർച്ചയെ തടയുവാനും, (anti-proliferative) ശരീരത്തിലുണ്ടാകുന്ന നീർവീക്കം കുറയ്ക്കുവാനും കഴിവുണ്ടെന്ന് പഠനങ്ങൾ വ്യക്തമാക്കുന്നു. ചക്കയിലെ ആർട്ടോ കാർപ്പിൻ (Artocarpin) എന്ന ഘടകം കാൻസർ കോശങ്ങളെ നശിപ്പിക്കുവാൻ സഹായിച്ചേക്കാമെന്നും ഗവേഷണങ്ങൾ സൂചിപ്പിക്കുന്നു. 

ജകാളിൻ പ്രോട്ടീൻ ( Jacalin Protein ) 

ചക്കയിൽ അടങ്ങിയിട്ടുള്ള ജകാളിൻ എന്ന പ്രത്യേക പ്രോട്ടീൻ ചില തരം കാൻസർ കോശങ്ങളുടെ വളർച്ചയെ മന്ദീഭവിപ്പിക്കുവാൻ സഹായിക്കുമെന്ന് പ്രാഥമിക ഗവേഷണങ്ങൾ സൂചിപ്പിക്കുന്നു.

ചക്ക കാൻസറിനുള്ള മരുന്നല്ല

ചക്കക്ക് കാൻസർരോഗത്തെ മേൽപ്പറഞ്ഞ രീതിയിലെല്ലാം പ്രതിരോധിക്കുവാനുള്ള കഴിവുണ്ടെങ്കിലും അത് ഒരിക്കലും കാൻസറിന് എതിരേയുള്ള ഒരു മരുന്നല്ല. 

കാൻസർ സാദ്ധ്യതകൾ കുറക്കാൻ എങ്ങിനെ ചക്ക നമുക്ക് ഭക്ഷണത്തിൻ്റെ ഭാഗമാക്കാം?

മുകളിൽ പറഞ്ഞതുപോലെ പഴയ കാലത്ത് മനുഷ്യർ മൂന്നു നേരവും ചക്കയാണ് ഭക്ഷിച്ചിരുന്നതെങ്കിലും ഇന്ന് അത് നാട്ടിൻപുറങ്ങളിൽ പോലും ചക്ക അപൂർവ്വമാണ്. എങ്കിലും സീസൺ സമയങ്ങളിലും, അല്ലാതെയുമെല്ലാം ആഴ്ചയിൽ ഒരു തവണയെങ്കിലും ചക്ക ഭക്ഷണത്തിൽ ഉൾപ്പെടുത്താൻ കഴിഞ്ഞാൽ അത് നല്ലതാണ്.

പച്ചച്ചക്ക - ചക്കപ്പുഴുക്ക്, ചക്ക തോരൻ, ചക്ക കറി ഇങ്ങിനെയെല്ലാം ചക്ക കഴിക്കാവുന്നതും കൂടാതെ ഇവ.  നാരുകളാൽ സമ്പന്നവുമാണ്.

ചക്കപ്പഴം - മിതമായ അളവിൽ കഴിക്കുന്നത് ശരീരത്തിന് ആവശ്യമായ വിറ്റാമിനുകൾ ലഭിക്കുവാൻ സഹായിക്കും.  ( എങ്കിലും പ്രമേഹ രോഗികൾ ചക്കപ്പഴം കഴിക്കുമ്പോൾ ശ്രദ്ധിക്കേണ്ടതാണ്)

വായിക്കാം, നാടൻരുചിയൂറും ചക്ക അട.

ചക്ക കാൻസറിനെ തടയുമോ?

 ചക്കക്കുരു -ഇതും വിവിധ തരം  പോഷകഗുണമുള്ളതു തന്നെയാണ്, അതിനാൽ ഇതും കറികളിൽപ്പെടുത്തി കഴിക്കാം.

ഒറ്റവാക്കിൽ നാട്ടിൻപുറങ്ങളിൽ സുലഭമായി കിട്ടിയിരുന്ന ചക്ക എന്തുകൊണ്ടും ഒരു സൂപ്പർ ഫുഡ് തന്നെയാണ്. അതിൽ അടങ്ങിയിരിക്കുന്ന നാരുകൾ, ആൻ്റി ഓക്സിഡൻ്റുകൾ, ഫൈറ്റോകെമിക്കലുകൾ, എന്നിവ നമ്മുടെ ശരീരത്തിൻ്റെ രോഗപ്രതിരോധശേഷി വർദ്ധിപ്പിക്കുകയും, കാൻസർ പോലുള്ള മാരക രോഗങ്ങളെ പ്രതിരോധിക്കുവാനും ശേഷിയുള്ളവയും തന്നെയാണ്. 

ഈ ലേഖനത്തിൽ പറയുന്നതായ കാര്യങ്ങൾ അറിവിനായി മാത്രമുള്ളതാണ്. ഇത് വൈദ്യോപദേശമായി കണക്കാക്കരുത്. അതിനാൽ നിങ്ങൾക്ക് ഏതെങ്കിലും വിധത്തിലുള്ള ആരോഗ്യപ്രശ്നമുണ്ടെങ്കിൽ തീർച്ചയായും ഒരു ഡോക്ടറുടെ ഉപദേശം സ്വീകരിച്ചതിന് ശേഷം മാത്രം ആവശ്യമായ മാറ്റം ഭക്ഷണകാര്യങ്ങളിൽ വരുത്തുക.