ചക്ക വെറുമൊരു ഫലമല്ല! അതിലുണ്ട് അനേകം ആരോഗ്യ ഗുണങ്ങൾ നാട്ടിൻപുറങ്ങളിൽ മലയാളികളുടെ പ്രിയപ്പെട്ട വിഷുക്കാലമെത്തിക്കഴിഞ്ഞാൽപ്പിന്നെ എവിടേയും ചക്കയുടേയും , മാങ്ങയുടേയും രുചിക്കാലമാണ്. ചക്കപ്പുഴുക്ക്, ചക്കപ്പായസം, ചക്ക പപ്പടം, ചക്ക അട എന്നു വേണ്ട ആകെ ചക്കമയം. എന്നാൽ ചക്കയുടെ ആരോഗ്യ ഗുണങ്ങളെക്കുറിച്ചു പറഞ്ഞാലോ! ധാരാളം നാരുകൾ ( Fiber) , വിറ്റാമിൻ C, A. കൂടാതെ പൊട്ടാസ്യം ഇവയെല്ലാം അടങ്ങിയിട്ടുള്ള ചക്ക വിഭവങ്ങൾ കഴിക്കുമ്പോൾ രക്തസമ്മർദം നിയന്ത്രിക്കുവാൻ കഴിയുന്നതോടൊപ്പം ഹൃദയാരോഗ്യം സംരക്ഷിക്കുന്നതിനും, മലബന്ധം അകറ്റുന്നതിനും, ശരീരത്തിൻ്റെ പ്രതിരോധശേഷി വർദ്ധിപ്പിക്കാനുമെല്ലാം വളരെ മികച്ച ഒരു ഭക്ഷണവിഭവമാണ് ചക്ക. ഇവിടെ നമുക്ക് ചക്ക കൊണ്ട് വളരെ ലളിതമായി ഒരു ചക്ക അട എങ്ങിനെയുണ്ടാക്കാമെന്നു നോക്കാം. ആദ്യം നന്നായി വൃത്തിയാക്കിയെടുത്ത വരിക്ക ചക്ക 15-20 എണ്ണം, കഷണങ്ങളാക്കി നുറുക്കി മിക്സിയിൽ അടിച്ച് കുഴമ്പു പരുവമാക്കിയത്. ശർക്കര കാൽ കപ്പ് വെള്ളമൊഴിച്ച് ഉരുക്കി അരിച്ചെടുത്തത് - 1 - കപ്പ് അപ്പപ്പൊടി 1 - കപ്പ് തേങ്ങ - അരക്കപ്പ് ഉപ്പ് - ഒരു നുള്ള് നെയ്യ് - 2 ടീസ്പൂൺ ഏലയ്ക്കാ- 3 എണ്ണം പൊടിച്ചത് ചുക്ക്...
കരിപ്പെട്ടിയുടെ ഗുണങ്ങൾ
വളരെയേറെ മൂല്യങ്ങളുള്ളതും ഏകദേശം നാലായിരം വർഷത്തെ പാരമ്പര്യമുണ്ടെന്നും പറയപ്പെടുന്ന ഒന്നാണ് കരിപ്പെട്ടി, അതല്ലെങ്കിൽ ചക്കര. ( Palm Jaggery ) - കരിപ്പട്ടി
 |
| പഞ്ചസാരക്ക് പകരം ഇനി കരിപ്പെട്ടി |
തീർച്ചയായും പഞ്ചസാര ഉപയോഗിക്കുവാൻ ബുദ്ധിമുട്ടുള്ളവർക്ക് ഷുഗർ ലവൽ കൂടുമെന്ന് ഭയക്കാതെ ഉപയോഗിക്കാവുന്ന ഒന്നാണ് കരിപ്പെട്ടി .
കരിപ്പെട്ടി നിർമ്മാണം
കരിമ്പനയിൽ നിന്നുള്ള കള്ള് ചെത്തിയെടുത്ത് ,ശുദ്ധമാക്കി അരിച്ചെടുത്ത ശേഷം വലിയ ഉരുളിയിലാക്കി നന്നായി തിളപ്പിച്ച് കുറുകി വറ്റിച്ച് ഉണ്ടാക്കുന്നതാണ് പനഞ്ചക്കര അതല്ലങ്കിൽ കരിപ്പെട്ടി .
അടുപ്പിൽ നന്നായി തിളച്ച് കുറുകി വരുമ്പോൾ ,തേങ്ങ ചിരട്ടകളിലേക്ക് കോരിയൊഴിച്ച് ചൂടാറുമ്പോൾ എടുത്ത് ഉപയോഗിക്കുന്നതാണ് ഇതിൻ്റെ നിർമ്മാണ രീതി.
വെളുത്ത വിഷമെന്ന് - പഞ്ചസാരയെ അഭിസംബോധന ചെയ്തിരുന്ന മഹാത്മാ ഗാന്ധി മധുര പാനീയങ്ങളിൽ ചേർത്തിരുന്നത് കരിപ്പെട്ടിയായിരുന്നു.
കേരളം, തമിഴ്നാട്, കർണ്ണാടക തുടങ്ങിയ സംസ്ഥാനങ്ങളിലെല്ലാം, ഒരു വലിയ കുടിൽ വ്യവസായമായിത്തന്നെ ഇത് നിർമ്മിച്ചു വരുന്നു.
 |
| പഞ്ചസാരക്ക് പകരം ഇനി കരിപ്പെട്ടി |
കരിപ്പെട്ടി ( ചക്കര ) യുടെ ഗുണങ്ങൾ.
ഇരുമ്പ്, മേഘ്നേഷ്യം, പൊട്ടാസ്യം, തുടങ്ങിയ ധാതുക്കളും, ആൻറി ഓക്സിഡറുകളും , കൂടാതെ ദഹനം മെച്ചപ്പെടുത്താനും, പ്രതിരോധശേഷി വർദ്ധിപ്പിക്കാനും, ശരീരഭാരം കുറയ്ക്കാനും, വിളർച്ച തടയുവാനുമെല്ലാം മികച്ച ഭക്ഷണവസ്തു കൂടിയാണ് ചക്കര.
പനി, ജലദോഷം, കഫക്കെട്ട്
കരിപ്പെട്ടി, തിപ്പലി, കുരുമുളക്, തുളസിയില, നറുന്നണ്ടി , ചുക്ക് എന്നിവയിട്ട് തിളപ്പിച്ച വെള്ളം കുടിച്ചാൽ സാധാരണ രീതിയിലുള്ള ജലദോഷം, പനി, തൊണ്ടവേദന, തലവേദന,
ഇവയെല്ലാം ആശ്വാസം കിട്ടും.
ഇസ്നോഫീലിയ, അലർജി , ആസ്മ
എന്നിവക്ക് , കരിപ്പെട്ടി പതിവായി കഴിക്കുന്നത് ഗുണകരമാണ്.
പ്രധാന ഗുണങ്ങൾ.
രക്തക്കുറവ് തടയുന്നു - ഇരുമ്പിൻ്റെ ഉറവിടമായതിനാൽ ഹിമോഗ്ലോബിൻ വർദ്ധിപ്പിക്കുവാനും, വിളർച്ച തടയുവാനും സഹായിക്കുന്നു.
ദഹനത്തിന് സഹായിക്കുന്നു. - നാരുകൾ കൂടുതൽ അടങ്ങിയിരിക്കുന്നതിനാൽ , ദഹന എൻസൈമുകളെ കൂടുതൽ ഉത്തേജിപ്പിക്കുകയും, ദഹനക്കേട്, മലബന്ധവുമെല്ലാം, തടയുവാനും സഹായിക്കുന്നു.
ഷുഗർ ലെവൽ കൂടുന്നത് തടയുകയും പ്രതിരോധ ശേഷി വർദ്ധിപ്പിക്കുകയും ചെയ്യുന്നു.
സിങ്ക്, സെലീനിയം പോലുള്ള ധാതുക്കളും, ആൻറി ഓക്സിഡറുകളും കാരണം അടങ്ങിയ രോഗ പ്രതിരോധ ശേഷിയുണ്ട്.
 |
| പഞ്ചസാരക്ക് പകരം ഇനി കരിപ്പെട്ടി |
വിവിധ പലഹാരങ്ങൾ
കരിപ്പെട്ടി ഉപയോഗിച്ച്, ചായയും, കാപ്പിയുമെല്ലാം ഉണ്ടാക്കുന്നതിന് പുറമേ, പഞ്ചസാര പൂർണ്ണമായും ഒഴിവാക്കി കുട്ടികൾക്ക് കൂടി ഇഷ്ടമുള്ള രീതിയിൽ പായസം, ഹൽവ, കുറുക്ക്, തുടങ്ങി നിരവധി മധുരമൂറുന്നു ഭക്ഷണപദാർഥങ്ങൾ ശരീരത്തിന് ഒട്ടും ഹാനികരമല്ലാത്ത വിധത്തിൽ വളരെ നാച്വറലായിത്തന്നെ
ഉണ്ടാക്കിയെടുക്കാമെന്നതും കരിപ്പെട്ടിയെ വ്യത്യസ്ഥമാക്കുകയും കൂടാതെ ഓൺ ലൈൻ മുഖേന ലോകത്തെവിടേയും ഇത് ഇപ്പോൾ ലഭ്യമാണന്നുള്ളതും ദിനംതോറും ഇതിൻ്റെ ജനപ്രിയത വർദ്ധിപ്പിക്കുന്നു.
അഭിപ്രായങ്ങള്