കൂവരക് (രാഗി ) ചിരട്ട പുട്ട് പ്രമേഹ രോഗം ഉള്ളവർക്കും, ഇല്ലാത്തവർക്കും, കഴിക്കാവുന്നതും, വളരെയേറെ പോഷകസമ്പുഷ്ടവും അതോടൊപ്പം അൽപ്പം പോലും എണ്ണമയവുമില്ലാത്തതുമായ ഒരു മികച്ച ഭക്ഷണമാണ് കൂവരക് ചിരട്ട പുട്ട് . പ്രമേഹ രോഗ ഓർഗാനിക്ക് ചിരട്ട പുട്ട് പലപ്പോഴും വിവിധ തരം ജീവിതശൈലീ രോഗങ്ങളാൽ കഷ്ടപ്പെടുന്നവർ, തങ്ങൾ ഏതുതരം ഭക്ഷണങ്ങൾ കഴിക്കണമെന്ന ആശയക്കുഴപ്പങ്ങളിൽപ്പെടാറുണ്ട്. പ്രത്യേകിച്ചും പ്രമേഹരോഗം ബാധിച്ചവർ. അത്തരക്കാർക്ക് തികച്ചും ധൈര്യമായികഴിക്കാവുന്ന ഒന്നാണ് ഈഓർഗാനിക്ചിരട്ടപുട്ട് . കാൽസ്യവും, ഇരുമ്പും ധാരാളമായി ഇതിൽ അടങ്ങിയിട്ടുള്ളതിനാൽ, ഇത് വിളർച്ച തടയുവാനും, പല്ലുകളുടെ ആരോഗ്യത്തിനും , കുട്ടികൾക്ക് നൽകാവുന്നതുമായ ഒരു നല്ല ഭക്ഷണം കൂടിയാണ്. കുട്ടികൾക്കായി തയ്യാറാക്കുമ്പോൾ അവർക്ക് താത്പര്യമുള്ള പച്ചക്കറികളോ മധുരമോ അങ്ങിനെ എന്തെങ്കിലും ആവശ്യമാണെങ്കിൽ അതുകൂടി ഈ പുട്ടിനൊപ്പം ചേർത്ത് വേവിക്കാവുന്നതുമാണ്. പുട്ട് ഉണ്ടാക്കുന്ന വിധം ഇത്, കൂവരക് ഉപയോഗിച്ചുള്ള ഓർഗാനിക്ക് പുട്ട് ആയതിനാൽ, ആദ്യം മാർക്കറ്റിൽ നിന്നും ധാന്യങ്ങളുടെ രൂപത്തിലുള്ള കൂവരക് ലഭ്യമാണെങ്കിൽ അത് ആവശ്യമുള്ളത്രയും രാവിലെ വെള്ളത...
ഇഞ്ചിച്ചായ
ഇഞ്ചി ചായ വെറുമൊരു ചായയല്ല. അതിലുണ്ട് ഇഞ്ചിയുടെ അനേകം അത്ഭുതഗുണങ്ങളും , ആരോഗ്യ ഗുണങ്ങളും,അതിനാൽത്തന്നെ ഇത് മലയാളികൾക്കിടയിൽഇന്ന്, വളരെയേറെ പ്രചാരമുള്ള സ്പഷ്യൽ ചായകൂടിയാണ്.
 |
| രുചികരം ഈ ഇഞ്ചി ചായ |
എന്താണ് ഇഞ്ചിചായയുടെ പ്രത്യേകത ?
തണുപ്പു കാലത്തും, മഴക്കാലത്തുമെല്ലാം അൽപ്പം ഇഞ്ചിയുടെ എരിവും, മണവുമെല്ലാമുള്ള ഒരു ചായ ( Ginger Tea ) ആസ്വദിച്ചിരുന്ന് കുടിക്കുന്നത്, മനസ്സിനും, ശരീരത്തിനുമെല്ലാം കൂടുതൽ , ഉണർവും, ഉന്മേഷവും നൽകും .
അതിനാൽ, നമുക്ക് വളരെ നല്ല രീതിയിൽ ഇഞ്ചിയുടെ ഗുണങ്ങളെല്ലാം നിലനിർത്തിക്കൊണ്ട് ഒരു ചായ എങ്ങിനെ തയ്യാറാക്കാമെന്ന് നോക്കാം.
ഇഞ്ചി ചായ നമുക്ക് ഇവിടെ രണ്ടു തരത്തിൽ തയ്യാറാക്കാം, പാൽ ചേർത്തതും, അതല്ലെങ്കിൽ പാൽ ചേർക്കാത്തതും. ഇതിൽ സാർവ്വത്രികമായതും, തനി മലയാളിത്തനിമയിലുള്ളതുമായ പേരാണ് കട്ടൻ .
പാൽ ചേർത്ത ഇഞ്ചി ചായ (Milk Ginger Tea)
ഇത് ദഹനത്തിനും, തൊണ്ട വേദനയ്ക്കുമെ
ല്ലാം മികച്ചതാണ്, എങ്കിലും കഫത്തിൻ്റെ ശല്യം കൂടുതലായുള്ളവർ ഇഞ്ചി ചായയിലെ പാൽ ഒഴിവാക്കി കുടിക്കുന്നതാകും നല്ലത്.
സാധാരണ രീതിയിൽ, ചായയിൽ ഇഞ്ചിയും അൽപ്പം എരിവും ചേരുമ്പോഴുള്ള വ്യത്യസ്തമായ രുചി തന്നെയാണ് ഇതിൻ്റെ ആകർഷണം.
ഇനി ഇഞ്ചി ചായ എങ്ങിനെ തയ്യാറാക്കാമെന്നും, അതിന് ആവശ്യമായ സാധനങ്ങൾ എന്തൊക്കെയാണന്നും നോക്കാം.
വെള്ളം - 1 കപ്പ്, പാൽ 1/2 കപ്പ്, ഇഞ്ചി - ഒരു ചെറിയ കഷണം ചതച്ചത്. തേയില , പഞ്ചസാര - ആവശ്യത്തിന്. ഏലയ്ക്ക - 1 എണ്ണം ചതച്ചത്.
തയ്യാറാക്കുന്ന വിധം
ഒരു പാത്രത്തിൽ വെള്ളം തിളപ്പിക്കുവാൻ വെയ്ക്കുക . വെള്ളം തിളക്കാൻ ആരംഭിക്കുമ്പോൾ അതിലേക്ക് ചതച്ച ഇഞ്ചിയും, ഏലക്കായ പൊടിച്ചതും ചേർക്കാം.
ഇഞ്ചിയുടെ സത്ത് വെള്ളത്തിൽ അലിഞ്ഞ് ചേരുന്നതിന് ഏകദേശം 5 മിനിറ്റോളം വെള്ളം തിളക്കുവാൻ അനുവദിക്കുക.
പിന്നീട് ആവശ്യത്തിന് തേയില ഇടുക, തേയില വെള്ളവുമായി ലയിച്ച് ചേർന്ന് കഴിയുമ്പോൾ പാൽ ഒഴിക്കുക . ഏതാനും മിനിട്ടുകൾക്കുള്ളിൽ പാൽ തിളച്ച് പൊന്തിവരുമ്പോൾ സ്റ്റൗവിലെ തീ അണച്ച് ചായ അരിച്ചെടുത്ത ശേഷം ആവശ്യത്തിന് പഞ്ചസാരയിട്ട് ഇളക്കിയെടുത്ത ശേഷം ചൂടോടെ ഉപയോഗിക്കാം .
ഇഞ്ചി ചായക്കൊപ്പം മുളകു വട
ഇനി ഇഞ്ചി, പാൽ ചായയായാലും, ഇഞ്ചി ചേർത്ത കട്ടൻ ചായയായാലും, അതോടൊപ്പം ഒരു മുളക് വട കൂടി കഴിച്ചു നോക്കൂ, മികച്ച ഒരു കോമ്പിനേഷനായിരിക്കും അത് . സ്വാദിഷ്ടമായ മുളകു വട റസിപ്പിയെങ്ങിനെയെന്നത് നമുക്ക് പിന്നീട് വിശദീകരിക്കാം.
ഇഞ്ചി കട്ടൻ / ലെമൺ ജിഞ്ചർ ടീ (കറുത്ത ഇഞ്ചി ചായ)
ഇത് ദഹനത്തിനും, തൊണ്ടവേദനക്കും ഉത്തമമാണ്. കൂടാതെ ചായയിൽ പാൽ ചേർക്കുന്നത് ഒഴിവാക്കുന്നവർക്കും ഇത് മികച്ച ഒരു പാനീയമാണ്.
ആവശ്യമുള്ള സാധനങ്ങൾ.
വെള്ളം , ഒന്നര കപ്പ് , ഇഞ്ചി ചതച്ചത് - ചെറിയ കഷണം , തേയില - ആവശ്യത്തിന്, നാരങ്ങാ നീർ - , തേൻ - മധുരം ആവശ്യമുള്ളിടത്തോളം,
തയ്യാറാക്കുന്നത്.
വെള്ളത്തിൽ ചതച്ചു വെച്ചിരിക്കുന്ന ഇഞ്ചിയിട്ട് നന്നായി തിളപ്പിക്കുക. തീ കുറച്ച് വെച്ചതിന് ശേഷം തേയില ആവശ്യത്തിന് ഇടുക.
 |
| രുചികരം ഈ ഇഞ്ചി ചായ |
തേയിലയിട്ട് വെള്ളം കൂടുതൽ തിളക്കുവാൻ അനുവദിക്കാതെയിരിക്കുക. കാരണം തേയിലയുടെ കയ്പ്പ് രസം കൂടി വരും. അതിനാല് തീ അണച്ച് ചായ പെട്ടെന്ന് ഒരു ഗ്ലാസിലേക്ക് അരിച്ചെടുക്കുക.
ചൂട് അൽപ്പം കുറഞ്ഞു വരുമ്പോൾ നാരങ്ങാനീരും ആവശ്യത്തിന് തേനും ചേർത്ത് ഇളക്കിക്കുടിക്കാം. നാരങ്ങ ഒഴിവാക്കണമെന്നുള്ളവർക്ക് അങ്ങിനേയുമാകാം.
ഇഞ്ചി ചായയുടെ പ്രത്യേക ഗുണങ്ങൾ
സ്ട്രെസ്സ് കുറക്കുന്നു. - മനസ്സിനും, ശരീരത്തിനും ഉന്മേഷം പകരുന്നു.
തൊണ്ടക്ക് ആശ്വാസം നൽകുന്നു. - തൊണ്ടയിലുള്ള കരകരപ്പ്, വേദന, തൊണ്ടയടച്ചിൽ, എന്നിവയ്ക്ക് ചൂടുള്ള ഇഞ്ചി ചായ കുടിക്കുന്നത് നല്ലതാണ് .
രക്തയോട്ടം വർദ്ധിപ്പിക്കുന്നു. - ഇഞ്ചിയിലെ വിറ്റാമിനുകളും, ധാതുക്കളും, ശരീരത്തിലെ രക്തയോട്ടം വർദ്ധിപ്പിക്കുവാൻ സഹായിക്കുന്നു.
കൂടാതെ ഇഞ്ചി ചായയിൽ പഞ്ചസാരക്ക് പകരം ശർക്കര ഉപയോഗിക്കുന്നത് അതിൻ്റെ രുചിയും, ഗുണവും വർദ്ധിപ്പിക്കും!
പ്രത്യേകിച്ച് നല്ല മഴക്കാലത്ത് ജലദോഷം,ചെറിയ തോതിലുള്ള പണി, മൂക്കടപ്പ്, വേദന, ഇതെല്ലാം ഉള്ളവർക്ക് ഏറെ ആശ്വാസം ലഭിക്കുന്നതിനും, മികച്ച പ്രതിരോധ ശേഷി നേടുന്നതിനും മികച്ച ഒരു പാനീയമാണ് ഇഞ്ചി ചായ .
അഭിപ്രായങ്ങള്