ആരോഗ്യസംരക്ഷണത്തിന് ഒരു മികച്ച ഹെർബൽ ടീ

സദ്യ ഇഞ്ചിക്കറി റസിപ്പി 

സാധാരണ സദ്യകളായാലും , ഒരു ഓണസദ്യക്കായാലും വളരെ രുചിയുള്ള ഇഞ്ചിപ്പുളി, അതല്ലെങ്കിൽ പുളിയിഞ്ചി , എന്നെല്ലാം വിളിക്കുന്ന നമ്മുടെ കേരളത്തിൻ്റെ ഒരു പരമ്പരാഗത വിഭവമായ ഇഞ്ചിക്കറി എങ്ങിനെയാണ് തയ്യാറാക്കുന്നതെന്ന് നോക്കാം.

ആവശ്യമുള്ള സാധനങ്ങൾ.

ഇഞ്ചി - ഒന്നര കപ്പ് ( ചെറുതായി അരിഞ്ഞത് ,

പുളി - നെല്ലിക്ക വലിപ്പത്തിൽ എടുത്ത് ചൂടുവെള്ളത്തിൽ ലയിപ്പിച്ചത്. 1 കപ്പ്

വെളിച്ചെണ്ണ - ആവശ്യത്തിന്

ചെറിയ ഉള്ളി, -5-6 ചെറുതായി അരിഞ്ഞത്.

 പച്ചമുളക് , 2 - അരിഞ്ഞത്.

വേപ്പില,

ഉപ്പ് - ആവശ്യത്തിന്.

ആദ്യം ഒരു പാനിലേക്ക് ആവശ്യത്തിന് വെളിച്ചെണ്ണ ഒഴിച്ച് ഇഞ്ചി ഗോൾഡൻ ബ്രൗൺ നിറമാകുന്നതുവരെ, സ്റ്റൗവിൻ്റെ ഫ്ലയിം അൽപ്പം കുറച്ചു വെച്ച് വഴറ്റിയെടുക്കുക .

പിന്നീട് പാനിൽ നിന്നും അത് കോരി മാറ്റിയ ശേഷം ബാക്കി വരുന്ന വെളിച്ചെണ്ണയിൽ തന്നെ. കടുക് പൊട്ടിച്ച് രണ്ട് വറ്റൽമുളകും, വേപ്പിലയും, അരിഞ്ഞു വെച്ചിരിക്കുന്ന ചുവന്നുള്ളിയും ചേർത്ത് വഴറ്റുക.

പിന്നീട് ചുവന്നുള്ളിയും ചുവന്ന നിറമാകുമ്പോൾ അതിലേക്ക് ഒരു ടീസ്പൂൺ മുളകുപൊടി - അര ടീസ്പൂൺ മഞ്ഞൾപ്പൊടി - ലേശം ഉലുവ, കായപ്പൊടി എന്നിവ ചേർത്ത് നന്നായി വഴറ്റി കോരിയെടുക്കുക.

പിന്നീട് നേരത്തേ വഴറ്റി വെച്ചിരിക്കുന്ന ഇഞ്ചിയും, ഇപ്പോൾ വഴറ്റി കോരിയെടുത്ത ചുവന്നുള്ളി മസാലക്കൂട്ടും ഒരുമിച്ച് ഒരു മിക്സിയിലിട്ട് പൊടിച്ചെടുക്കുക.

പിന്നീട് ഒരു പാനിലേക്ക് നേരത്തേ തയ്യാറാക്കിയ പുളിവെള്ളവും, ഒരു കപ്പ് തിളച്ച വെള്ളവും ചേർത്ത് അടുപ്പിൽ തിളക്കാൻ വെയ്ക്കുക.

പുളിവെള്ളം പതിയെ തിളച്ചു വരുമ്പോൾ അതിലേക്ക് മിക്സിയിൽ പൊടിച്ചുവെച്ചിരിക്കുന്ന_ ഇഞ്ചി മസാലക്കൂട്ടുകൾ ഇട്ട് നന്നായി ഇളക്കി യോജിപ്പിക്കുക.

പിന്നീട്  കൂട്ട് കുറുകി വരുമ്പോൾ 4 ടേബിൾ സ്പൂൺ ശർക്കര ചിരകിവെച്ചിരിക്കുന്നതും ചേർത്ത് നന്നായി ഇളക്കി യോജിപ്പിച്ച് ആവശ്യത്തിന് കറി പാകമാകുമ്പോൾ വാങ്ങി വെയ്ക്കാം.

( പ്രത്യേകം ശ്രദ്ധിക്കേണ്ടത്. ഇഞ്ചിക്കറിയുടെ പുളി അൽപ്പം മുന്നിൽ നിൽക്കുന്ന വിധമായിരിക്കണം - അതിൽ ആവശ്യത്തിനുള്ള ശർക്കരയും , ഉപ്പും ചേർക്കേണ്ടത്)

പിന്നീട് , ചൂടാറിയതിന് ശേഷം എല്ലാം 

ചേർന്ന് ശരിയായ രുചിക്കൂട്ടിലേക്കെത്തുവാൻ ഒരു ദിവസം സമയം നൽകി അടച്ചു വെച്ച ശേഷം ഇഞ്ചിക്കറി ഓണസദ്യക്കായി വിളമ്പാം .

ഇഞ്ചി, തുളസി, ഹെർബൽ ടീ

ശാരീരികക്ഷീണം, കഫക്കെട്ട്, ചെറിയ തൊണ്ടയടപ്പ്, കഫ സംബന്ധമായ ചെറിയ പ്രശ്നങ്ങളുള്ളവർ,തുടങ്ങി എല്ലാവർക്കും വളരെ മികച്ചതും, പെട്ടെന്ന് ഉണ്ടാക്കുവാൻ കഴിയുന്നതും, ശരീരത്തിനും, മനസ്സിനും വളരെയേറെ ഉത്തേജനം നൽകുവാനും കഴിയുന്ന മികച്ച ഒരു പാനീയമാണ് ഇഞ്ചി , തുളസി ഹെർബൽ ടീ .

ആരോഗ്യസംരക്ഷണത്തിന് ഒരു മികച്ച ഹെർബൽ ടി

ഇഞ്ചിയും , തുളസിയും ചേർന്ന് ഈഹെർബൽചായ ആരോഗ്യത്തിന് ഗുണകരമാണെന്ന് മാത്രമല്ല . ഇത് ആയുർവേദത്തിലും , പ്രകൃതി ചികിത്സയിലും വലിയ പ്രാധാന്യവുമുണ്ട്. എന്താണ് ഇതിൻ്റെ മുഖ്യഗുണങ്ങൾ ?

പ്രതിരോധ ശേഷി വർദ്ധിപ്പിക്കുന്നു.

ഇഞ്ചിയിലേയും, തുളസിയിലേയും ആൻറി ഓക്സിഡൻറുകൾ ശരീരത്തിൻ്റെ പ്രതിരോധ ശേഷി വർദ്ധിപ്പിക്കുന്നു. പ്രത്യേകിച്ച് വൈറൽ പനികൾ, അണുബാധ എന്നിവയെല്ലാം ഉണ്ടാകാൻ സാദ്ധ്യതയുള്ള സാഹചര്യങ്ങളിൽ ഈ ഹെർബൽചായ വളരെയേറെ ഗുണപ്രദമാണ്.

ശ്വാസകോശ സംബന്ധമായ അസുഖങ്ങൾ

ശ്വാസകോശങ്ങളെ ബാധിക്കുന്ന, ചുമ, നെഞ്ചിലെ കഫക്കെട്ട്, നീർക്കെട്ട് എന്നിവയ്ക്ക്, ഇതിൽ അടങ്ങിയിട്ടുള്ള ഇഞ്ചി സഹായകരമാണ്, ഇതിനോടൊപ്പം ചേർക്കുന്ന തേൻ തൊണ്ടയിൽ ഉണ്ടാകാവുന്നവയാണ്. കഫസംബന്ധമായ അസ്വസ്ഥതകൾക്കും പരിഹാരമാണ്. 

ദഹനപ്രശ്നങ്ങൾക്ക് പരിഹാരം .

ഭക്ഷണത്തിന് ശേഷം ഈ ചായ കുടിക്കുന്നത് ദഹനസംബന്ധമായ പ്രശ്നങ്ങൾക്ക് പരിഹാരമാണ്. അതുപോലെ തന്നെ ചായയിൽ അടങ്ങിയിട്ടുള്ള ഇഞ്ചിയുടെ ഗുണംമൂലം, ഗ്യാസ്, അസിഡിറ്റി ഇതിൻ്റെയെല്ലാം ഫലമായി വയറ്റിലുണ്ടാകുന്ന പല പ്രശ്നങ്ങൾക്കും ഇത് ഏറെ ഫലവത്തായതാണ്.

മാനസിക സമ്മർദ്ദം കുറയ്ക്കുന്നു.

മാനസിക സമ്മർദ്ദമുളവാക്കുന്ന ജോലികളിൽ ഏർപ്പെടുന്നവർക്കും , അല്ലവർക്കും ഇതിൽ അടങ്ങിയിട്ടുള്ള തുളസി ഗുണകരമായ ഫലം നൽകും.കാരണം, തുളസി ഒരു മികച്ച അഡാപ്റ്റോജൻ ആണ്. ഇത് ശരീരത്തിലെ കോർട്ടിസോൾ അളവ് നിയന്ത്രിക്കുന്നതിനും , മാനസിക സമ്മർദ്ദം കുറച്ച് മനസ്സിന് ഉൻമേഷം നൽകുന്നതിനും സഹായിക്കുന്നു.

വിഷാംശം നീക്കം ചെയ്യുന്നു.

ഈ ഹെർബൽചായ ശരീരത്തിൻ്റെ മെറ്റബോളിസം വർദ്ധിപ്പിച്ച് ശരീരത്തിലെ വിഷാംശം പുറന്തള്ളുവാൻ സഹായിക്കുന്നതോടൊപ്പം ചർമ്മത്തിൻറെ ആരോഗ്യ സംരക്ഷണത്തിനും, തിളക്കം നൽകുവാനും, ഉപകാരപ്രദമാണ്.

ഹെർബൽ ടീ എങ്ങിനെ തയ്യാറാക്കാം?

ആവശ്യമുള്ള സാധനങ്ങൾ .

ആരോഗ്യസംരക്ഷണത്തിന് ഒരു മികച്ച ഹെർബൽ ടി

വെള്ളം - രണ്ടു കപ്പ്,    ഇഞ്ചി - ചതച്ചത് ഒരു ചെറിയ കഷണം,  തുളസിയില - 10 - 12 എണ്ണം, തേൻ - ഒരു ജനറൽ.

ശരീരഭാരം കുറക്കാൻ

ശരീരഭാരം കുറക്കാൻ ആഗ്രഹിക്കുന്നവരാണങ്കിൽ മുകളിൽ വിവരിച്ച സാധനങ്ങൾക്കൊപ്പം അൽപ്പം ചെറു നാരങ്ങാനീരു കൂടി ഇതിൽ ചേർക്കാവുന്നതാണ്.

തയ്യാറാക്കുന്ന വിധം

മുകളിൽ വിവരിച്ച പോലെ രണ്ടു കപ്പ് വെള്ളം ഒരു പാത്രത്തിലൊഴിച്ച് അതിൽ ചതച്ച ഇഞ്ചിക്കഷണവും , തുളസിയിലയും ചേർത്ത് അടച്ച് വെച്ച് നന്നായി തിളപ്പിക്കുക. തിളച്ച വെള്ളത്തിൽ നിന്നുള്ള ആവി, അടച്ചു വെച്ചിരിക്കുന്ന പാത്രത്തിൽ തട്ടി കുറച്ച് നിമിഷം അതിൽ നിന്നുള്ള വെള്ളം വീഴുവാൻ അനുവദിക്കുക. പിന്നീട് ഇഞ്ചിയുടെയും, തുളസിയുടെയും സത്ത് കലർന്ന്, അൽപ്പം മഞ്ഞ നിറമായിത്തുടങ്ങിയ വെള്ളത്തിൽ ആവശ്യമെങ്കിൽ മാത്രം ഒരു നുള്ള് തേയില ചേർക്കാം. 

അതിന് ശേഷം ചായ അരിച്ചെടുത്ത് , അൽപ്പ സമയം ചൂടാറാൻ ​​വെച്ചതിന് ശേഷം അതിൽ അൽപ്പം തേനും ആവശ്യമുണ്ടെങ്കിൽ ഒരു നാരങ്ങാ തീരും പിഴിഞ്ഞൊഴിക്കുക. മികച്ച ഒരു ഹെർബൽ ടീ റെഡി.

കഫസംബന്ധമായ അസുഖങ്ങളുള്ളവരും, ശരീരഭാരം കുറയ്ക്കാൻ ആഗ്രഹിക്കുന്നവരുമെല്ലാം രാവിലെ എഴുന്നേറ്റ ഉടൻ ഒരു ഗ്ലാസ് വെള്ളം കുടിച്ച ശേഷം വെറും വയറ്റിൽ ബെഡ് കോഫിക്ക് പകരമായി ഈ ഹെർബൽ ടീ അരഗ്ലാസ് കുടിക്കുന്നത് ഗുണം ചെയ്യും. ശരീരഭാരം കുറയ്ക്കാൻ ആഗ്രഹിക്കുന്നവർ ഈ ചായയിലെ തേൻ ഒഴിവാക്കുകയോ പരിമിതപ്പെടുത്തുകയോ ചെയ്യുന്നത് നന്നായിരിക്കും.

എന്നാൽ ഈ ഹെർബൽ ടീ കുടിക്കുന്നതുകൊണ്ടു മാത്രം ശരീരഭാരം കുറയില്ല. കാരണം, ഈ പാനീയം വിശപ്പ് അകറ്റുവാനും, ഇതിൽ അടങ്ങിയിട്ടുള്ള നാരങ്ങാ നീർ കൊഴുപ്പ് അകറ്റുവാനും സഹായിക്കുമെങ്കിലും ശരിയായ ഭക്ഷണ നിയന്ത്രണവും , വ്യായാമവും കൂടി ആവശ്യമാണ്.