പ്രായം കൂടുന്തോറും കഴിക്കേണ്ട ഭക്ഷണങ്ങൾ ? നമ്മുടെ പ്രായം കൂടുന്തോറും ശരീരത്തിന്റെ ദഹനശേഷിയും മെറ്റബോളിസവുമെല്ലാം (Metabolism) പതുക്കെ കുറയാൻ തുടങ്ങും. ചെറുപ്പകാലത്ത് കഴിച്ചിരുന്ന അതേ ആഹാരം തന്നെ പ്രായമാകുമ്പോഴും തുടർന്നാൽ അത് അമിതവണ്ണത്തിനും മറ്റ് ആരോഗ്യപ്രശ്നങ്ങൾക്കും കാരണമാകും. അതിനാൽ പ്രായമാകുമ്പോൾ കലോറി കൂടിയ ഭക്ഷണങ്ങൾക്ക് പകരം പോഷകസമൃദ്ധവും ദഹിക്കാൻ എളുപ്പമുള്ളതുമായ ആഹാരങ്ങളാണ് കൂടുതൽ കഴിക്കേണ്ടത്. 40 വയസ്സ് കഴിഞ്ഞ സ്ത്രീകൾക്കും പുരുഷന്മാരും ഡയറ്റിൽ എന്തൊക്കെ മാറ്റങ്ങളാണ് വരുത്തേണ്ടത് ? 1. പ്രോട്ടീൻ അടങ്ങിയ ഭക്ഷണങ്ങൾ (Protein-Rich Foods) എന്തുകൊണ്ട് അത്യാവശ്യമാണ്? പ്രായമാകുമ്പോൾ ശരീരത്തിലെ പേശികളുടെ ബലം കുറയുന്ന അവസ്ഥ (Sarcopenia) സ്വാഭാവികമാണ്. ഇത് തടയാൻ പ്രോട്ടീൻ ഏറെ സഹായിക്കും. ഉറവിടങ്ങൾ: ചെറുപയർ, കടല, പരിപ്പുവർഗ്ഗങ്ങൾ, മുട്ടയുടെ വെള്ള, മീൻ, തൊലി നീക്കം ചെയ്ത കോഴിയിറച്ചി, പാൽ ഉൽപ്പന്നങ്ങൾ എന്നിവ ദിവസേന ഭക്ഷണത്തിൽ ഉൾപ്പെടുത്തുക. Diet After 40 for Men and Women, 2. നാരുകൾ അടങ്ങിയ പച്ചക്കറികളും ഇലക്കറികളും (Fiber-Rich Veggies & Greens) ദഹനവ്യവസ്ഥയുടെ വേഗത കുറയുന്നതി...
മട്ടാഞ്ചേരി ഡച്ച് കൊട്ടാരം.
 |
| ഡച്ച് കൊട്ടാരം |
മട്ടാഞ്ചേരിയിലെ ഡച്ച് കൊട്ടാരം അന്വേഷിച്ച് അതിനുമുൻപിൽ എത്തുന്നവർ ആദ്യമൊന്ന് അമ്പരക്കും, കാരണം, പഴയ ആ പ്രവേശനകവാടത്തിൽ കൊട്ടാരമെന്ന വാക്കിന് പകരം എഴുതിവെച്ചിരിക്കുന്നത്, അതിനുള്ളിൽ സ്ഥിതിചെയ്യുന്ന ക്ഷേത്രത്തിൻ്റെ ഒരു പേരാണ്.
അതുകണ്ടപ്പോഴാണ് ഡച്ചുകാർ ഇവിടെ, കൊട്ടാരങ്ങളും, കോട്ടകളും കൂടാതെ ക്ഷേത്രങ്ങളും പണികഴിപ്പിച്ചിരുന്നോ എന്ന് ആശങ്കപ്പെട്ടത്.
കവാടം കടന്ന് അകത്തേയ്ക്കുവരുമ്പോൾ വിശാലമായ മൈതാനത്തെ പുൽത്തകിടിക്കുമപ്പുറത്ത് ഗതകാല സ്മരണകൾ അയവിറക്കി പ്രൗഢിയോടെ തലയുയർത്തി നിൽക്കുന്ന മനോഹരമായ കൊട്ടാരം കാണാം.
കൊട്ടാരത്തിന് ഇടതുഭാഗത്തും, കൊട്ടാരത്തിന് നടുവിലുമായി രണ്ടു ക്ഷേത്രങ്ങളാണ് അവിടെയുള്ളത്.
ഡച്ച് കൊട്ടാരം ചരിത്രം
കോഴിക്കോട്ട് പോർച്ചുഗീസുകാരുടെ കച്ചവട താത്പര്യങ്ങളോട്, ഇടഞ്ഞുനിന്ന സാമൂതിരിയോട് തത്ക്കാലം വിലപേശൽ സാദ്ധ്യമല്ലെന്ന് മനസ്സിലാക്കിയ പോർച്ചുഗീസുകാർ, പിന്നീട് അദ്ദേഹവുമായി അകൽച്ചയിലാവുകയും കൊച്ചിരാജാവുമായി ചില ധാരണകൾ ഉണ്ടാക്കാമെന്ന് തീരുമാനിക്കുകയും ചെയ്തു, ,.
അതിൽ തൃപ്‌തനായ കൊച്ചി രാജാവ്, ഇത് സാമൂതിരിക്കെതിരെയുള്ള ഒരു നല്ല അവസരമായി കണ്ട്, പോർച്ചുഗീസുകാരെ ക്ഷണിച്ച്, കൊച്ചിയുമായി വ്യാപാരബന്ധങ്ങളിൽ ഏർപ്പെട്ടു.
അങ്ങിനെ, പോർച്ചുഗീസുകാർ , ഇവിടെയെത്തിച്ചേർന്നതിനുശേഷം, വ്യാപാരബന്ധങ്ങളുടെ പേരിൽ, നിരവധി പാണ്ടികശാലകളും, സൈനികത്താവളങ്ങളും , കോട്ടകളും, പുതിയസഞ്ചാരപഥങ്ങളും തുറന്നു.
 |
| ഡച്ച് കൊട്ടാരം |
എന്നാൽ, ഒരുനാൾ ഇവിടെയുണ്ടായിരുന്ന ഒരുക്ഷേത്രം അവിചാരിതമായി കൊള്ളയടിയ്ക്കപ്പെട്ടതിനെ തുടർന്ന്. , അതിൽ തീർത്തും ദുഃഖിതനായ കൊച്ചി രാജാവിനെ ആശ്വസിപ്പിക്കുവാനും, പ്രീതി പിടിച്ചുപറ്റുന്നതിനുമായി, 1537 ൽ പോർച്ചുഗീസുകാർ വലിയ ഒരുകൊട്ടാരവും, അതിനോട് ചേർന്ന് ഒരുക്ഷേത്രവും പണികഴിപ്പിച്ച് അന്നത്തെ രാജാവായിരുന്ന വീരകേരള വർമ്മക്കുനൽകി.
എന്നാൽ, ഇതിനിടയിൽ പോർച്ചുഗീസ് അധികാരങ്ങൾക്കിടയിൽ കേരളത്തിൽ സ്ഥാനമുറപ്പിച്ച ഡച്ചുകാർ, പോർച്ചുഗീസുകാരുമായുണ്ടാക്കിയ ചില ഉടമ്പടികൾ പ്രകാരം കൊച്ചിയെ ഡച്ച് അധീനതയിലാക്കി.
തുടർന്ന്, കൊച്ചിരാജാവിനെ പ്രസാദിപ്പിക്കുവാൻ 1663 ൽ ഡച്ചുകാർ നിലവിലുള്ള കൊട്ടാരം കുറച്ചുകൂടെ ആഡംബര പൂർണ്ണമായി പുതുക്കിപ്പണിത് കൊച്ചിരാജാവിന് സമർപ്പിച്ചു.
പിന്നീട് രാജഭരണം തുടർന്നുവന്ന കാലത്തോളം, രാജഭരണത്തിൻറെ മുഖ്യ അധികാരകേന്ദ്രവും, പ്രധാന ചടങ്ങുകളെല്ലാം നടത്തിയിരുന്നതും ഇവിടെ വെച്ചായിരുന്നു.
പ്രാധാന്യം
സത്യത്തിൽ വെറുമൊരു സമയം കൊല്ലുവാനുള്ള ഒരു ടൂറിസം, രസക്കാഴ്ചക്കപ്പുറം, ചരിത്ര വിദ്യാർത്ഥികൾക്കും, അതിലുപരി, ആർക്കിടെക്റ്റ്, അല്ലങ്കിൽ വാസ്തുശാസ്ത്രവുമായി ബന്ധപ്പെട്ട വിദ്യാർത്ഥികൾക്കും,ഗവേഷകർക്കുമെല്ലാം ഈ കൊട്ടാരം വലിയൊരു അനുഭവം തന്നെയാകും.
കൊളോണിയൽ ഭരണകാലത്ത് നിർമ്മിച്ചതാണങ്കിലും, പൂർണ്ണമായും കേരളീയ വാസ്തുവിദ്യ ഇതിൽ മനോഹരമായി ഉപയോഗിച്ചിരിക്കുന്നതുകാണാം.
നാലുകെട്ടും, വിശാലമായ ഇടനാഴികളും,മനോഹരമായ ബാൽക്കണികളും, എല്ലാംആരെയുംവിസ്മയിപ്പിക്കും,
പ്രത്യേകിച്ച്,പ്രകാശവും,കാറ്റും,വായുസഞ്ചാരവുമൊക്കെ യഥേഷ്ടം ഉറപ്പാക്കുന്ന ആ നിർമ്മാണ വൈദഗ്ദ്ധ്യം.
കൊട്ടാരത്തിനുള്ളിൽ പല സഥലങ്ങളിലും മനോഹരമായ ചുവർച്ചിത്രങ്ങൾ.
രാജഭരണകാലത്ത് ഉപയോഗിച്ചിരുന്ന തലപ്പാവുകൾ, വാളുകൾ, കിരീടങ്ങൾ, പഴയ പ്രതാപകാലത്തെ ഓർമ്മിപ്പിക്കുന്ന രാജാക്കൻമാരുടെ എണ്ണഛായാചിത്രങ്ങൾ, ചുവർച്ചിത്രങ്ങൾ. എന്നിവയെല്ലാം രസകരമായ കാഴ്ചകളാണ്.
 |
| ഡച്ച് കൊട്ടാരം |
കൊട്ടാരത്തിന് താഴെയാണ് ദേവീക്ഷേത്രം..
തീർച്ചയായും കൊച്ചി സന്ദർശിക്കുന്നവർ മട്ടാഞ്ചേരി പാലസും ജ്യൂസ് സ്ട്രീറ്റും കാണാതെ പോകുന്നത് കൊച്ചിയെ തിരിച്ചറിയാതെ പോകുന്നതിന് സമമാണ്.
അഭിപ്രായങ്ങള്‍