മത്സ്യത്തോടൊപ്പം തൈര് കഴിക്കാമോ? കേരളത്തിലെ ഭക്ഷണപ്രിയരുടെ ഇടയിൽ എപ്പോഴെങ്കിലും ഉയര്‍ന്നുവരുന്ന ഒരു പ്രധാന സംശയമാണ് "മീനും തൈരും (അല്ലെങ്കിൽ പാലും) ഒരുമിച്ച് കഴിക്കാമോ?" എന്നത്. പരമ്പരാഗതമായി നമ്മുടെ നാടുകളിൽ മീൻ കറിയും മോരും ഒരേ ഉച്ചഭക്ഷണത്തോടൊപ്പം വിളമ്പാറുണ്ട്. എന്നാൽ ഇത് ആരോഗ്യത്തിന് ഹാനികരമാണെന്ന് ആയുർവേദവും ചില ആരോഗ്യവിദഗ്ധരും മുന്നറിയിപ്പ് നൽകാറുണ്ട്. ഇതിൻറെ സത്യാവസ്ഥ എന്താണ്? ആയുർവേദവും ആധുനിക സയൻസും ഇതിനെക്കുറിച്ച് എന്ത് പറയുന്നു എന്ന് നമുക്ക് വിശദമായി പരിശോധിക്കാം. 1. ആയുർവേദ കാഴ്ചപ്പാട് (Ayurvedic Perspective) മത്സ്യവും തൈരും ഒരുമിച്ച് കഴിക്കുന്നത് ആയുർവേദപ്രകാരം 'വിരുദ്ധാഹാരം' അഥവാ ചേർച്ചയില്ലാത്ത ഭക്ഷണങ്ങളുടെ വിഭാഗത്തിലാണ് ഉൾപ്പെടുത്തിയിരിക്കുന്നത്. ഇതിൻറെ ശാസ്ത്രീയവും ആയുർവേദപരവുമായ വശങ്ങൾ, താഴെ പറയുന്നവയാണ്.ആയുർവേദപ്രകാരം, എല്ലാ ഭക്ഷണങ്ങൾക്കും, അതിൻറേതായ പ്രത്യേക വീര്യവും (Energy/Potency) ദഹന ശേഷമുള്ള ഗുണവുമുണ്ട് മത്സ്യം ശരീരത്തിൽ ഉഷ്ണവീര്യമുള്ളതും (Heating property), തൈര് ശീതവീര്യമുള്ളതുമാണ് (Cooling property). തീർത്തും എതിരായ ഈ രണ്...
 |
Interlock Brick House |
അങ്ങിനെ മേൽക്കൂര വാർക്കവരെ കഴിഞ്ഞ് വീടുപണിയുടെ മുഖ്യഘട്ടം കഴിഞ്ഞെന്നാശ്വസിച്ചിരിക്കുമ്പോഴാണ്....ഭാര്യ കയറിവന്നത്...!
- ഉദ്ദേശിച്ചതിലും വളരെയേറെ കുറഞ്ഞതിൻറേയും വീടിൻറെ ഒരുവലിയ ഘട്ടം കഴിഞ്ഞതിൻറേയും സന്തോഷം ആ മുഖത്ത് പ്രകടമായിരുന്നു.
" അതേയ്...ഞാനൊരുകാര്യം പറയട്ടെ...!"
- ഞാൻ അത് എന്താണെന്ന് അർത്ഥത്തിൽ തലയുയർത്തി...-
" ഏതായാലും നമ്മൾ ഉദ്ദേശിച്ചതിലും ചിലവ് വളരെ കുറഞ്ഞ സ്ഥിതിക്ക്...നമുക്ക് ഈ വീടിൻ്റെ ഉൾഭാഗം മാത്രം മുഴുവനായങ്ങ് പ്ളാസ്റ്റർ ചെയ്താലോ...?....അല്ല ഞാൻ പറഞ്ഞെന്നേയൊള്ളൂ... അപ്പുറത്തെ പത്ഭനാഭൻ ചേട്ടനും... മീനാക്ഷി ചേച്ചിയൊക്കെ പ്പറഞ്ഞു... പ്ളാസ്റ്റർ ചെയ്താൽ നല്ലഫിനിഷും കിട്ടും...നല്ല വെളിച്ചവുമുണ്ടാകൂത്രേ....! "
" അതുശരി...ഇപ്പോൾ കാശ് ചിലവായത് കുറഞ്ഞുപോയതാണോ പ്രശ്നം...?" -ഞാൻ ചോദിച്ചു... -
" അങ്ങിനെയല്ല... വീട് ഒരുപ്രാവശ്യമല്ലേ പണിയുകയൊള്ളൂ...അപ്പോപ്പിന്നെ കുറച്ചു ഫിനിഷായിക്കോട്ടെ... --"
-ഞാൻപൊട്ടിച്ചിരിച്ചു -
" എടീപെണ്ണേ....പത്ത് ലക്ഷത്തിൻ്റെ ഒരു ചിട്ടി കിട്ടീതിൻ്റേം...നിൻറെ കുറച്ച് സ്വർണ്ണോം ...പിന്നെ ബാങ്കിൽ കിടന്ന സർവ്വ സമ്പാദ്യവുമെടുത്തുള്ള.. ഒരു കളിയാ... ഇതുകഴിയുമ്പോ ചിറ്റീടെ മാസം ഏഴായിരത്തി അഞ്ഞൂറ് രൂപ അടവ്... സ്വർണ്ണത്തിൻ്റെ പലിശ, പിന്നെ മുതൽ,...വീട്ടുചിലവ്... മരുന്ന്...മന്ത്രം...എല്ലാം കൂടി അടിപൊളി തമാശയായിരിക്കും..."
" പിന്നെ അതൊക്കെ നടക്കും....ഇത്രോം വരെ എത്തീത് നമ്മളാരെങ്കിലും നിശ്ചയിച്ചുറപ്പിച്ചിട്ടാണോ... " - അവൾ സ്ഥിരം ചോദ്യം പിന്നെയുമാവർത്തിച്ചു..
" എന്തായാലും..കൈയിൽ കാശില്ലങ്കിൽ , സാക്ഷാൽ ദൈവം തമ്പുരാൻ പോലും... തിരിഞ്ഞു നോക്കില്ലന്നേ പറഞ്ഞൊള്ളൂ..."
-" ഒന്നു പോ അവിടുന്നു...തർക്കുത്തരം പറയാണ്ട്..."
- അവൾ മുഖം വക്രിപ്പിച്ച് എഴുന്നേറ്റ് പോയി -
-ഞാൻ ചുറ്റും കണ്ണോടിച്ചു... ഉൾഭാഗം മുഴുവൻ വേണമെങ്കിൽ പ്ലാസ്റ്റ് ചെയ്ത് പെയ്ൻ്റ് ചെയ്തേക്കാം... ഇനിഭാര്യയുടെ അഭിപ്രായം അറിയിക്കേണ്ട... പക്ഷെ വീടു പണിയുമ്പോഴുള്ള ലക്ഷ്യം എന്തായിരുന്നോ ...അത് പാടെ ഇല്ലാതെയാക്കപ്പെടും...എന്നുവെച്ചാൽ ചിലവുംകൂടും അതോടൊപ്പം ചൂടും കൂടും..!
എന്തുമാകട്ടെയെന്നുകരുതി മേസ്തിരിയെ വിളിച്ചു
" മാഷേ ഇത് ഇൻറർ ലോക്ക് ഇഷ്ടികയായതിനാൽ...കരാർ ജോലി ചെയ്താൽ ശരിയാകില്ല....കാരണം പുറം സൈഡൊക്കെ പലസ്ഥലത്തും ഷേപ്പ് ചെയ്ത് പിടിപ്പിക്കണ്ടതുണ്ട്.... അത് ഒരുപാട് സമയമെടുക്കും..അതുകൂടാതെ ഫിനിഷും. വേണം... മാഷ് കുറച്ചുകൂടെ സിമൻറും മണലും അടിച്ചു വെച്ച് വയറിംഗ് കാരുടേം, പ്ലംബർമാരുടേം വെട്ടിപ്പൊളിക്കലെല്ലാം കഴിഞ്ഞ് വിളിക്ക്... "
- അത്പറഞ്ഞ് മേസ്തിരി ഫോൺ കട്ടുചെയ്തു -
- അപ്പോൾ അതിലൊരു തീരുമാനമായി...ഇനിവീണ്ടും സിമൻ്റ് , മണൽ എന്നിവയുടെ കണക്കുകളിലേക്ക് പോകണം...വയറിംഗ് പ്ലംബിംഗ് വർക്കുകൾ തകൃതിയായി നടക്കുന്നു. ലിൻറിൽ വാർക്കക്കും മുൻപേ അത്യാവശ്യം വേണ്ടുന്ന പൈപ്പുകളൊക്കെനേരത്തേ സ്ഥാപിച്ചതിനാൽ ഭിത്തി വെട്ടിപ്പൊളിക്കലെല്ലാം വയറിംഗിന് വേണ്ടി കുറച്ചുമാത്രമേ വേണ്ടി വന്നൊള്ളൂ. ഇൻറർലോക് ഇഷ്ടികയായതിനാൽ മുഴുവൻ പണികളും ഡ്രില്ലും,കട്ടറുകളും ഉപയോഗിച്ച് ശ്രദ്ധയോടെ തന്നെയാണവർ ചെയ്തുകൊണ്ടിരുന്നത്.
" ചേട്ടാ...ഇൻവർട്ടർ ലൈൻ ഇട്ടിട്ടുണ്ട് അത് എവിടെ വെക്കണം...?"
സത്യത്തിൽ ഇൻവെർട്ടർ എന്ന ഒരുചിന്ത പോലും അതുവരെ എൻറെ മനസ്സിൽ ഉണ്ടായില്ല...!
" എൻറെ ചേട്ടാ ഇൻവർട്ടർ വാങ്ങിയാലും, ഇല്ലങ്കിലും അതിനുള്ള ലൈനെല്ലാം നേരത്തെ ഇട്ടുവെക്കണം...കൺസീൽഡ് വയറിങ്ങല്ലേ.. പിന്നീട് ആലോചിച്ചാൽ ബുദ്ധിമുട്ടാകും... അല്ലങ്കിൽ തന്നെ. ഒരുകാറ്റുവന്നാൽ കരണ്ടുപോകുന്ന ഈ നാട്ടിൽ അതിനു മാത്രമായി പിശുക്കുപിടിക്കുന്നതെന്തിന്..?" ഇലക്ട്രീഷ്യൻ്റെ ചോദ്യം ശരിയാണന്ന് എനിക്കും തോന്നി... ബജറ്റുകൾ പതിയെ ഞാൻ പോലുമറിയാതെ നീണ്ടുതുടങ്ങി..!
അവൻ തുടർന്നു.. " എല്ലാം കൂടി ഒരുമിച്ച് ചോദിച്ച് ബുദ്ധിമുട്ടിക്കണ്ടല്ലോ എന്നുകരുതിയാ.ഇന്നലെ മിണ്ടാതിരുന്നേ.. , അതേയ്..പ്ലംബിംഗിന് ബാത്ത് റൂമിലേക്കും ,അടുക്കളയിലേക്കുമെല്ലാം ചൂടുവെള്ളത്തിനുവേണ്ട പൈപ്പിടേണ്ടേ...? "
അതും ന്യായമായ ചോദ്യം. - എനിക്കാണേൽ അൽപ്പം ഇസ്നോഫീലിയേടെ അസുഖമുള്ളതാ...തണുപ്പ് കൂടുതലായാൽ പ്രശ്നം തന്നെ...!
കൊള്ളാം... ആ സമയത്ത് ചൂടുവെള്ളത്തിലൊരുകുളി... ഭേഷായിരിക്കും... പക്ഷെ ഇന്നത്തെ നിലയിൽ വെള്ളം ചൂടാക്കി കുളിച്ചു വരുമ്പോൾ കറണ്ട് ചാർജ് ഇനത്തിലും കുറേ പൈസ കണ്ടത്തണം...! തത്കാല പ്രാരാബ്ദത്തിനിടയിൽ ഏതായാലും കുറച്ചുകൂടെ കഴിഞ്ഞൊക്കെ അത്തരം ആർഭാടങ്ങളെക്കുറിച്ചൊക്കെ ചിന്തിക്കാം എന്ന് ഓർത്ത് നിൽക്കുമ്പോൾ ഇലക്ട്രീഷ്യൻ പയ്യൻ പറഞ്ഞു. " ചേട്ടനെന്താണ് ആലോചിക്കുന്നതെന്ന് എനിക്ക് മനസ്സിലായി.... കറണ്ട് ചാർജിൻറെ പ്രശ്നമല്ലേ...?
- ഇവൻ വല്ല അത്ഭുത സിദ്ധിയോ... മന്ത്ര വിദ്രിയോ പരിചയമുണ്ടോയെന്ന് ഓർത്ത് നിൽക്കുമ്പോൾ അവൻ തുടർന്നു.
" ചേട്ടാ ഒരു പ്രശ്നവുമില്ല... നല്ല ഒരു സോളാർ വാട്ടർ ഹീറ്റർ വാങ്ങി വെച്ചാൽ മതി... അതാകുമ്പോ നല്ല ചൂടുവെള്ളം എപ്പോഴും അടുക്കളയിലും ലഭിക്കും. വളരെയേറെ കുറക്കാനുമാകും... എങ്ങിനെ നോക്കിയാലും ആദ്യം കുറച്ചു പണം മുടക്കേണ്ടി വന്നാലും... ഇത് ഒരു ലാഭം തന്നെ.."!.
- അവൻ പറയുന്നതൊക്കെ കാര്യമായ കാര്യങ്ങൾ തന്നെ പക്ഷെ...!
" ചേട്ടാ വീടുപണിയുമ്പോൾ ആദ്യം എല്ലാവരും ഇങ്ങിനെയൊക്കെത്തന്നെ...എല്ലാ സൗകര്യങ്ങളുമുണ്ടാകണം... പക്ഷേ കാശ് ചിലവാക്കാൻ പാടില്ല..." - അവൻ പൊട്ടിച്ചിരിച്ചു -
- ഞാൻ. അവനോട് അത്യാവശ്യം വേണ്ട ലൈറ്റ് പോയൻറുകൾ മാത്രമാണ് ചെയ്യാൻ പറഞ്ഞിരുന്നതെങ്കിലും...ചെയ്തു വന്നപ്പോൾ...സോളാർ വാട്ടർ ഹീറ്റർ വരെയായി. അപ്പോഴാണ് എനിക്ക് വീടുനിർമ്മാണത്തിന് സ്‌ക്വയർ ഫീറ്റ് തുക അന്വേഷിക്കുന്നവരുടെ ഔചിത്യമില്ലായ്മ മനസ്സിലായത്...! കാരണം നമ്മുടെ താത്പര്യങ്ങളും, ഉപയോഗിക്കുന്ന വസ്തുക്കളുടെ ഗുണനിലവാരവുമാണ് ഒരു വീടിൻ്റെ വില നിശ്ചയിക്കുന്നത്...ഇലക്ട്രിക്ക് വർക്കിന് ഉപയോഗിക്കുന്ന കേബിൾ മുതൽ വാതിലിൽ പിടിക്കുന്ന സ്‌ക്രൂ വരെ അതിൻ്റെ പരിധിയിൽ വരും...!
ഏതായാലും വീടുപണിയുടെ വേഗത കൂടുന്നതിനനുസരിച്ച്...എൻ്റെ നെഞ്ചിടിപ്പിൻറെ വേഗവും..കൂടിക്കൊണ്ടേ യിരുന്നു എന്നതാകും ശരി...!
അഭിപ്രായങ്ങള്‍