കൂവരക് (രാഗി ) ചിരട്ട പുട്ട് പ്രമേഹ രോഗം ഉള്ളവർക്കും, ഇല്ലാത്തവർക്കും, കഴിക്കാവുന്നതും, വളരെയേറെ പോഷകസമ്പുഷ്ടവും അതോടൊപ്പം അൽപ്പം പോലും എണ്ണമയവുമില്ലാത്തതുമായ ഒരു മികച്ച ഭക്ഷണമാണ് കൂവരക് ചിരട്ട പുട്ട് . പ്രമേഹ രോഗ ഓർഗാനിക്ക് ചിരട്ട പുട്ട് പലപ്പോഴും വിവിധ തരം ജീവിതശൈലീ രോഗങ്ങളാൽ കഷ്ടപ്പെടുന്നവർ, തങ്ങൾ ഏതുതരം ഭക്ഷണങ്ങൾ കഴിക്കണമെന്ന ആശയക്കുഴപ്പങ്ങളിൽപ്പെടാറുണ്ട്. പ്രത്യേകിച്ചും പ്രമേഹരോഗം ബാധിച്ചവർ. അത്തരക്കാർക്ക് തികച്ചും ധൈര്യമായികഴിക്കാവുന്ന ഒന്നാണ് ഈഓർഗാനിക്ചിരട്ടപുട്ട് . കാൽസ്യവും, ഇരുമ്പും ധാരാളമായി ഇതിൽ അടങ്ങിയിട്ടുള്ളതിനാൽ, ഇത് വിളർച്ച തടയുവാനും, പല്ലുകളുടെ ആരോഗ്യത്തിനും , കുട്ടികൾക്ക് നൽകാവുന്നതുമായ ഒരു നല്ല ഭക്ഷണം കൂടിയാണ്. കുട്ടികൾക്കായി തയ്യാറാക്കുമ്പോൾ അവർക്ക് താത്പര്യമുള്ള പച്ചക്കറികളോ മധുരമോ അങ്ങിനെ എന്തെങ്കിലും ആവശ്യമാണെങ്കിൽ അതുകൂടി ഈ പുട്ടിനൊപ്പം ചേർത്ത് വേവിക്കാവുന്നതുമാണ്. പുട്ട് ഉണ്ടാക്കുന്ന വിധം ഇത്, കൂവരക് ഉപയോഗിച്ചുള്ള ഓർഗാനിക്ക് പുട്ട് ആയതിനാൽ, ആദ്യം മാർക്കറ്റിൽ നിന്നും ധാന്യങ്ങളുടെ രൂപത്തിലുള്ള കൂവരക് ലഭ്യമാണെങ്കിൽ അത് ആവശ്യമുള്ളത്രയും രാവിലെ വെള്ളത...
എന്താണ് ലാ നിന?
ഏറ്റവും പുതിയ കാലാവസ്ഥാ പ്രവചനങ്ങൾ നടക്കുമ്പോൾ, ഇപ്പോൾ ലോകം ഒന്നടങ്കം കാതോർക്കുന്ന ഒരു നാമമാണ്!
ഇന്ത്യയുൾപ്പടെയുള്ള രാജ്യങ്ങളിൽ ലാ നിന സാന്നിദ്ധ്യം മൂലം കനത്ത തണുപ്പും മിന്നൽ പ്രളയവുമെല്ലാമാകും ഫലമെന്ന് പ്രവചിക്കപ്പെടുമ്പോൾ മറ്റുചില രാജ്യങ്ങളിൽ കനത്ത ചൂടും വരൾച്ചയുമാകും ലാ നിന പ്രതിഭാസത്തിൽ സംഭവിക്കുന്നത് ശാസ്ത്രലോകം അഭിപ്രായപ്പെടുന്നു.
 |
| ലോകം ഭയക്കുന്നു നിന കാലാവസ്ഥാ വ്യതിയാനത്തെ |
എന്താണ് ലാ നിന പ്രതിഭാസം?
ശാന്തസമുദ്രത്തിൽ ഭൂമദ്ധ്യരേഖയോട് ചേർന്നുള്ള കിഴക്കൻ മദ്ധ്യഭാഗങ്ങളിലെ സമുദ്രോപരിതലത്തിലെ താപനില സാധാരണ രീതിയിൽ നിന്നും താഴുന്ന ഒരു പ്രകൃതി പ്രതിഭാസമാണ് ലാ നിന .
ഇതിന് മുൻപ് സമുദ്രോപരിതലം കൂടുതൽ ചൂടുപിടിക്കുമ്പോൾ , എൽ നിനോ എന്ന് വിളിക്കപ്പെട്ടിരുന്ന പ്രതിഭാസത്തിന് നേർ വിപരീതമാണ് ലാ നിന .
ഇത്തരം മാറ്റങ്ങൾ സംഭവിക്കുന്നത്, സമുദ്രോപരിതലത്തിൽ ആണെങ്കിലുംഇത്, ആഗോള അന്തരീക്ഷത്തിൻ്റെ ഗതിവിഗതികളേയും, കാറ്റിനേയും, കാലാവസ്ഥയേയും നിയന്ത്രിക്കുവാൻ തക്ക ശേഷിയുള്ളവയാണ്.
അതുകൊണ്ട് തന്നെ, വരാനിരിക്കുന്ന നാളുകളിൽ ലാ നിന പ്രതിഭാസം ശക്തമായാൽ ഇത് ലോകത്തിൻ്റെ പല ഭാഗങ്ങളിലും വലിയ രീതിയിലുള്ള കാലാവസ്ഥാ മാറ്റങ്ങൾക്ക് കാരണമാവുകയും ചെയ്യും!
സാധാരണഗതിയിൽ 9 മുതൽ 12 വരെയുള്ള മാസങ്ങളിൽ ( അതായത് , മുതൽ ഓഗസ്റ്റ് വരെയുള്ള മാസങ്ങളിൽ ഇതിൻ്റെ ലക്ഷണങ്ങൾ കണ്ടുതുടങ്ങുമെങ്കിലും, നവംബർ മുതലുള്ള മാസങ്ങളിലാകും രാജ്യത്ത് ഇതിൻ്റെ രൂക്ഷത അനുഭവപ്പെടുക. !
പിന്നീട് മാർച്ച്, മെയ് മാസങ്ങൾ ആകുന്നതോടെ ഇത് ഒരു പക്ഷേ ദുർബലമായി ക്രമേണ ഇല്ലാതാവുകയും ചെയ്യാം!
എങ്കിലും ചിലപ്പോൾ ഭൗർഭാഗ്യകരമെന്നു പറയട്ടെ, ഒരുപക്ഷേ ഈ വ്യതിയാനത്തിൻ്റെ കാലയളവ് മൂന്നുവർഷം വരെ നീണ്ടുപോയേക്കാമെന്നും ഗവേഷകർ ചൂണ്ടിക്കാട്ടുന്നു.
ഇത് ഇന്ത്യ പോലുള്ള രാജ്യങ്ങളിൽ ,പ്രത്യേകിച്ച് ഉത്തരേന്ത്യൻ സംസ്ഥാനങ്ങളിൽ കനത്ത ശൈത്യവും (തണുത്ത തരംഗങ്ങൾ) സാധാരണ കുറഞ്ഞ താപനിലയും, സൃഷ്ടിക്കപ്പെടുന്നതോടൊപ്പം, ബംഗാൾ ഉൾക്കടലിൽ രൂപപ്പെട്ടേക്കാവുന്ന ന്യൂനമർദ്ദത്തെ തുടർന്ന് കനത്ത കാറ്റും മഴയും വെള്ളപ്പൊക്കവുമെല്ലാം രൂപപ്പെടാനുള്ള സാദ്ധ്യതകളും ഏറെയാണ്.
 |
| ലോകം ഭയക്കുന്നു നിന കാലാവസ്ഥാ വ്യതിയാനത്തെ |
എന്നാൽ ലോക കാലാവസ്ഥാ സംഘടനയുടെയും, ഇന്ത്യൻ കാലാവസ്ഥ വകുപ്പിൻ്റെയും നിഗമനങ്ങൾ പ്രകാരം ലാ നിന പ്രതിഭാസം ഉണ്ടാകാനുള്ള സാധ്യതകൾ 60 ശതമാനമായാണ് കണക്കാക്കിയിരിക്കുന്നത്.
ഭൂമി ഇനി മുപ്പത്തിയഞ്ചുവർഷമോ? - വായിക്കുവാൻ ഇവിടെ ക്ലിക്ക്ചെയ്യുക.
അങ്ങിനെയെങ്കിൽ സെപ്റ്റംബർ - നവംബർ മാസങ്ങളോടെയാകും ലാ നിനയുടെ പ്രതിഫലനങ്ങൾ ലോക കാലാവസ്ഥയിൽ തന്നെ മാറ്റങ്ങൾ സൃഷ്ടിക്കുവാൻ ആരംഭിക്കുക.!
ഇന്ത്യയെ ബാധിക്കുന്ന ലാ നിന മറ്റ് രാജ്യങ്ങളിൽ എങ്ങിനെയാകും ബാധിക്കുക?
ഇന്തോനേഷ്യ, ഫിലിപ്പീൻസ്, കിഴക്കൻ ഓസ്ട്രേലിയ എന്നിവിടങ്ങളിൽ ഇത് ശക്തമായ മഴയ്ക്കും, വെള്ളപ്പൊക്കങ്ങൾക്കും ഇടയാകാം. കാരണം ശാന്തസമുദ്രത്തിലെ ചൂടുപിടിച്ച ജലം പടിഞ്ഞാറ് ദിശകളിലേക്ക് ഒഴുകാൻ തുടങ്ങുന്നതോടെ ആ മേഖലകളിൽ അന്തരീക്ഷത്തിൽ ഈർപ്പം കൂടുകയും കനത്ത മഴയും വെള്ളപ്പൊക്കത്തിനുമെല്ലാം കാരണമാകും!
എന്നാൽ തെക്കേ അമേരിക്കയിലെ പെറു, ഇക്വഡോർ തുടങ്ങിയ രാജ്യങ്ങളിൽ ഇത് കടുത്ത ചൂടിലേക്കുള്ള യാത്രയാണ്.
കാരണം സമുദ്രോപരിതലത്തിലെ തണുത്ത ജലം ശക്തമായി മുകളിലേക്ക് വരുന്നതിനാൽ അന്തരീക്ഷം കൂടുതൽ വരണ്ടതാകുകയും അത് തീഷ്ണമായ ചൂടുള്ള കാലാവസ്ഥ സൃഷ്ടിക്കുകയും ചെയ്യുന്നു .
എങ്കിലും, വടക്കേ അമേരിക്കയിലും, കാനഡയിലുമെല്ലാം ഇത് കനത്ത മഞ്ഞുവീഴ്ചക്കും, കൊടിയ തണുപ്പിനും കാരണമാകും
കിഴക്കൻ ആഫ്രിക്കൻ നാടുകളായ, കെനിയ, സോമാലിയ, എത്യോപ്യ എന്നിവിടങ്ങളിൽ അതി ശെത്യത്തിനും, ദക്ഷിണാഫ്രിക്കയിൽ കനത്ത മഴയ്ക്കുമുള്ള സാദ്ധ്യതകളുമായാണ് അറിയപ്പെടുന്നത്.!
എന്നാൽ ലാ നിനയുടെ ഏറ്റവും വലിയ പ്രത്യാഘാതങ്ങളിൽ ഒന്ന്, അത് , അത് ലാൻ്റിക്ക് സമൂഹത്തിൽ രൂപപ്പെടുത്താവുന്ന, ചുഴലിക്കാറ്റുകളാണ്.
ശാന്തസമുദ്രത്തിൽ സംഭവിക്കുന്ന മാറ്റങ്ങളുടെ ഫലമായി അത് ലാൻ്റിക്കിൽ രൂപമെടുക്കുന്ന ഈ ചുഴലിക്കാറ്റുകൾ അതിൻ്റെ വേഗത്തിലും, രൂപത്തിലും വലിയ രൂക്ഷതയോടെ, യു . എസ് , കരീബിയൻ ദ്വീപുകൾ , മദ്ധ്യ അമേരിക്കൻ രാജ്യങ്ങൾക്കുമൊക്കെ ഒരുഭീഷണിയായി മാറുവാനുള്ള സാദ്ധ്യതയും ശാസ്ത്ര ലോകം മുൻകൂട്ടി കാണുന്നു.
അതിനാൽ ലാ നിന പ്രതിഭാസമെന്നത് ഒരേ സമയം ലോകത്തിൻ്റെ വിവിധ ഭാഗങ്ങളിൽ, വ്യത്യസ്തമായ രീതിയിലുള്ള കാലാവസ്ഥ മാറ്റങ്ങളാൽ, കഠിനമായ ശൈത്യവും, ചൂടും , മഴയും, കാറ്റും, പ്രളയവുമെല്ലാം വരാനിക്കുന്ന കാലങ്ങളിൽ സൃഷ്ടിച്ചെടുക്കുക, മൂലം, ലോകത്തിൻ്റെ ഭാവി തന്നെ എന്തായിരിക്കുമെന്ന ഒരു വലിയ ഉത്കണ്ഠകളിലേക്കും , ചോദ്യത്തിലേക്കാണ് ശാസ്ത്ര സമൂഹത്തെ ഇപ്പോൾ കൊണ്ടു വന്നെത്തിച്ചിരിക്കുന്നത്!
അഭിപ്രായങ്ങള്