കടലക്കറി പ്രോട്ടീൻ സമ്പുഷ്ടവും , ഫൈബറും ധാരാളമടങ്ങിയ കേരളത്തിൻ്റെ വിശിഷ്ട വിഭവം എന്ന് തന്നെ ഏവരും വിശേഷിപ്പിക്കുന്ന കടലക്കറി എങ്ങിനെ പാചകം ചെയ്യാമെന്നും, കടലക്കറിയുടെ ആരോഗൃഗുണങ്ങളും എന്തെല്ലാമാണന്ന് പരിശോധിക്കാം. കടലക്കറി - പുട്ട്, കടലക്കറി - അപ്പം , കടലക്കറി - ഇഡിയപ്പം , കടലക്കറി - ദോശ - ഇതെല്ലാം തമ്മിലുള്ള കോമ്പിനേഷൻ നമുക്ക് ആരേയും പറഞ്ഞറിയിക്കാൻ കഴിയാത്തതാണ്. എന്തായാലും കടലക്കറി പാചകം ചെയ്യുമ്പോൾ അതിൻ്റെ എരിവ് അൽപ്പം മുന്നിൽ നിൽക്കുന്നതും, അൽപ്പം കുറുക്കി യെടുക്കുന്നതും, ശരിയായ രീതിയിൽ തത് വേവിച്ചെടുക്കുകയും ചെയ്യുമ്പോഴാണ് അത് ഒരു നാടൻ രുചിയോടെ തന്നെ ആസ്വദിക്കുവാൻ കഴിയുക. എന്തായാലും നമുക്ക് അതിൻ്റെ പാചകവിധിയൊന്ന് പരിശോധിക്കാം. ആവശ്യമുള്ള സാധനങ്ങൾ . കടല - 1 കപ്പ് വെള്ളം - 3 കപ്പ് സവാള -2 ഇഞ്ചി, വെളുത്തുള്ളി പേസ്റ്റ് - അര ടീസ്പൂൺ ഗരം മസാല - 1/4 ടീസ്പൂൺ മുളകുപൊടി - 1 ടീസ്പൂൺ തക്കാളി - 2 തയ്യാറാക്കുന്നവിധം Kadala curry Health Benefits തലേന്ന് രാത്രി, കടല നന്നായി കഴുകി വെള്ളത്തിൽ ഇട്ട് വെയ്ക്കുക. പിറ്റേന്ന് രാവിലെ വെള്ളം മുഴുവൻ ഊറ്റിക്കളഞ്ഞ ശേഷം, കടല ഒരു കുക്...
മലപ്പുറം, പരപ്പനങ്ങാടിക്കടുത്ത് ശ്രീ. റഹിമിൻറെ, 2600 സ്ക്വയർഫീറ്റ് വീടാണ് ചിത്രത്തിൽ കാണുന്നത്.
 |
| പഴമയുടെ സൗന്ദര്യവുമായി ഒരു വീട്. |
ഏകദേശം എട്ട് വർഷത്തോളമെടുത്തു ഈ വീടിൻ്റെ പണി പൂർത്തീകരിക്കാൻ.ഹാബിറ്റാറ്റ് കൺസ്ട്രക്ഷൻ്റെ ഹുമയൂൺ കബീർ ആയിരുന്നു ആർക്കിടെക്റ്റ്.
കേരളത്തിൻറെ കാലാവസ്ഥയ്ക്കും, പ്രകൃതിക്കും ചേരുന്ന രീതിയിലും , നന്നായി കാറ്റും, വെളിച്ചവും, കടന്നു വരുന്ന വിധത്തിലും,തീർത്തും ഫൃൂഷൻമാതൃകയിലാണ് ഇത് നിർമ്മിച്ചിരിക്കുന്നത്.
പഴയ ഓടുകളും, ചരിഞ്ഞ മേൽക്കൂരയും, വീടിന് പ്രത്യേകമായ, ഒരു പഴയകാല സൗന്ദര്യം നൽകി. വെളുത്ത നിറം നൽകി ഉയർത്തിക്കെട്ടിയിരിക്കുന്ന ചുവരുകളും, പുറത്തെ കാഴ്ചകളിലേക്ക് കണ്ണുകൾ തുറന്നുവെച്ച്, പിന്നിലും, മുന്നിലുമായി നിർമ്മിച്ചിരിക്കുന്ന വീടിൻറെ കിടപ്പുമുറികളോടുചേർന്നുള്ള രണ്ടു ബാൽക്കണികളും.!
തീർച്ചയായും, പഴയകാല ചില തറവാടുകളുടേയോ, ചില കൊട്ടാരങ്ങളുടേയോ ഭാഗങ്ങൾ അടർത്തിയെടുത്ത് സ്ഥാപിച്ചിരിക്കുന്നതുപോലെയോ ഒക്കെയാണ് ഇതിൻ്റെ ഘടന.
നീളം കൂടിയ സിറ്റൗട്ട് കടന്ന് അകത്തേയ്ക്ക് കയറിയാൽ മനോഹരമായ നടുമുറ്റമാണ്.
 |
| നടുമുറ്റം |
നടുമുറ്റത്തോട് ചേർന്ന് ടു- ഇൻ വൺ മാതൃകയിൽ ലിവിംഗും, ഡൈനിംഗും ചേർന്ന് നിൽക്കുന്നു . പൂർണ്ണമായും ചെങ്കല്ലിൽ നിർമ്മിച്ച ഈ വീടിൻ്റെ ചിലഭാഗങ്ങളിൽ മാത്രം പ്ളാസ്റ്ററിംഗ് ഒഴിവാക്കി ചുവന്ന കല്ലുകളുടെ സ്വാഭാവികമായ മനോഹാരിതയും, നന്നായി ഉപയോഗിച്ചിട്ടുണ്ട്.
ആകെ നാല് ബാത്ത് അറ്റാച്ച്ഡ് ബെഡ് റൂമുകളുള്ള ഈ വീടിൻറെ രണ്ട് ബെഡ് റൂമുകൾ താഴെ നിലയിലാണ് നൽകിയിട്ടുള്ളത്.
ചുവരുകൾ കുറച്ചും,ജനാലകളുടെ എണ്ണം കൂട്ടിയും, ക്രോസ് വെൻ്റിലേഷനുകൾ നൽകിയതിനാലും, അകത്തെ നടുമുറ്റത്ത് നിന്ന് പ്രസരിക്കുന്ന കാറ്റും, വെളിച്ചവും വീടിനുള്ളിൽ മനോഹരമായി സമ്മേളിക്കുന്നു, അതിനാൽ തന്നെ പ്രത്യേകമായ ഒരു സുഖം തന്നെയാണ് ഈ വീടിനകത്ത് ലഭിക്കുന്നത്.!
 |
| അടുക്കളയോട് ചേരുന്ന മനോഹരമായ എക്സ്റ്റൻഷൻ. |
ഈവീടിൻറെ മറ്റൊരു പ്രധാന പ്രത്യേകതയായി ചൂണ്ടിക്കാണിക്കാവുന്നത്, അടുക്കളയോട് ചേർന്ന്, നാലുവശവും തുറസ്സായ അരമതിലുകളോടെയുള്ള ഒരു എക്സ്റ്റൻഷനാണ്. ഡൈനിംഗും, ലിവിംഗുമെല്ലാം ചേർന്ന് നിൽക്കുന്നതാകയാൽ, പ്രത്യേകിച്ച് അൽപ്പം സ്വകാര്യത ഇഷ്ടപ്പെടുന്ന സ്ത്രീകളെ സംബന്ധിച്ചിടത്തോളം ഒത്തുകൂടാൻ കഴിയുന്ന ഒരു ഇടം പോലെ മനോഹരമായാണ് അതിൻറെ രൂപകൽപ്പന.
കൂടാതെ,മരത്തിൽ ചെയ്തിരിക്കുന്ന ഇൻറീരിയർ വർക്കുകളും, ഫർണീച്ചറുകളുമെല്ലാം പരമ്പരാഗത ശൈലിയിലാണ്. അതുപോലെ തന്നെ പ്രത്യേകത തോന്നുന്നവയാണ് ഉയരം കൂടിയ ജനാലകളും. വൈലറ്റും, മഞ്ഞയും, പച്ചയും ഇടകലർന്ന ജനാലച്ചില്ലുകളും.
ഫ്ലോറിംഗിനായി ഉപയോഗിച്ചിരിക്കുന്നത് പ്രകൃതിദത്തമായ ടെറാകോട്ട സ്റ്റോണുകളാണ്.കോൺക്രീറ്റിൻറെ ഉപയോഗം തീരെ കുറച്ചുകൊണ്ട് പൂർണ്ണമായും പ്രകൃതിയോട് ഇഴുകിച്ചേരും വിധത്തിൽ , സ്പേയ്സുകളെ വളരെ മനോഹരമായി ഉപയോഗപ്പെടുത്തുന്നു, പഴയ കാല വീടുകളുടെ നിർമ്മാണ ശൈലിയും, സൗന്ദര്യവും കടമെടുത്ത് നിർമ്മിച്ചിരിക്കുന്ന ഈ വീടുകാണുമ്പോൾ എല്ലാവരുടേയും ചോദ്യം ഒന്നുമാത്രമാണ്. "ഇത് എത്ര വർഷം പഴക്കമുള്ള വീടാണ്...?"
തുടർന്നുവായിക്കാം: ആധുനികകാലത്തെ വീടുനിർമ്മാണത്തിൻറെ വാസ്തുശാസ്ത്രം .
അഭിപ്രായങ്ങള്‍