കുറഞ്ഞ ചിലവിൽ ഒരു വീട്

 

കുറഞ്ഞ ചിലവിൽ എങ്ങിനെ വീട് നിർമ്മിക്കാം? ഒരു അനുഭവ കഥ!

വീട് നിർമ്മാണത്തിന് ഇറങ്ങുമ്പോൾ അനേകായിരം പ്രശ്നങ്ങളും, സങ്കീർണ്ണമായ പ്രതിസന്ധികളുമാകും പലരും അഭിമുഖീകരിക്കേണ്ടി വരിക. പ്രധാനമായും  കൈയ്യിലുള്ള ബജറ്റിന് അനുസൃതമായി വീടുനിർമ്മാണം പൂർത്തീകരിക്കുക എന്നതാണ് മുഖ്യ വെല്ലുവിളി .

ഇവിടെ ഒരു സാധാരണ മനുഷ്യൻ ചെറിയ രീതിയിലുള്ള ഒരു വീട് നിർമ്മാണത്തിന് ഇറങ്ങിയപ്പോഴുള്ള നേരനുഭവങ്ങളുടെ കുറിപ്പുകളാണ് ഈ ലേഖനം . 

ഇത് ഏവർക്കും സംഭവിക്കാവുന്ന ജീവിതാനുഭവമാകും എന്നതുകൊണ്ടും, ലേ ഖനം മുഴുവനായും ഈ ഒരൊറ്റ പേജിൽ പറഞ്ഞു തീർക്കാനാവില്ല എന്നതിനാലും ഇതിൻ്റെ ഓരോ ഘട്ടങ്ങൾ ഓരോ അദ്ധ്യായങ്ങളായി എഴുതുന്നു. 

കുറിപ്പ് തുടരുന്നു....

ജീവിതത്തിൻറെ താളുകൾ വളരെ പതിയെ പുറകിലേക്ക് മറിക്കുമ്പോൾ ... പലപ്പോഴും സ്വയം ആരും അത്ഭുതപ്പെടാറുണ്ട്.!

കാരണം അത്രയേറെ ഇരുണ്ടതും തീർത്തും പ്രതീക്ഷകൾ നഷ്ടപ്പെട്ടതുമായ ഒരു കാലത്തിലൂടെയാകാം നാം പലപ്പോഴും കടന്നുപോന്നിട്ടുള്ളതും,  അനേകം സ്വപ്നങ്ങൾ കണ്ടിരുന്നതും.!

എങ്കിൽ തന്നെയും, ആരോ പറഞ്ഞത് പോലെ ജീവിതം പതിയെ മുന്നോട്ട് നീങ്ങുന്തോറും തീർത്തും അവിചാരിതവും, ആകസ്മികമായുമാണ്, പലതും സംഭവിക്കുന്നത്!

അതിനാൽ തന്നെ, വിവാഹം, മരണം, വീട് നിർമ്മാണം, വാഹനം വാങ്ങൽ ഇതെല്ലാം വളരെ കൃത്യമായി പ്ലാൻ ചെയ്ത ശേഷം നടന്നതായി ആരും പറഞ്ഞു കേട്ടിട്ടുമില്ല. പലപ്പോഴും തീർത്തും അപ്രതീക്ഷിതമായാണ് ഇത്തരം കാര്യങ്ങൾ വന്നുഭവിക്കുന്നതും അതിന് പിറകേ പലപ്പോഴും  സഞ്ചരിക്കേണ്ടതായും വരിക.

വീട് നിർമ്മാണം

ഒരുവീട് വെയ്ക്കാനുള്ള തീരുമാനമെടുത്തിട്ട് കാലം കുറേയായി. നിലവിലുള്ള പഴയവീടിന് ജരാനരകൾ ബാധിച്ചു തുടങ്ങിയിട്ട് കാലങ്ങൾ ഒരുപാട് പിന്നിട്ടിരിക്കുന്നു. 

പഴയ കുമ്മായകെട്ടു കൊണ്ടുള്ള വീടാണ് .  ഇന്ന് അതു കാണുമ്പോൾ പുതുതലമുറ കളിയാക്കി ചിരിക്കും. 

എന്ത് ചെയ്യാൻ? പഴയ കാലത്ത് അത് ആ നാട്ടിലെ ഏറ്റവും തലയെടുപ്പുള്ള ഒരു വീടായിരുന്നു.

എങ്കിലും സാമ്പത്തികസ്ഥിതിയെല്ലാം അൽപ്പം കൂടി മെച്ചപ്പെട്ടിട്ടാകാം പുതിയ വീടുപണിയെന്നൊക്കെ ആലോചിച്ചിരിക്കുമ്പോഴാണ് ഭാര്യയുടെ ഒരു ബന്ധു കൂടിയായ ഒരു ജോത്സ്യൻ വീട്ടിലേയ്ക്ക് കയറി വന്നത്.

"പൊളിച്ച് വേറെ വീടുവെക്കണം.".. വന്നപാടെ അദ്ദേഹം പറഞ്ഞു.

"മനുഷ്യനു വയസ്സാകുംപോലെ തന്നെ വീടിനും പ്രായമുണ്ട്.. ഇനി ഇതിൽക്കിടന്നാൽ എന്തെങ്കിലുമൊരു മേൽ ഗതി ഉണ്ടാവില്ല." 

ആരോ പറഞ്ഞ് പറയിപ്പിച്ചപോലെ, വന്നു കയറിയ പാടെ അദ്ദേഹം പറഞ്ഞു. പിന്നീട് മറ്റുള്ള വിശേഷങ്ങളെല്ലാം പറഞ്ഞ് ബന്ധുവായ ജോത്സ്യൻ പോയെങ്കിലും ആ രാത്രിയിൽ ഞാനും ഭാര്യയും ഉറങ്ങിയില്ല.

കാരണം തലക്കകത്ത് മുഴുവൻ പിന്നീട് ഒരു വീട് എങ്ങിനെ നിർമ്മിക്കുമെന്ന ചിന്തയായിരുന്നു.

 അങ്ങിനെ ഉറക്കം അനുഗ്രഹിക്കാതിരുന്ന ആരാത്രിയുടെ ഏതോ ഒരു മൂർദ്ധന്യത്തിൽ  ഞാനും ഭാര്യയും, പഴയകാല കണക്കുകളുടെ ഓർമ്മ പുസ്തകം പതിയെ പൊടിതട്ടിയെടുത്തു... !

 ഞൊടിയിട കൊണ്ട് ഓർമ്മത്താളുകൾ കൾക്കുള്ളിലൂടെ അനേകം ചരിത്രങ്ങൾ മറിഞ്ഞു പോയെങ്കിലും.

ഒരിടത്തുപോലും തെളിഞ്ഞ ഭാവിയെ സ്പർശിക്കുന്ന യാതൊന്നും തന്നെ അതിൽ കണ്ടെത്താനായില്ല..!

ആകെ കൈയ്യിൽ തടഞ്ഞതാകട്ടെ, നടുവേദനയുടെയും...മുതുക് വേദനയുടെയും, മരുന്നുകളുടെയും, കടബാദ്ധ്യതകളുടെയും മെല്ലാം കുറേ മുഷിഞ്ഞ കണക്കു കൂമ്പാരങ്ങൾ മാത്രം..!  
ഭാരൃ നിരാശ കലർന്ന ഒരു ദീർഘശ്വാസത്തോടെ കട്ടിലിലേക്ക് ചരിഞ്ഞുവീണു. . !

നിശബ്ദനായി തിരിഞ്ഞ് ഞാനും..! 

കാരണം ലോകത്തുള്ള ഏതുഭാരൃമാരെപ്പോലെയും...അവളും ഭർത്താവിനെ കുറ്റപ്പെടുത്താൻ ഒരവസരം പാർത്തിരിക്കുകയായിരുന്നെന്ന് എനിക്കും നന്നായി അറിയാമായിരുന്നു. 

"എല്ലാം എൻറെ വിധി..എന്നും ഈ കൂടാരത്തിൽതന്നെ കഴിഞ്ഞുകൂടി മരിക്കാനാണ് എൻറെ യോഗം." ! -അവൾ പറഞ്ഞുതുടങ്ങി...

- എന്തായാലും വിളിക്കാനിരിക്കുന്ന ചിട്ടിയുടെയും
പുതുതായി ചേരാനിരിക്കുന്ന ചിട്ടിയുടെയും കള്ളക്കണക്കുകളെല്ലാം പറഞ്ഞ് നിരന്തരം കബളിപ്പിച്ചിരുന്ന അവളെ ഇനിയും  വിഡ്ഢിയാക്കാൻ കഴിയില്ലെന്ന് മനസ്സിലാക്കിയ ഞാൻ പറഞ്ഞു.

 "എന്തൊക്കെ സംഭവിച്ചാലും ഒരു ആറുമാസത്തിനുള്ളിൽ നമ്മൾ  പുതിയ ഒരു വീട് പണിതിരിയ്ക്കും.!"

- ഒട്ടും വിശ്വാസമില്ലാതെ ' വീണ്ടും എന്തിനീ  പതിവു നുണകൾ  ആവർത്തിക്കുന്ന ' ഭാവത്തിൽ അവൾ അത്ഭുതത്തോടെ മിഴിച്ചു നോക്കി. 

 പിന്നീട് അതിനെക്കുറിച്ച് അധികമൊന്നും  സംസാരിക്കാൻ നിൽക്കാതെ അവളും തിരിഞ്ഞുകിടന്നു.

ഉറക്കം നഷ്ടപ്പെട്ട ആ രാത്രിയിൽ, ഇനി എന്തെല്ലാം സംഭവിച്ചാലും ഒരു വീടു നിർമ്മിച്ചിട്ടു തന്നെ ബാക്കി കാര്യമെന്നും  ഞാനും ചിന്തിച്ചുറപ്പിച്ചു.

പക്ഷെ തീരുമാനമെ

ടുക്കാൻ എളുപ്പമായിരുന്നെ

ങ്കിലും , പിന്നീടുള്ള ദിവസങ്ങളിൽ മനസ്സ് വല്ലാതെ അസ്വസ്ഥമാകാൻ തുടങ്ങി. 

 മുഖ്യ പ്രശ്നം ഏതു തരം വീട്? എത്ര സ്ക്വയർ ഫീറ്റ് ? , എത്ര മുറി ? സിംഗിളോ, ഡബിളോ ?  ബജറ്റ്, പ്ളാൻ? ഇങ്ങിനെയുള്ള ഓരോ കാര്യങ്ങളിലും യാതൊരു എത്തും പിടിത്തവുമില്ലാതെ എവിടെ തുടങ്ങണമെ

ന്നറിയാതെ മനസ്സ് വല്ലാതെ വിഷമിച്ചു.

എങ്കിൽപ്പോലും, ഇത്ര കാലത്തെ അദ്ധ്വാനവും സമ്പത്തും പാടെ തകർത്ത് ഒരു മേൽക്കൂര കെട്ടി പൊക്കി ശിഷ്ടകാലം വലിയൊരു കടബാദ്ധ്യതയും ചുമലിലേറി ജീവിതം നരകിച്ചു തീർക്കേണ്ടതില്ലന്നും തീരുമാനിച്ചിരുന്നു.

അങ്ങിനെ വളരെ ചെറിയ അത്യാവശ്യസൗകര്യങ്ങൾ മാത്രമുള്ള ചെ

റിയൊരു വീടിനെക്കുറിച്ചു ചിന്തിച്ചു. നമ്മുടെ ആവശ്യങ്ങൾ നിറവേറുകയും, അത്യാവശ്യ ആഡംബരങ്ങളെല്ലാം, പിന്നീട് പണി തീർന്ന്  പണം കൈവരുന്ന മുറയ്ക്ക് ചെ

യ്തു തീർക്കാമെന്നു മുറപ്പിച്ച് ചെറി

യൊരു പ്ലാൻ തയ്യാറാക്കി.

മൂന്നു ബെഡ്റൂം,  ലിവിംഗ്, സിറ്റൗട്ട്, ഡൈനിംഗ്, കിച്ചൺ , വർക്ക് ഏരിയ കൂടാതെ ഒരു കോമൺ ബാത്ത്റൂം. രണ്ട് അറ്റാച്ച്ഡ് ബാത്ത്റൂമുകളും. പ്ലാനിൽ ഉൾക്കൊള്ളിച്ചു.

ഏതായാലും സംഗതി ഭാര്യയ്ക്കും താത്പര്യമായി.

 പിന്നീട് വീട് നിർമ്മാണത്തിൻ ആദ്യഘട്ടമെന്ന നിലയിൽ പഴയ വീട് പൊളിച്ചു മാറ്റണം.

മാത്രമല്ല, പഴയ വീട് പൊളിച്ചു മാറ്റിയാൽ പകരം താമസിക്കുന്നതിനായി മറ്റൊരു വീട് കണ്ടെത്തേണ്ടതുമുണ്ട്.

പക്ഷെ എവിടെ എങ്ങിനെ? തൊട്ടടുത്തായി ആ ഭാഗത്തൊന്നും തന്നെ ഒരു വീട് വാടകയ്ക്കായി കണ്ടെത്താൻ കഴിഞ്ഞില്ലന്നു മാത്രമല്ല . തീരെ കുറഞ്ഞ സൗകര്യമുള്ള വാടക വീടിനു പോലും മാസം പതിനായിരം രൂപയെങ്കിലും വാടകയിനത്തിലും വേ

ണം.

എന്തു ചെയ്യും?

എന്തായാലും തുനിഞ്ഞിറങ്ങി ഇനി മറ്റൊന്നും ആലോചിച്ചിട്ട് കാര്യമില്ല . തത്ക്കാലം രണ്ടു പേർക്കു താമസിക്കുവാൻ കഴിയുന്ന തരത്തിൽ അതേ പ്ളോട്ടിൽ  മറ്റൊരു ചെ

റിയ വീട് പണിയുക തന്നെ.

പിന്നീട് അതിനായുള്ള ശ്രമങ്ങളായി . തറ വലിയ കോൺക്രീറ്റ് ഇഷ്ടികകളിൽ നിർമ്മിച്ച് അതിനിടയിൽ പില്ലറുകൾ നിർമ്മിച്ച് മുകളിൽ Gl ഡ്രസ്സ് വർക്കുനടത്തി ഒരു കുഞ്ഞു വീട്.

ഒരു അടുക്കള, അതിനോട് ചേർന്ന് ഒരു ഹാൾ - ഹാളിനെ  മൂന്നായി തിരിച്ച് , ഒരു ബെഡ്റൂം, സിറ്റൗട്ട്, ഡൈനിംഗ് ഇങ്ങിനെ രൂപപ്പെടുത്തി. സംഗതി ക്ലീൻ !

ആകെ ചിലവായത് 3 ലക്ഷം രൂപ .

വീട് വാടക നിരക്കിൽ എടുത്തിരുന്നെ

ങ്കിൽ ഒരു പക്ഷേ ഇതിലും എത്രയേ

റെ രൂപ വേറെ പലയിനങ്ങളിലുമായി നഷ്ടപ്പെടുമായിരുന്നു.

എന്തായാലും അതെല്ലാം കഴിഞ്ഞിട്ടിപ്പോൾ വർഷങ്ങൾ പലതു പിന്നിട്ടിരിക്കുന്നു. ഇപ്പോൾ ആ വീട്ടിൽ വാടകക്കാരാണ് താമസമാക്കിയിരിക്കുന്നത്.  പറയുന്നതിലേറെ പണം നൽകി അവിടെ താമസിക്കുവാൻ ആവശ്യക്കാരും അനേകം.

എന്തായാലും അന്ന് തോന്നിയ ഒരു ബുദ്ധി പിൽക്കാലത്ത് മികച്ച ഒരു സമ്പാദ്യവും കൂടി ആയി മാറുകയായിരുന്നു എന്നതാണ് വീടു പണിയിലെ  ഈ ആദ്യഘട്ടത്തിൽ സംഭവിച്ചത്. 

എങ്കിൽപ്പോലും വീടുനിർമ്മാണത്തിൻ്റെ അടുത്ത ഘട്ടത്തിലേയ്ക്കു കടക്കുമ്പോൾ  ജീവിതത്തിൽ ഇന്നുവരെ കണ്ടിട്ടില്ലാത്ത പലതരം  മനുഷ്യരെയാണ് പിന്നീട് നേരിടേ

ണ്ടി വന്നത്.

ഇതിൻ്റെ രസകരമായ അടുത്ത ഘട്ടത്തിലേയ്ക്ക് പ്രവേശിക്കുവാൻ താഴെ കാണുന്ന ലിങ്കിൽ ക്ലിക്കുചെയ്യുക  .

ഇവിടെ വായിക്കാം; ഒരു വീട് നിർമ്മിക്കുവാൻ ഇറങ്ങുമ്പോഴുള്ള പൊല്ലാപ്പുകളും, കഷ്ടപ്പാടുകളും