രുചികരമായ നിലക്കടല - ബദാം ഷെയ്ക്ക് ക്ഷീണം അകറ്റാനും, പെട്ടെന്ന് ശാരീരികോർജ്ജം നൽകാനും, ഒരു കിടിലൻ ഹെൽത്തി ഡ്രിങ്ക് . കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന നിലക്കടല - ബദാം ഷെയ്ക്ക് (Peanut-Almond Milkshake) ഇത്, എങ്ങിനെ വീട്ടിൽ വളരെ എളുപ്പത്തിൽ തയ്യാറാക്കാമെന്നും, ഇതിൻറെ ആരോഗ്യഗുണങ്ങൾ എന്തൊക്കെയാണെന്നും നമുക്ക് വിശദമായി പരിശോധിക്കാം. ആവശ്യമായ ചേരുവകൾ (Ingredients) നിലക്കടല: കാൽ കപ്പ് (വറുത്ത് തൊണ്ട് കളഞ്ഞത്) ബദാം: കാൽ കപ്പ് (വെള്ളത്തിൽ കുതിർത്ത് തൊണ്ട് കളഞ്ഞത്) പാൽ: അര ലിറ്റർ (ഫ്രീസ് ചെയ്തത്) കശുവണ്ടിപ്പരിപ്പ്: 10 എണ്ണം ഈന്തപ്പഴം: 10 എണ്ണം (കുരു കളഞ്ഞത്) റോബസ്റ്റാപ്പഴം: 1 എണ്ണം (കഷണങ്ങളാക്കിയത്) ഏലക്കാപ്പൊടി: 1 എണ്ണം ഏലക്കായുടെ തൊണ്ടു കളഞ്ഞു പൊടിച്ചത് തേൻ: 2 ടേബിൾ സ്പൂൺ തയ്യാറാക്കുന്ന വിധം (Step-by-Step Preparation) പേസ്റ്റ് രൂപത്തിൽ അരച്ചെടുക്കുക: ആദ്യം നിലക്കടല, ബദാം, കശുവണ്ടിപ്പരിപ്പ്, റോബസ്റ്റാപ്പഴം, ഈന്തപ്പഴം, ഏലക്കാപ്പൊടി എന്നിവയെല്ലാം ഒരു മിക്സിയുടെ ജാറിലേക്കിടുക. ഇതിലേക്ക് അൽപ്പം പാൽ ഒഴിച്ച് കട്ടകളില്ലാതെ പേസ്റ്റ് രൂപത്തിൽ നന്നായി...
ഹുരുഡീസ് വീടുകളുടെ ഗുണഫലം
കേരളത്തിൽ ദിവസേനയെന്നോണം, വീടു നിർമ്മാണത്തിൽ പലവിധ പരീക്ഷണങ്ങളും, വിപ്ളവകരമായ മാറ്റങ്ങളുമാണ് പലപ്പോഴും കാണാൻ കഴിയുന്നത്.
 |
| ഹുറുഡീസ് വീടുകൾ |
അതിൽ ഇപ്പോൾ വ്യാപകമാകുന്നത് ഹുരിഡീസ് ഉപയോഗിച്ചുള്ള വീട് നിർമ്മാണമാണ്.
സിമന്റ് പ്ളാസ്റ്ററിംഗ് ഒഴിവാക്കാമെന്നതും,ചൂടിനെ പ്രതിരോധിച്ച് വീടിന് ഉൾവശം തണുപ്പ് നിലനിർത്താൻ കഴിയുന്നതും അതിന്റെ പ്രധാന ഗുണവശങ്ങളായി പലരും ചൂണ്ടിക്കാട്ടുന്നു. സാധാരണ കാലാവസ്ഥയിൽ, ഫാനോ, എ.സിയോ പോലും ആവശൃമില്ലന്ന് അനുഭവസ്ഥർ പറയുന്നു.
ഇവിടെ ചിത്രത്തിൽ കാണുന്നത്, മലപ്പുറം മഞ്ചേരിയിൽ ഹുരിഡീസ് ഉപയോഗിച്ചു നിർമ്മിച്ച വിജീഷിൻറെ ആയിരം സ്ക്വയർ ഫീറ്റ് വീടാണ്. രണ്ട് ബെഡ്‌റൂമുകളും, ഹാളും, അടുക്കളയും, സിറ്റൗട്ടും, ഡൈനിംഗും അടങ്ങുന്നതാണ് വീട്.
പ്രതൃേകിച്ച് മേൽനോട്ടക്കാരൊന്നുമില്ലാതെ, ഓരോന്നിനും പരിചയ സമ്പന്നരായ തൊഴിലാളികളെ ഉപയോഗിച്ചായിരുന്നു നിർമ്മാണം.
ഹുരുഡീസ് ഇഷ്ടികകൾ വാങ്ങുമ്പോൾ ശ്രദ്ധിക്കേണ്ടത്.
കേരളത്തിൽ പലസ്ഥലങ്ങളിലും, ഹുരിഡീസ് നിർമ്മിക്കുന്നുണ്ടങ്കിലും ഇതിനാവശൃമായത് ബാംഗ്ലൂരിൽ നിന്ന് വരുത്തുകയായിരുന്നു.
ഒരു വർഷം മുമ്പ് വീടുനിർമ്മാണം ആരംഭിക്കുമ്പോൾ ഏകദേശം 61 രൂപയ്ക്ക് ലഭിച്ചിരുന്ന കട്ടകൾ ഇപ്പോൾ 75 രൂപയിൽ എത്തിയിരിക്കുന്നു.
ഹുരിഡീസ് ഇഷ്ടികകൾ വാങ്ങുമ്പോൾ അതിൻറെ ക്വാളിറ്റി വൃക്തമായി പരിശോധിക്കാത്ത പക്ഷം വലിയ തോതിൽ നഷ്ടം സംഭവിക്കാമെന്നും വീട്ടുടമസ്ഥൻ പറയുന്നു
ആദ്യ ഘട്ടങ്ങളിൽ കൊണ്ടുവന്ന ഹുറുഡീസ് ഇഷ്ടികകളുടെ പ്രതലങ്ങൾക്ക് ചെറിയ വളവ് ഉണ്ടായിരുന്നതായും , തത്ഫലമായി അത് ഉപയോഗിക്കാൻ കഴിയാതെ വലിയ സാമ്പത്തിക നഷ്ടം സംഭവിക്കുകയും ചെയ്തു. ഏകദേശം 3700 ഹുരിഡീസ് ഇഷ്ടികകളാണ് ഇതിന്റെ നിർമ്മാണത്തിനായി വന്നത്.
ഇഷ്ടികകൾ തിരഞ്ഞെടുക്കുമ്പോൾ, വാങ്ങാൻ ഉദ്ദേശിക്കുന്ന കമ്പനിയുടെ ഇഷ്ടികകൾ ഉപയോഗിച്ചു നിർമ്മിച്ച വീടുകൾ കണ്ട് വിലയിരുത്തി ബോധപൂർവ്വം മാത്രം വാങ്ങുകയാണ് ഉചിതമെന്ന് വീട്ടുടമ സാക്ഷ്യപ്പെടുത്തുന്നു.
ഹുരുഡീസ് വീടുകളുടെ നിർമ്മാണം
പില്ലറുകളൊന്നും നൽകാതെ നിർമ്മിച്ച ഈവീടിൻറെ, കട്ടിളകളും, ജനൽ ഫ്രെയിമുകളുമെല്ലാം കോൺക്രീറ്റിൽ നിർമ്മിച്ചവയും,വാതിലുകളും ,സ്റ്റെയർകെയ്സ് സ്റ്റെപ്പുകളുമെല്ലാം മരം കൊണ്ട് നിർമ്മിച്ചതുമാണ്.
22 ലക്ഷം രൂപയാണ്. ആയിരം സ്ക്വയർ ഫീറ്റുള്ള ഈ ചെറിയ വീടിന്റെ നിർമ്മാണച്ചിലവ്.
ഇഷ്ടികകളുടെ വലിയ ദ്വാരങ്ങളിലൂടെ വയറിംഗ്, പ്ലബ്ബിംഗ് വർക്കുകളുടെ പൈപ്പുകൾ കടത്തി വിടാമെന്നതും, അധികമായി ഭിത്തികൾ വെട്ടിപ്പൊളിക്കാതെ തന്നെ അത്തരം ജോലികൾ ഭംഗിയോടെ ചെയ്യാമെന്നതും ഇത്തരം വീടുകളുടെ മറ്റൊരു പ്രതൃേകതയാണ്.!
നിർമ്മാണത്തിന്, പ്രവൃത്തി പരിചയം സിദ്ധിച്ച തൊഴിലാളികളുടെ സേവനം ഉപയോഗപ്പെടുത്തുവാനും കഴിഞ്ഞാൽ കൂടുതൽ സമയ നഷ്ടവും, പണവും ലാഭിക്കാനും കഴിയും!
അഭിപ്രായങ്ങള്‍