ഇതൊഴിവാക്കി പ്രധാന ഉള്ളടക്കത്തിലേക്ക് പോവുക

ഫീച്ചര്‍ ആക്കപ്പെട്ടത്

മൂന്ന് സെൻറിലെ 1300 സ്ക്വയർ ഫീറ്റ് വീട്

  Inter lock brick house 1300 sq   എറണാകുളം ജില്ലയിലെ ചേരാനല്ലൂരിലാണ് മൂന്ന്  സെൻറിൽ, ഔട്ട് ഹൗസും, കിണറും കഴിഞ്ഞ് ബാക്കിയുള്ള രണ്ട് സെൻറിൽ പണികഴിപ്പിച്ച 1300 സ്ക്വയർ ഫീറ്റിലെ മനോഹരമായ ഈ ഇൻറർലോക്ക് ഇഷ്ടിക വീട്.    നാല് മുറികളും ഓപ്പൺ കിച്ചണും, രണ്ടു ടോയ് ലറ്റോടും  കൂടിയ ഈവീടിൻറ ചിലവ് 22 ലക്ഷം രൂപയാണ്. വീടിനോട് ചേർന്ന് കല്ലുപാകിയ വലിയൊരു കിണർ ഉള്ളതിനാൽ തറ കെട്ടുന്നതിനുവേണ്ടി കുറച്ച് അധികം പണം,  ഏകദേശം മൂന്ന് ലക്ഷം രൂപയോളം ആ ഇനത്തിൽ ചിലവായി  റോഡിൽ നിന്നും വീട് നിർമ്മാണസ്ഥലത്തേക്കുള്ള   ദൂരം  അൽപ്പം കൂടുതലായതിനാൽ കൂലിച്ചിലവ് ഇനത്തിലും പ്രതീക്ഷിച്ചതിലും ബജറ്റ് അൽപ്പം കൂടുതലാവുകയും, സ്ക്വയർഫീറ്റ് 1500 എന്നലക്ഷ്യത്തിൽ നിന്ന് മാറിപ്പോവുകയും ചെയ്തു.      മറ്റ് ഇൻറർലോക്ക് ഇഷ്ടിക വീട്ടിൽ  നിന്നും ഇതിനെ വ്യത്യസ്ഥമാക്കുന്നത്, ഏകദേശം ഏഴ് അടി പൊക്കത്തിൽ ഭിത്തിയിൽ നിറയെ ഒട്ടിച്ചിരിക്കുന്ന സിറാമിക് ടൈലുകളാണ്. രണ്ട് കാര്യങ്ങളാണ്  ടൈലുകൾ ഒട്ടിക്കാൻ  പ്രേരണയായതെന്ന് അദ്ദേഹം പറയുന്നു. ഒന്നാമതായി മാറിയ സാഹചര്യങ്ങളിൽ സിറാമിക് ടൈലുപോലുള്ള മിനുസമുള്ള പ്രതലങ്ങളിൽ രോഗാണുക്കൾ പോലുള്ളവ ഒന്നും പറ്റിപ്പിടിച്ചിരിക്കി

വീട് നിർമ്മാണത്തിനും മുൻപ്.


https://www.vlcommunications.in/2021/12/blog-post.html

ശ്രീ. സുരേഷ് ശിവൻ.    വളരെ അവിചാരിതമായി ഒരു സുഹൃത്ത് വഴി പരിചയപ്പെട്ട  അങ്കമാലിയിലുള്ള,  ഒരു സഹൃദയൻ.   തൊഴിൽ Home Conceptionists . സത്യത്തിൽ  അത് എന്താണന്ന് മനസ്സിലായില്ല.! കാരണം , എന്നെ സംബന്ധിച്ചിടത്തോളം അങ്ങിനെ ഒരു വാക്കുകേൾക്കുന്നത് തന്നെ ആദ്യം!

. എൻറെ സംശയം കണ്ടപ്പോൾ അദ്ദേഹം തന്നെ ചിരിച്ചുകൊണ്ടുപറഞ്ഞു. പേടിക്കേണ്ട, അങ്ങിനെ ഒരു തൊഴിൽ മേഖല വളരെ പെട്ടെന്ന് അധികമാർക്കും പരിചയമുണ്ടാവില്ല. കാരണം ഒരു വീട് അല്ലങ്കിൽ ഏതുതരം സ്ഥാപനമായാലും, ഒരു എഞ്ചിനീയർ, അതല്ലങ്കിൽ ഒരു കോൺട്രാക്ടർ അതിനപ്പുറത്തേക്ക്, ഒരു ഗൃഹനിർമ്മാണം ആരംഭിക്കുമ്പോൾ അധികം ആരുടേയും ചിന്ത നീണ്ടുപോകാറില്ല.

- സത്യത്തിൽ എന്താണ് ആ ജോലി...? -  എൻറെ ചോദ്യത്തിന് ഉത്തരം നൽകിയത് അദ്ദേഹത്തിൻറെ ഒരു സുഹൃത്തിൻറെ വീട് താമസത്തിൻറെ  അനുഭവം പങ്ക് വെച്ചുകൊണ്ടായിരുന്നു....!

" പുഴയോരത്ത് നിന്ന് അൽപ്പം നീങ്ങി പണികഴിപ്പിച്ച,  വിദേശമലയാളിയായ ഒരു സുഹൃത്തിൻറെ വീടായിരുന്നു അത്. രണ്ടായിരത്തി അഞ്ഞൂറിന് മുകളിൽ സ്ക്വയർ ഫീറ്റിൽ നിർമ്മിച്ച ആ വീടിൻറെ  നിർമ്മാണത്തിനായി വളരെയധികം തുകയും അദ്ദേഹം ചിലവഴിച്ചു.

https://www.vlcommunications.in/2021/12/blog-post.html
Sri.Suresh sivan. Home Conceptionists 


  പക്ഷെ പ്രശ്നമെന്താണന്നുവെച്ചാൽ.... പണിതീർന്നുകഴിഞ്ഞപ്പോൾ എന്തെല്ലാമോ കുറവുകൾ വീടിന് സംഭവിച്ചതായി ഉടമസ്ഥന് ഒരു തോന്നൽ.! പക്ഷെ പറഞ്ഞിട്ടെന്തുകാര്യം അദ്ദേഹത്തിൻെറ ആവശ്യങ്ങൾ കേട്ടറിഞ്ഞുകൊണ്ടുതന്നെയാണ്  ആവശ്യമായ മുറികളും, ഡൈനിംഗും, കിച്ചണുമെല്ലാം എഞ്ചിനീയർ പ്ളാൻ ചെയ്തതും, വരച്ചതും, പണികഴിപ്പിച്ചതും, എന്നിട്ടും ഉടമസ്ഥനും, വീട്ടുകാർക്കുമെല്ലാം എന്തോ ഒരു തൃപ്തിക്കുറവ്.!  അതൃപ്തിയുടെ കാരണം അന്വേഷിച്ചാൽ അതെന്താണന്ന്  പറഞ്ഞ് ബോദ്ധ്യപ്പെടുത്താൻ അവർക്ക് കഴിയാത്ത ഒരവസ്ഥയും ...!

സത്യത്തിൽ സംഭവിച്ചത്... പുഴയോരത്ത് ഒരുവീട് എന്ന അവരുടെ വലിയ ഒരു ആഗ്രഹം നിറവേറ്റപ്പെട്ടതൊഴിച്ചാൽ. ആ പുഴയുടെ സൗന്ദര്യം നുകരുവാനോ. അതിൽ നിന്നുള്ള കാറ്റ്  കടന്നുവരുന്ന വിധത്തിലോ, വൈകുന്നേരങ്ങളിലെ മനോഹരമായ അസ്തമയമോ...ഉദയമോ ഒന്നും ആസ്വദിക്കാൻ കഴിയുമായിരുന്ന ഒരുരീതിയിലായിരുന്നില്ല അതിൻറെ നിർമ്മാണം.

  വിശാലമായ ആ പ്ളോട്ടിൽ വീട് നിർമ്മാണവും, അതിൻറെ ഘടനയിലു  മെല്ലാം, അൽപ്പ സ്വൽപ്പം മാറ്റങ്ങൾ വരുത്തുകയും, ആ ഭൂമിയുടെ കിടപ്പിന് അനുസൃതമായ ഒരു മാതൃക സ്വീകരിക്കുകയും ചെയ്തിരുന്നുവെങ്കിൽ.. ഒരു പക്ഷേ ആ മനോഹരമായ ഭൂപ്രദേശത്ത് വീടിനെ ഒരു പെട്ടിക്കൂടിലടച്ച അവസ്ഥയിൽ നിന്ന് ഒഴിവാക്കി,  അതിമനോഹരമാക്കി തീർക്കാമായിരുന്നു..! പക്ഷേ അത് മനസ്സിലാക്കിക്കഴിഞ്ഞപ്പോഴേക്കും, വീടിൻറെ പൂർത്തീകരണവും സംഭവിച്ചുകഴിഞ്ഞിരുന്നു..! അങ്ങിനെ വലിയ സ്വപ്നം എന്നത് മറ്റൊന്നും ചെയ്യാനാകാതെ ഒരുഭാഗീക സ്വപ്നം മാത്രമായവശേഷിച്ചു.!

. ഇക്കാര്യത്തിൽ  എഞ്ചിനീയറേയോ, കരാറുകാരനേയോ കുറ്റപ്പെടുത്തുവാനും കഴിയില്ല.കാരണം വീട്ടുടമയുടെ വീടിനെക്കുറിച്ചുള്ള ആവശ്യങ്ങൾ അദ്ദേഹംഉടമസ്ഥൻറെ ആവശ്യപ്രകാരം തന്നെ പൂർത്തീകരിച്ചു നൽകി!.                                യഥാർഥത്തിൽ ഒന്നുകൂടി വിശദീകരിച്ചാൽ ഒരു കലാകാരൻറെ വീടു സങ്കൽപ്പമാവില്ല...ഒരു ബിസിനസ്സുകാരൻറേത്..!.അല്ലങ്കിൽ ഒരു കർഷകൻറെ വീടു സങ്കൽപ്പമാകണമെന്നില്ല... ഒരു ബാങ്ക് ഉദ്യോഗസ്ഥൻറേത്...! അത് വളരെ പെട്ടെന്ന് മനസ്സിലാക്കി അതിനനുസൃതമായ പ്ളാൻ ഉണ്ടാക്കലും അസാദ്ധ്യം.!

  ഇങ്ങിനെ വ്യത്യസ്തമായ ആശയങ്ങളിലും, ജീവിത സങ്കൽപ്പങ്ങളിലും, തൊഴിലുകളിലും ഏർപ്പെട്ടിരിക്കുന്നവരുടെ അഭിരുചിക്കും,അതുപോലെതന്നെ വീട് നിർമ്മിക്കാൻ ഉദ്ദേശിക്കുന്ന ഭൂ പ്രകൃതിയേയും കണ്ടറിഞ്ഞ് വീട്ടുകാരുമായി ചർച്ച ചെയ്ത് ഒരു വീട് സങ്കൽപ്പം ഉണ്ടാക്കുകയും ...... ആ സങ്കൽപ്പങ്ങൾക്ക് യോജിക്കുന്ന വിധത്തിലുള്ള പ്ളാനുകൾ തയ്യാറാക്കി...അതിനനുസൃതമായ രീതിയിലുള്ള വീട് നിർമ്മിക്കുകയും ചെയ്യുക എന്നതാണ് യഥാർഥത്തിൽ ഒരു Home Conceptionists  ൻറെ ജോലി. അത് കേൾക്കുന്നപോലെ അത്രപെട്ടെന്ന് ചെയ്ത് തീർക്കാവുന്ന ഒരു കാര്യമാണന്നും ധരിക്കേണ്ടതില്ല.        

  എന്നെ സംബന്ധിച്ചിടത്തോളം, വീടുകളെക്കുറിച്ചെല്ലാം പലരുമായി.. പലകാര്യങ്ങളും ചർച്ചചെയ്തിട്ടുണ്ടങ്കിലും,  തീർത്തും അതുവരെ ചിന്തയിലേക്കുവരാതിരുന്ന പല കാര്യങ്ങളാണ് അദ്ദേഹം  പലപ്പോഴായി എന്നോട് പങ്കുവെച്ചത്. 

 വീട് എന്നത് കേവലം ഒരു എഞ്ചിനീയറിംഗ് സംവിധാനമോ ഒരു തിയറിയോ മാത്രമല്ല.... അത്.അതിൽ താമസിക്കുന്ന മനുഷ്യരുടെ താത്പര്യങ്ങളെ പൂർണ്ണമായും ഉൾക്കൊള്ളുന്നതും, സ്വന്തം വാസസ്ഥലത്ത് കിട്ടുന്ന ഒരു സ്വസ്ഥതയും, അനുഭൂതിയും മറ്റെവിടെത്താക്കാളുമുപരി  നൽകുന്നതുമായിരിക്കണം.   അത് കേവലം ഒരു ഓലക്കുടിലാണങ്കിൽ പോലും.!

ശരിയായിരിക്കാം... പലപ്പോഴും വൻ തുകകൾ ചിലവിട്ട് അത്യാഡംബരപൂർവ്വം നിർമ്മിക്കപ്പെടുന്ന വീടുകളിൽ പോലും...ഇത്തരം ഒരു ഉൾച്ചേർച്ചയില്ലായ്മ പലരും പറഞ്ഞ് കേട്ടിട്ടുണ്ട്. ചിലപ്പോഴെങ്കിലും ഗൃഹനാഥനോ, അതല്ലങ്കിൽ വീട്ടിലുള്ള മറ്റാർക്കെങ്കിലും ഏതെങ്കിലും തരത്തിലുള്ള ചില താത്പര്യങ്ങൾ ഉണ്ടങ്കിൽ തന്നെ അത് ഒരുപക്ഷേ... വാസ്തുവിൻറേയോ, അതല്ലങ്കിൽ മറ്റേതെങ്കിലും സാങ്കേതിക പ്രശ്നങ്ങളുടെ പേരിലോ കുഴിച്ചുമൂടപ്പെടുകയോ ആണ് ചെയ്യാറ്. വീട് ചെറുതായാലും, വലുതായാലും, അതിൻറെ ബജറ്റുകൾക്കപ്പുറത്തേക്ക്...നമുക്ക് പൂർണ്ണമായും സന്തോഷം നൽകുന്നതും, നമ്മുടെ ആവശ്യങ്ങൾ പൂർണ്ണമായും നിറവേറ്റപ്പെടുന്നതുമായിരിക്കണം.

 മറ്റൊരു ഉദാഹരണം പറഞ്ഞാൽ ഒരു മല അടിവാരത്ത് നിർമ്മിക്കുന്ന ഒരു വീട് സങ്കൽപ്പമാകണമെന്നില്ല ഒരു കടലോരത്ത് നിർമ്മിക്കാൻ പോകുന്ന ഒരുവീടിന്.

 ഇങ്ങിനെ പ്രകൃതിക്കും, മനുഷ്യനും, അവിടുത്തെ കാലാവസ്ഥക്കും, ഭൂപ്രകൃതിക്കും ഇണങ്ങുന്ന വിധത്തിലായിരിക്കണം ഗൃഹനിർമ്മാണം.  ഒരു പരിധിവരെ ഇത്തരം കാര്യങ്ങളെയൊക്കെത്തന്നെ ചേർത്ത് വെച്ചുകൊണ്ടാണ് വാസ്തുശാസ്ത്രവും രൂപപ്പെടുത്തിയിരിക്കുന്നത്.

 അതിനെയെല്ലാം ഒരുപരിധിവരെ,  നമ്മൾ ഒരു പഴഞ്ചൻ ശാസ്ത്രം എന്ന നിലയിൽ മാറ്റിനിർത്തേണ്ട  ആവശ്യവുമില്ല. കാരണം,   കിണറോ, കുളമോ ഉള്ള സ്ഥലങ്ങളിൽ ചില പ്രത്യേകതരം മരങ്ങൾ വെച്ചു പിടിപ്പിക്കാനോ, നിലനിർത്താനോ പാടില്ലന്ന് വാസ്തുവിൽ പറഞ്ഞു കേൾക്കാറുണ്ട്. അതിൻറെ കാരണം അന്വേഷിച്ചാൽ മനസ്സിലാകും, ഈ പറയുന്ന വൃക്ഷങ്ങളിൽ മനുഷ്യശരീരത്തിന് ദോഷകരമായ ചില വസ്തുക്കൾ അടങ്ങിയിട്ടുണ്ടന്നും ആവൃക്ഷത്തിൻറെ വേരുകൾ ജലാശയത്തിലേക്ക് ആഴ്ന്നിറങ്ങുന്നത് തീർച്ചയായും അത് ഉപയോഗിക്കുന്നവരിൽ ദോഷ ഫലങ്ങൾ ഉണ്ടാക്കുമെന്നതിൻറേയും അടിസ്ഥാനത്തിലാണ്. ഇങ്ങിനെ പരിശോധിച്ചാൽ  യഥാർഥത്തിൽ ഓരോന്നിനും അതിൻറേതായ ശാസ്ത്രമുണ്ടന്ന് പറയേണ്ടിവരും.

 ഇങ്ങിനെയുള്ള കാര്യങ്ങൾ  സമ്മതിക്കുമ്പോൾ തന്നെ.. , ബാത്ത് റൂമിലെ ക്ളോസറ്റിൻറെ സ്ഥാനം എവിടെയായിരിക്കണമെന്ന് ഒരുവാസ്തുശാസ്ത്രഞ്ജനോട് തിരക്കണ്ട കാര്യവുമില്ല. അതിനുള്ള ഉത്തരം പൈപ്പ് കണക്ഷന് ഏറ്റവും ഉചിതമായ സ്ഥലം ഏതാണോ അവിടെ സ്ഥാപിക്കുക എന്നത് മാത്രമാണ്. കാരണം ഈ പറയുന്ന വാസ്തുശാസ്ത്രം ഉണ്ടായ കാലത്തൊന്നും വീടിനുള്ളിൽ ബാത്ത് റൂം പണിയുന്ന സാഹചര്യങ്ങളൊന്നും ഉണ്ടായിരുന്നില്ല..!

 പറഞ്ഞുവരുന്നത് ഗൃഹനിർമ്മാണത്തിൽ,   പൂർണ്ണമായും ഉൾക്കൊള്ളേണ്ടതിനെ ഉൾക്കൊണ്ടുകൊണ്ടും, തള്ളിക്കളയേണ്ടതിനെ തള്ളിക്കളഞ്ഞുകൊണ്ടും നമുക്ക് അനുയോജ്യമായ മാതൃകയിൽ മുന്നോട്ടുപോവുക എന്നതാണ്.

താൻ യഥാർഥത്തിൽ ഇങ്ങിനെ ഒരു തൊഴിലിലേക്ക് ഇറങ്ങുകയായിരുന്നില്ല. ഒരു പക്ഷേ എത്തപ്പെട്ടു എന്നുപറയുന്നതാകും ശരിയെന്ന് അദ്ദേഹം പറയുന്നു. കാരണം പലസ്ഥലങ്ങളിലും വരക്കുന്ന പ്ളാനുകൾ, നമ്മൾ നേരത്തേ പറഞ്ഞതുപോലെ തന്നെ  വീട്ടുടമയ്ക്ക് പലപ്പോഴും അത്രയേറെ തൃപ്തി നൽകുന്നതാകില്ല,   കാരണം രൂപരേഖയിൽ കാണുന്ന മുറികൾക്കും, ഇടനാഴികൾക്കും അപ്പുറത്തേക്ക് പലപ്പോഴും വീട് സങ്കൽപ്പങ്ങൾ  എത്തിച്ചേരാറില്ല.!. അത്തരം അവസ്ഥകളിൽ നമ്മളേപ്പോലുള്ളവരുടെ ഇടപെടൽ ഉണ്ടാവുകയും, അവരുമായി പലവട്ടം നടക്കുന്ന സൗഹൃദ സംഭാഷണങ്ങൾ വഴി അവരെ പൂർണ്ണമായി ഉൾക്കൊള്ളുവാനും, അതിനനുസരിച്ച് അവരുടെ വീട് സങ്കൽപ്പങ്ങളെ നമുക്ക് മനസ്സിലാക്കാനും കഴിയാറുണ്ട്.   അതിനുശേഷം നമ്മൾ എഞ്ചിനീയറുമായി സംസാരിച്ച് ഒരു ധാരണയിലെത്തി നിർമ്മാണം ആരംഭിക്കുകയാണ് പതിവെന്ന് അദ്ദേഹം പറഞ്ഞു.

ഒരു പരിധി വരെ ഒരുപാട് സ്ഥലങ്ങളിൽ ഇത്തരം പ്രശ്നങ്ങൾ ഉണ്ടായതായി അനുഭവമുണ്ട്. അതിൻറെ പ്രധാന  കാരണങ്ങളിൽ ഒന്നായി തോന്നിയിട്ടുള്ളത്, നമ്മൾ അറിഞ്ഞോ അറിയാതെയോ മറ്റുള്ള വീടുകളുടെ മാതൃകകൾ കോപ്പിയടിക്കാറുണ്ട് എന്നതാണ് .!  

  പലരും എപ്പോഴും പറയുന്ന ഒരു വാചകമുണ്ട്.." ഹോ ഞാൻ കഴിഞ്ഞ ദിവസം ഒരു വീടു കണ്ടു...!  കിടിലൻ..!"  പിന്നീട് പറയാൻ തുടങ്ങുക... ഒന്നുകിൽ അതുപോലെയോ, അല്ലങ്കിൽ അതിനേക്കാളും സൂപ്പറായിട്ടോ.വേണം നമ്മുടെ വീട്.! ഇങ്ങിനെയെല്ലാമാണ് പലപ്പോഴും  പലരുടേയും സങ്കൽപ്പങ്ങൾ. 

എന്നാൽ വ്യത്യസ്ഥമായ ആശയങ്ങൾ പങ്കിടുന്നവരുമുണ്ട്. ഒരു സംഗീതഞ്ജൻ, അദ്ദേഹത്തിൻറെ പ്രധാന ആവശ്യം മുകളിൽ നിലയിൽ നിന്ന് പുറത്തേക്കു തുറന്നിട്ട വിശാലമായ വാതിലുകളും, ജനലുകളുമുള്ള വലിയ ഒരു ഹാൾ വേണമെന്നതായിരുന്നു. അതുകൊണ്ട് തന്നെ ബാക്കിയുള്ള കാര്യങ്ങൾക്ക് വലിയ പ്രാധാന്യം നൽകാതെ, മനോഹരമായ പ്രകൃതികാഴ്ച്ചകൾ ഒരുക്കിക്കൊണ്ടും, അതിനനുബന്ധമായി ആവശ്യമെങ്കിൽ എപ്പോഴെങ്കിലും ഒരു സ്റ്റുഡിയോയും  നിർമ്മിക്കാവുന്ന രീതിയിലായിരുന്നു അത് പ്ളാൻ ചെയ്തത്. കൂടാതെ  ചെങ്കല്ലുകളും,മണ്ണും ഉപയോഗിച്ചുള്ള പ്രകൃതിയോട് ചേർന്ന നിർമ്മാണ രീതികളും അവലംബിച്ചതോടെ കൂടുതൽ തണുപ്പും, ശാന്തതയും നൽകുന്ന ഒരു ഇടമായിക്കൂടി അത് മാറിത്തീർന്നു.

ഒരുവക്കീലാണങ്കിൽ ഒരു പക്ഷേ അദ്ദേഹത്തിൻറെ പ്രധാന ആവശ്യം, വീടുമായി ബന്ധപ്പെട്ടും, എന്നാൽ   വീടുമായി ബന്ധപ്പെടാത്ത  രീതിയിലും ഒരു ഓഫീസ് മുറി  വേണം സങ്കൽപ്പത്തിനാകും  കൂടുതൽ പ്രാധാന്യം...!  . അപ്പോൾ അദ്ദേഹത്തിൻറെ ജീവിതത്തിൽ ഏറ്റവും കൂടുതൽ സമയം ചിലവഴിക്കേണ്ട ഒരിടം എന്ന നിലയിൽ അത് കൂടുതൽ പ്രധാനപ്പെട്ടതും, മനോഹരവുമായി തീർത്തുകൊണ്ട്, ബാക്കിയുള്ള അംഗങ്ങളുടെ താത്പര്യങ്ങൾക്കനുസൃതമായാകും വീട് വിഭാവനം ചെയ്യുക.!

 ഇങ്ങിനെ വീട് എന്നുള്ളത്, നമ്മുടെ പ്രഥമ പരിഗണനഎന്താണോ അതിന് കൂടുതൽ ഊന്നൽ നൽകിക്കൊണ്ടും.... വീട്ടിലെ ബാക്കിയുള്ള അംഗങ്ങളുടെ താത്പര്യങ്ങളും, ആവശ്യങ്ങളും  കണക്കിലെടുത്തുകൊണ്ടുമാകണം വീട് എന്ന ഒരു ആശത്തിലേക്ക് എത്തിച്ചേരുവാൻ.! അതുകൊണ്ടു തന്നെ അത് എപ്പോഴും കൂടുതൽ സന്തോഷവും, ഊർജ്ജവും പ്രദാനം ചെയ്യുന്നതുമായിരിക്കും.. ! മറ്റൊരു വിധത്തിൽ പറഞ്ഞാൽ  ' കൂടുമ്പോൾ ഇമ്പമുള്ളത് '  എന്നവാക്കിനെ സാധൂകരിക്കുന്ന വിധത്തിൽ ,കുടുംബം എന്ന മനോഹര സങ്കൽപ്പത്തിലേക്ക്  നമുക്ക് എത്തിച്ചേരുവാൻ കഴിയുക എന്നത് തന്നെയാകണം വീടുനിർമ്മാണം എന്ന ആശയത്തിൻറെ തന്നെ മുഖ്യ കാതൽ .

ഇത്രയും പറഞ്ഞതുകൊണ്ട് ഓരോ വീടുനിർമ്മാണത്തിൻറെ പുറകിലും ഇത്തരം വലിയ ആശയങ്ങളുമായി നടക്കണമെന്നല്ല. പ്രധാനമായും നമ്മുടെ ആവശ്യങ്ങൾക്ക് പ്രാധാന്യം നൽകുകയും, അതിന് അനുസൃതമായ രൂപകൽപ്പനയും, നിർമ്മാണരീതികളും പ്രയോജനപ്പെടുത്തണമെന്നുമാത്രമാണ്.   കുറച്ചുകൂടെ വിശദമാക്കിയാൽ, നമ്മുടെ സ്വപ്നങ്ങളും, താത്പര്യങ്ങളും, പൂർണ്ണമായും ഉൾക്കൊള്ളുന്നവയാകണം നമ്മുടെ വീടുകൾ!.  അതിനുവേണ്ടി നമുക്ക് ആദ്യം ഉണ്ടാകേണ്ടത് വീട് സങ്കൽപ്പമെന്ന ഒരു കാഴ്ച്ചപ്പാടാണ്. അത് ഒരു പരിധിവരെ നമ്മുടേതുമാത്രമാവുകയും, അതിൻറെ സാക്ഷാത്കാരത്തിനുവേണ്ടി മാത്രം ഒരു പ്രൊഫഷണലിൻറെ സഹായം തേടുകയുമാകും ഉചിതം.!

അഭിപ്രായങ്ങള്‍

ജനപ്രിയ പോസ്റ്റുകള്‍‌